Valmynd
Valmynd
8. september 2007
Íslendingar og Spánverjar mætast í riðlakeppni EM 2008 í kvöld kl. 20:00 á Laugardalsvelli. Miðasala verður á Laugardalsvelli frá kl. 12:00 í dag en nokkur hundruð miðar eru enn eftir.
7. september 2007
Vegna ónógrar þátttöku verður KSÍ VI þjálfaranámskeið ekki haldið á þessu ári eins og áætlað var. Reynt verður að halda námskeiðið á næsta ári ef næg þátttaka fæst.
7. september 2007
Í dag, föstudag, er síðasti dagur forsölu miða á landsleik Íslands og Spánar sem fram fer laugardaginn 8. september kl. 20:00 á Laugardalsvellinum. Það fer því hver að verða síðastur að tryggja sér miða á leikinn með forsöluafslætti.
7. september 2007
Íslenska U21 landslið karla leikur í dag við Slóvakíu í riðlakeppni EM 2009. Leikið er í Senec í Slóvakíu og hefst leikurinn kl. 17:00 að íslenskum tíma. Luka Kostic, landsliðsþjálfari, hefur tilkynnt byrjunarlið sitt fyrir leikinn.
7. september 2007
Boðið verður upp á andlitsmálun fyrir landsleik Íslands og Spánar á laugardag á Laugardalsvelli. Því er um að gera að mæta tímanlega og láta mála íslenska fánann á kinnina og ennið, jafnvel að láta mála allt andlitið til að vera sem flottastur!
7. september 2007
Áhorfendur á leik Íslands og Spánar eru hvattir til að mæta vel tímanlega á leikinn á laugardag til að forðast biðraðir og til að hita upp fyrir leikinn. Boðið verður upp á ýmislegt fyrir leikinn til að stytta fólki stundir og hefja fjörið.
7. september 2007
KSÍ ákvað á þessu ári að hefja að nýju útgáfu leikskrár fyrir heimalandsleiki, en slík útgáfa hafði ekki verið í meira en áratug. Fyrir landsleikinn gegn Spánverjum á laugardag verður gefin út 20 blaðsíðna leikskrá með ýmsum áhugaverðum og gagnlegum upplýsingum.
7. september 2007
Strákarnir í U21 karla gerðu í dag jafntefli Slóvakíu i riðlakeppni EM U21 en leikið var ytra í grenjandi rigningu. Lokatölur urðu 2-2 og skoruðu Bjarni Þór Viðarsson og Theódór Elmar Bjarnason mörk Íslendinga.
6. september 2007
Áttu gamlan landsliðsbúning, eða nýjan? Áttu bláa úlpu eða bláa peysu, bláa húfu eða trefil? Áttu bláa skó, bláa vettlinga? Áttu eitthvað blátt? Klæðum stúkuna í blátt á laugardaginn! Allir að mæta í bláu!
5. september 2007
Í samræmi við 18. grein reglugerðar KSÍ um aga-og úrskurðarmál ákvað framkvæmdastjóri KSÍ að vísa ummælum fjögurra þjálfara um dómara í kjölfar leikja í 14. umferð Landsbankadeildar karla til Aga- og úrskurðarnefndar KSÍ.
5. september 2007
Kristinn R. Jónsson, landsliðsþjálfari U19 karla, hefur gert eina breytingu á hóp sínum er mætir Skotum í tveimur vináttulandsleikjum 8. og 10. september. Ásgeir Þór Ingólfsson úr Haukum kemur í stað Björns Jónssonar sem er meiddur.
4. september 2007
Tveir leikmenn hafa þurft að draga sig út úr íslenska landsliðshópnum fyrir landsleikinn gegn Spáni vegna meiðsla. Leikmennirnir eru Brynjar Björn Gunnarsson, Reading og Helgi Sigurðsson úr Val.
3. september 2007
Miðasala á landsleik Íslands og Spánar í riðlakeppni fyrir EM 2008 stendur nú sem hæst. Leikurinn fer fram á Laugardalsvelli laugardaginn 8. september og hefst kl. 20:00. Sala aðgöngumiða á landsleiki fer fram í miðasölukerfi frá midi.is
1. september 2007
Miðasala á leik Íslands og Norður Írlands í riðlakeppni fyrir EM 2008 er hafin. Leikurinn fer fram á Laugardalsvelli, miðvikudaginn 12. september og hefst kl. 18:05. Miðasala fer fram í miðasölukerfi frá midi.is
31. ágúst 2007
Knattspyrnusamband Íslands og Íþróttasamband Fatlaðra hafa ákveðið að standa aftur fyrir æfingum á sparkvellinum í Laugardal, beint á móti stúku KSÍ. (við Laugarnesskóla).
31. ágúst 2007
Handhafar A-passa frá KSÍ fá aðgöngumiða á leikinn Ísland - Spánn afhenta miðvikudaginn 5. september frá kl. 12:00 - 17:00. Miðarnir verða afhentir í miðasölu Laugardalsvallar.
31. ágúst 2007
Luis Aragones, landsliðsþjálfari Spánar, hefur tilkynnt landsliðshóp sinn er mætir Íslandi 8. september og Lettlandi 12. september. Sex leikmenn landsliðshópsins eru frá Valencia.
31. ágúst 2007
Eyjólfur Sverrisson, landsliðsþjálfari, hefur tilkynnt landsliðshóp sinn fyrir leikina gegn Spáni, 8. september, og Norður Írlandi 12. september. Í hópnum eru 22 leikmenn og þar af eru tveir nýliðar.
