Valmynd
Valmynd
19. desember 2006
Áfrýjunardómstóll ÍSÍ hefur tekið fyrir mál Þórs/KA gegn ÍR en málinu var skotið þangað eftir að áfrýjunardómstóll KSÍ dæmdi í málinu.  Áfrýjunardómstóll ÍSÍ dæmir Þór/KA sigur í leik liðanna, 3-0.
19. desember 2006
A landslið kvenna tekur þátt í Algarve Cup 2007 og verður í C riðli ásamt landsliðum Ítalíu, Portúgals og Írlands. Leikið verður í riðlinum 7., 9. og 12. mars en þann 14. mars verður leikið um sæti, en tvö efstu lið riðilsins leika gegn liðum úr A og B riðlum.
18. desember 2006
Íslenska karlalandsliðið er í 93. sæti á nýjum styrkleikalista FIFA. Er það sama sæti og Ísland vermdi síðast þegar að þessi listi var birtur. Brasiliumenn eru sem fyrr í efsta sæti listans.
14. desember 2006
Af óviðráðanlegum ástæðum hefur æfingatímum U17 og U21 landsliða karla næstkomandi sunnudag, 17. desember, verið breytt. Leiknir verða tveir æfingaleikir kl. 15:00 og 16:30 í stað 9:00 og 10:30.
13. desember 2006
Aðalsteinn Örnólfsson knattspyrnuþjálfari hefur fært KSÍ 100 bækur að gjöf til varðveislu í bókasafni KSÍ. Bækurnar eru úr einkasafni Aðalsteins og í safninu eru margar vandfundnar og verðmætar bækur.
13. desember 2006
KSÍ heldur I.stigs þjálfaranámskeið á Akureyri helgina 15-17.desember. Hægt að skrá sig á námskeiðið með því að senda tölvupóst á siggi@ksi.is en taka þarf fram nafn, kennitölu, fullt heimilisfang, nafn félags, gsm síma og netfang.
13. desember 2006
Knattspyrnudeild Aftureldingar vantar þjálfara fyrir 7. og 8. flokk kvenna frá og með næstu áramótum. Upplýsingar gefur Gústav Gústavsson í síma 820-6759.
13. desember 2006
Í dag var dregið í riðla í undankeppni fyrir EM 2009 en úrslitakeppnin fer fram í Finnlandi. Ísland var í öðrum styrkleikaflokki og lenti í þriðja riðli með Frakklandi, Serbíu, Slóveníu og Grikklandi.
13. desember 2006
Leikdagar fyrir undankeppni EM kvenna 2009 eru tilbúnir og mun Ísland leika við Grikkland á útivelli í fyrsta leik sínum í riðlinum. Fer sá leikur fram 31. maí. Síðasti leikur Íslands í riðlinum er einnig útileikur en þá verður leikið við Frakkland.
12. desember 2006
Í dag, miðvikudaginn 13. desember, verður dregið í riðla í undankeppni fyrir EM 2009 kvenna en úrslitakeppnin fer fram í Finnlandi. Ísland er í öðrum styrkleikaflokki en 30 þjóðir eru í pottinum og verður dregið í sex fimm liða riðla.
12. desember 2006
Úrtaksæfingar verða um helgina og verða þrjú landslið á fullri ferð. Lúka Kostic verður með æfingar hjá U17 og U21 karla og Guðni Kjartansson verður með æfingar hjá U19 karla. Úrtakshópana má sjá hér að neðan.
7. desember 2006
61. ársþing Knattspyrnusambands Íslands verður haldið á Hótel Loftleiðum laugardaginn 10. febrúar 2007. Sambandsaðilar eru beðnir um að kynna sér eftirfarandi efnisatriði tengd þinghaldinu:
7. desember 2006
Allar fréttir um ársþing KSÍ verða hér eftir birtar hér á vefnum undir Allt um KSÍ / Ársþing. Verið er að vinna í því að færa eldri fréttir um ársþing undir sama tengil. 61. ársþing KSÍ fer fram laugardaginn 10. febrúar næstkomandi.
7. desember 2006
Knattspyrnusamband Íslands hefur ráðið Sigurður Ragnar Eyjólfsson sem þjálfara A landsliðs kvenna og Guðna Kjartansson sem aðstoðarmann hans. Sigurður og Guðni munu stýra liðinu næstu tvö ár og stýra liðinu í næstu Evrópukeppni.
5. desember 2006
Í dag var dregið í milliriðla í Evrópukeppni U17 og U19 karla. Ísland komst áfram í báðum þessum aldursflokkum og voru því í pottinum í dag. Einnig var dregið í riðla hjá U19 kvenna en úrslitakeppni EM fer fram hér á landi í júlí 2007.
4. desember 2006
Þriðjudaginn 5. desember verður dregið í riðla í Evrópukeppni landsliða karla U17 og U19. Í pottana fara 28 þjóðir sem hafa unnið sér þátttökurétt í þessum milliriðlum og er Ísland með lið í báðum aldursflokkum.
1. desember 2006
Fram kom á stjórnarfundi KSÍ í gær að Halldór B Jónsson varaformaður KSÍ muni ekki gefa kost á sér í embætti formanns KSÍ á næsta ársþingi sambandsins í febrúar 2007.
30. nóvember 2006
Eggert Magnússon tilkynnti á stjórnarfundi KSÍ í dag að hann muni láta af starfi formanns KSÍ á næsta ársþingi KSÍ sem haldið verður 10. febrúar 2007. Eggert var kjörinn formaður KSÍ 1989 og hefur verið endurkjörinn 8 sinnum.
