Valmynd
Valmynd
29. nóvember 2007
Íslenska kvennalandsliðið tekur þátt á hinu sterka Algarve Cup 2008 en mótið fer fram dagana 5. - 12. mars. Ísland er í riðli með Póllandi, Írlandi og Portúgal á mótinu.
29. nóvember 2007
Í dag var dregið í milliriðla EM 2008 hjá U19 karla og var Ísland í pottinum. Ísland lenti í riðli með Noregi, Ísrael og Búlgaríu. Sigurvegari riðilsins kemst í úrslitakeppnina sem fram fer í Tékklandi 14. - 26. júlí.
29. nóvember 2007
Í dag var dregið í undankeppni EM 2009 hjá U17 og U19 karla. Hjá U17 drógust Íslendingar í riðil með Sviss, Noregi og Úkraínu og verður riðillinn leikinn á Íslandi. Hjá U19 karla leika Íslendingar gegn Svíþjóð, Austurríki og Makedóníu.
28. nóvember 2007
KSÍ hefur haldið mörg þjálfaranámskeið á utan höfuðborgarsvæðisins undanfarið og fleiri námskeið eru fyrirhuguð. KSÍ mun reyna eftir fremsta megni að fara með þjálfaranámskeiðin út á landsbyggðina til að efla enn frekar menntun þjálfara þar.
28. nóvember 2007
Kristinn Rúnar Jónsson, landsliðsþjálfari U19 karla, hefur valið 36 leikmenn til æfinga um komandi helgi. Æft verður tvisvar sinnum og fara æfingarnar fram í Kórnum og í Egilshöll.
28. nóvember 2007
Drætti í milliriðla fyrir EM U19 karla, er fram átti að fara í dag, hefur verið frestað um einn dag vegna tæknilegra örðugleika. Á morgun, fimmtudag, verður því dregið í milliriðla fyrir EM 2008 og fyrir undankeppni EM 2009.
27. nóvember 2007
Knattspyrnusamband Íslands hefur ráðið Dag Svein Dagbjartsson sem starfsmann í fræðslumál. Dagur hefur lokið B.S. gráðu í íþróttafræðum frá KHÍ Laugarvatni og á að baki 12 landsleiki fyrir U-17 ára landslið Íslands.
27. nóvember 2007
Aðalfundur Knattspyrnuþjálfarafélags Íslands verður haldinn í fræðslusetri KSÍ á Laugardalsvelli, fimmtudaginn 29. nóvember n.k. klukkan 20:00.
27. nóvember 2007
Dregið verður í milliriðla EM hjá U17 og U19 kvenna 11. desember næstkomandi. Landslið U19 kvenna er í efsta styrkleikaflokki en U17 kvenna er í öðrum styrkleikaflokki.
27. nóvember 2007
Ólafur Þór Guðbjörnsson, landsliðsþjálfari U19 kvenna, hefur valið 25 leikmenn til æfinga um komandi helgi. Æft verður tvisvar um helgina, í Kórnum og í Egilshöllinni. Athygli skal vakin á því að U17 kvenna æfir ekki um þessa helgi.
27. nóvember 2007
Ísland verður í pottinum þegar dregið verður í milliriðla í EM 2008 hjá U19 karla. Drátturinn fer fram á morgun, miðvikudaginn 28. nóvember, og verður dregið í Cannes í Frakklandi. Úrslitakeppni fer fram í Tékklandi 14. - 26. júlí.
25. nóvember 2007
Dregið hefur verið í riðla fyrir undankeppni HM 2010. Drátturinn fór fram í Durban í Suður-Afríku í dag, sunnudag, og hafnaði Ísland í 9. riðli ásamt Hollandi, Skotlandi, Noregi og Makedóníu.
23. nóvember 2007
Næstkomandi sunnudag verður dregið í undankeppni HM 2010 í Suður Afríku og fer drátturinn fram í Durban. Ísland er í 5. styrkleikaflokki en níu þjóðir eru í hverjum styrkleikaflokki nema þeim síðasta sem skipaður er 8 þjóðum.
23. nóvember 2007
Íslenska karlalandsliðið er í 89. sæti styrkleikalista FIFA en nýr listi var birtur í dag. Ísland fellur um 10 sæti frá því að síðasti listi var birtur. Argentína er í efsta sætinu og Brasilíumenn koma þar á eftir.
22. nóvember 2007
KSÍ II þjálfaranámskeið fer fram á Akureyri nú um helgina og hefst námskeiðið kl. 14:30 í Félagsheimili Þórs, Hamri. Hér að neðan má sjá dagskrá námskeiðsins en kennarar verða þeir Janus Guðlaugsson og Pétur Ólafsson.
22. nóvember 2007
Fram FFR leitar að metnaðarfullum þjálfara til að taka að sér þjálfun 2. flokks karla fyrir tímabilið 2008. Fram býður uppá fyrsta flokks æfingaaðstöðu í Safamýrinni, stórt grasæfingasvæði þar sem liðið leikur heimaleiki sína.
21. nóvember 2007
Leikur Danmerkur og Íslands hefst kl. 19:00 í kvöld að íslenskum tíma. Leikurinn fer fram á Parken og ljóst er að mikill fjöldi Íslendinga verður á staðnum og mun vonandi láta heyra vel í sér. Leikurinn verður í beinni útsendingu á sjónvarpstöðinni Sýn.
21. nóvember 2007
Danir lögðu Íslendinga í kvöld í lokaleik þjóðanna í undankeppni fyrir EM 2008. Lokatölur urðu 3-0 fyrir Dani eftir að staðan hafði verið 2-0 í hálfleik. Íslendingar enduðu því í sjötta sæti riðilsins með átta stig.
