Valmynd
Valmynd
15. febrúar 2007
Málþingið er hluti stefnumótunarvinnu fyrir meistaraflokk og 2. flokk kvenna í knattspyrnu hjá FH. Það er haldið af unglingaráði og meistaraflokksráði kvenna. Málþingið er öllum opið og hefst kl. 10:00, laugardaginn 17. febrúar.
15. febrúar 2007
Mánudaginn 19. febrúar næstkomandi verður dregið í riðlakeppni Evrópukeppni U17 og U19 kvenna. Dregið verður í Nyon í Sviss. Þetta er í fyrsta skiptið sem Evrópukeppni U17 kvenna fer fram.
15. febrúar 2007
Leyfiskerfi KSÍ hefur nú verið innbyggt í ný lög sambandsins, sem samþykkt voru á ársþingi KSÍ 2007. Jafnframt var ný leyfishandbók staðfest með þessari samþykkt. Einnig var kosið í leyfisráð og leyfisdóm til næstu tveggja ára.
14. febrúar 2007
Nýr FIFA styrkleikalisti karla var birtur í dag og er Ísland í 95. sæti listans. Eftir að hafa verið á toppi listans í 55 mánuði samfleytt, detta Brasilíumenn niður í annað sætið. Heimsmeistarar Ítala smella sér á toppinn í fyrsta sinn síðan 1993.
13. febrúar 2007
Í dag var dregið í riðla fyrir riðlakeppni EM U21 karla 2007-2009. Úrslitakeppnin fer fram í Svíþjóð og af því tilefni var dregið í Stokkhólmi. Ísland var í þriðja styrkleikaflokki og lenti í riðli með Belgíu, Slóvakíu, Austurríki og Kýpur.
13. febrúar 2007
Sigurður Ragnar Eyjólfsson, landsliðsþjálfari kvenna í knattspyrnu, hefur valið leikmenn til æfinga. Æft verður helgina 17. og 18. febrúar og fara æfingarnar fram í Akraneshöllinni og Eglishöllinni.
12. febrúar 2007
Á ársþingi KSÍ var Eggert Magnússon kjörinn heiðursformaður sambandsins. Heiðursformaður á rétt til setu og hefur málfrelsi á stjórnarfundum KSÍ. Heiðursformenn KSÍ eru nú 2, þeir Eggert Magnússon og Ellert B Schram.
10. febrúar 2007
61. ársþing KSÍ var sett, stundvíslega kl. 10:00, í morgun á Hótel Loftleiðum. Fylgst verður með framvindu þingsins hér á síðunni en meðal annars eru framundan kosningar um formann og stjórn sem og afgreiðsla tillagna.
10. febrúar 2007
Fjölnir hlaut kvennabikarinn fyrir árið 2006 og var hann afhentur á ársþingi KSÍ. Ásgeir Heimir Guðmundsson formaður knattspyrnudeildar Fjölnis tók við bikarnum fyrir hönd félagsins úr hendi formanns KSÍ.
10. febrúar 2007
Valur fékk afhenta Drago-styttuna svokölluðu í Landsbankadeild karla 2006 og HK fékk styttuna afhenta í 1. deild karla. Drago stytturnar hljóta þau lið í efstu tveimur deildum karla, sem sýna prúðmannlegastan leik.
10. febrúar 2007
Eggert Magnússon, fráfarandi formaður KSÍ, afhenti forsvarsmönnum netmiðilsins fotbolta.net viðurkenningu fyrir þeirra framlag til knattspyrnunar á Íslandi. Vefsíðan hefur fjallað myndarlega um íslenska knattspyrnu á undanförnum árum.
10. febrúar 2007
Eggert Magnússon ávarpaði 61. ársþing KSÍ í morgun, í síðasta sinn sem formaður KSÍ. Eggert fór m.a. yfir þær breytingar sem orðið hafa í starfinu og stöðu mála í knattspyrnunni í dag.
10. febrúar 2007
61. ársþing KSÍ var haldið á Hótel Loftleiðum í dag. Geir Þorsteinsson var kjörinn formaður KSÍ og er sá áttundi sem að gegnir því embætti. Eggert Magnússon lét af formennsku KSÍ eftir rúm 17 ár í formannsembætti. Þrír nýir aðilar voru kjörnir í stjórn KSÍ.
9. febrúar 2007
Laugardaginn 10. febrúar, kl 10:00, verður 61. ársþing KSÍ sett á Hótel Loftleiðum. Fylgst verður með framvindu þingsins, afgreiðslu tillagna, kosningum og annarra mála, hér á heimasíðunni.
9. febrúar 2007
Knattspyrnudeild HK óskar eftir því að ráða þjálfara til að taka við 7. flokki drengja og hann þarf að geta hafið störf sem allra fyrst. Í 7. flokki eru drengir fæddir 1999 og 2000, og eru 7 og 8 ára á þessu ári.
8. febrúar 2007
Á fundi aganefndar í dag, 7. febrúar 2007, var Guðmundur Magnússon, Fram, úrskurðaður í tímabundið leikbann til 4 mánaða vegna atviks í leik Víkings og Fram í 2. flokki karla 4. febrúar. 
7. febrúar 2007
Þriðjudaginn 13. febrúar verður dregið í riðla fyrir EM 2007-2009 hjá U21 karla en úrslitakeppnin fer fram í Svíþjóð. Ísland er í þriðja styrkleikaflokki en alls verða 51 þjóð í pottinum.
6. febrúar 2007
Um helgina fara fram fjölmargar úrtaksæfingar hjá yngri landsliðum karla. Um er að ræða U16, U17 og U19 karla sem verða á ferðinni um helgina. Alls hafa 146 leikmenn verið boðaðir á þessar æfingar.
