Valmynd
Valmynd
6. september 2006
Íslenska U19 karlalandsliðið, undir stjórn Guðna Kjartanssonar, gerði góða ferð til Skotlands og lagði þar heimamenn í tveimur vináttulandsleikjum. Leiknum í dag lauk með sigri Íslendinga, 2-1. Fyrri leiknum lauk einnig með sigri Íslands, 3-1.
6. september 2006
Í kvöld kl. 18:05 flautar Rússinn Nikolai Ivanov til leiks í leik Íslands og Danmerkur. Þetta er leikur sem margir hafa beðið eftir með mikilli eftirvæntingu og er uppselt á þennan leik. Þetta er fyrsti leikur Dana í F riðli riðlakeppni EM 2008 en Íslendingar unnu sinn fyrsta leik, gegn Norður-Írum á útivelli.
5. september 2006
Íþróttafélagið Völsungur auglýsir eftir knattspyrnuþjálfurum fyrir 3. til 7.flokk drengja og stúlkna. Einnig auglýsir félagið eftir yfirþjálfara fyrir yngri flokka félagsins.
5. september 2006
Fjölskylduhátíð verður í Laugardalnum á morgun fyrir leik Íslands og Danmerkur. Fer hún fram á Gervigrasvelli Þróttar í Laugardalnum og hefst kl. 16:00. Leikur Íslands og Danmerkur hefst svo kl. 18:05 á Laugardalsvelli.
4. september 2006
Knattspyrnudeild Álftaness auglýsir eftir þjálfurum fyrir 4. og 5. flokk drengja og 4. flokk stúlkna. Menntun og reynsla sem nýtast í starfi nauðsynleg.
4. september 2006
Af gefnu tilefni er rétt að árétta að uppselt er á landsleik Íslands og Danmerkur sem fram fer miðvikudaginn 6. september kl. 18:05. Miðasala á Ísland-Svíþjóð, sem fram fer 11. október er hinsvegar í fullum gangi.
4. september 2006
Íslenska U19 karlalandsliðið leikur tvo leiki við Skota ytra. Fer fyrri leikurinn fram í dag og sá seinni á miðvikudaginn. Guðni Kjartansson hefur tilkynnt byrjunarliðið er byrja leikinn í dag. Leikurinn hefst kl. 18:30 að íslenskum tíma.
4. september 2006
U19 landslið karla vann góðan 1-3 sigur á jafnöldrum sínum frá Skotlandi í fyrri af tveimur vináttuleikjum þjóðanna í þessari viku.
2. september 2006
Ísland er úr leik í EM U21 landsliða karla eftir eins marks tap gegn Ítalíu á Laugardalsvelli á föstudagskvöld. Eina mark leiksins kom þegar um 10 mínútur voru liðnar af síðar hálfleik.
2. september 2006
A landslið karla vann í dag frábæran 3-0 sigur á Norður-Írum í fyrsta leik liðsins í undankeppni EM 2008, en liðin mættust á Windsor Park í Belfast. Þetta er jafnframt í fyrsta sinn sem Íslendingar leggja N.-Íra á útivelli.
1. september 2006
Luka Kostic, þjálfari U21 landsliðs karla, hefur tilkynnt byrjunarlið Íslands fyrir leikinn gegn Ítölum í kvöld, en liðin mætast á Laugardalsvelli í undankeppni EM og hefst leikurinn kl. 19:00. Ein breyting er gerð á liðinu frá síðasta leik.
1. september 2006
Daði Lárusson meiddist á æfingu í Belfast í dag, föstudag, og hefur Eyjólfur Sverrisson, landsliðsþjálfari, kallað á Kristján Finnbogason í hans stað. Kristján, sem leikur með KR og á 20 A-landsleiki að baki, heldur út í kvöld.
1. september 2006
U19 landslið karla mætir Skotum í tveimur vináttulandsleikjum í næstu viku. Þessar tvær viðureignir eru liður í undirbúningi íslenska liðsins fyrir undankeppni EM í október.
31. ágúst 2006
Viltu starfa sem þjálfari hjá kraftmiklu og metnaðarfullu félagi? Knattspyrnudeild Fylkis óskar eftir áhugasömum þjálfurum til starfa í yngri flokkum félagsins.
31. ágúst 2006
Þeir fjölmörgu aðdáendur ítalska boltans hér á landi munu vafalaust kætast yfir komu U21 liðsins hingað og leik þeirra við Íslendinga á föstudaginn. Nokkrir leikmenn liðsins eru vel þekktir og leika margir stór hlutverk hjá sínum félagsliðum.
30. ágúst 2006
Ítalir hafa verið gríðarlega öflugir í U21 aldursflokki karla undanfarin 15 ár, en þeir hafa hampað sigri á EM í fimm af síðustu átta skiptum sem keppnin hefur farið fram. Hollendingar eru núverandi Evrópumeistarar.
30. ágúst 2006
Á föstudag mætast U21 landslið Íslands og Ítalíu í riðlakeppni EM. Leikurinn fer fram á Laugardalsvelli og hefst kl. 19:00. Takist okkar piltum að vinna sigur á Ítölum eiga þeir góða möguleika á að komast áfram í umspil um sæti í lokakeppninni.
30. ágúst 2006
Miðasala á leik Íslands og Svíþjóðar í riðlakeppni fyrir EM 2008 er hafin. Leikurinn fer fram á Laugardalsvelli miðvikudaginn 11. október og hefst kl. 18:05. Sala aðgöngumiða á landsleiki fer nú fram í nýju miðasölukerfi fyrir Laugardalsvöll frá midi.is. Kaupendum gefst kostur á að velja sér það sæti sem viðkomandi vilja sitja í.
