Valmynd
Valmynd
12. september 2005
Afturelding auglýsir eftir þjálfurum fyrir meistaraflokk og 2. flokk karla. Frekari upplýsingar veitir Anna Gísladóttir - anna@istex.is.
12. september 2005
Úrtaksæfingar fyrir U17 landslið karla fara fram dagana 13. - 18. september og hafa 26 leikmenn verið boðaðir að þessu sinni. Æfingarnar fara fram undir stjórn Lúkasar Kostic, þjálfara U17 landsliðs karla.
10. september 2005
Jörundur Áki Sveinsson, þjálfari A landsliðs kvenna, hefur tilkynnt hópinn fyrir viðureignina gegn Tékkum í undankeppni HM 2007, en liðin mætast í Kravare í Tékklandi 24. september.
9. september 2005
Dómstóll KSÍ hefur kveðið upp úrskurð í kærumáli ÍR gegn Leiftri/Dalvík vegna leiks í 2. deild karla þar sem ÍR taldi að Leiftur/Dalvík hefði notað þjálfara í leikbanni.  Dómstóllinn úrskurðaði ÍR 3-0 sigur.
9. september 2005
Nýlega var sett af stað verkefnið Verndum bernskuna - Heilræði fyrir foreldra og uppalendur. Það er ósk aðstandenda verkefnisins að það eigi eftir að vekja foreldra og uppalendur til umhugsunar um uppeldi barna sinna.
8. september 2005
Áfrýjunardómstóll KSÍ hefur kveðið upp úrskurð í máli Vals gegn Fjölni vegna leiks í 3. flokki karla.  Fjölnir kærði leikinn og var úrskurður Dómstóls KSÍ þeim í hag.  Valsmenn áfrýjuðu og nú hefur Áfrýjunardómstóllinn hrundið fyrri dómnum.
8. september 2005
Hvöt á Blönduósi leitar eftir þjálfara fyrir meistaraflokk karla. Ráðningartími yrði frá hausti 2005 til september 2006. Búseta á Blönduósi er skilyrði yfir sumarmánuðina, þarf helst að vera spilandi leikmaður.
7. september 2005
Búlgaría og Ísland mætast í dag, miðvikudag, í undankeppni HM 2006 á Vassil Levski leikvanginum í Sofia. Leikurinn hefst kl. 16:00 að íslenskum tíma og er í beinni útsendingu á Sýn.
7. september 2005
Ein breyting hefur verið gerð á byrjunarliði Íslands frá leiknum gegn Króötum á dögunum fyrir leikinn gegn Búlgaríu í undankeppni HM 2006. Kári Árnason kemur inn í liðið fyrir Gylfa Einarsson, sem er í leikbanni.
7. september 2005
Úrtaksæfingar fyrir U17 landslið karla fara fram um helgina og hafa alls 17 leikmenn verið boðaðir til æfinga að þessu sinni. Æfingarnar fara fram undir stjórn Lúkasar Kostic þjálfara liðsins.
7. september 2005
Íslenska landsliðið tapaði fyrir Búlgaríu í kvöld, miðvikudagskvöld, með þremur mörkum gegn tveimur í leik sem fram fór í Sofia. Ísland komst í 2-0, en heimamenn náður að gera þrjú mörk áður en yfir lauk.
6. september 2005
Gerðar hafa verið tvær breytingar á byrjunarliði Íslands fyrir leikinn gegn Búlgaríu í dag í undankeppni EM. Garðar Gunnlaugsson og Andri Ólafsson koma inn í byrjunarliðið.
6. september 2005
Ólafur Þór Guðbjörnsson, þjálfari U19 landsliðs kvenna, hefur valið 24 leikmenn í undirbúningshóp fyrir undankeppni Evrópumóts kvenna, sem fram fer um næstu mánaðamót í Bosníu-Hersegovínu.
6. september 2005
U21 landslið karla vann í dag, þriðjudag, frábæran 3-1 sigur á liði Búlgara í undankeppni EM 2006, en liðin mættust í Sofia í Búlgaríu. Íslenska liðið lék vel í leiknum og var sigurinn fyllilega verðskuldaður.
5. september 2005
Íslenskir dómarar verða á þremur landsleikjum í vikunni. Garðar Örn Hinriksson og Egill már Markússon dæma leiki í undankeppni EM U21 landsliða karla og Kristinn Jakobsson dæmir leik í undankeppni HM 2006.
5. september 2005
Eftir þriggja mark tap gegn gegn Svíum á laugardag hefur Hristo Stoichkov, þjálfari búlgarska landsliðsins, gert þá kröfu til sinna manna að þeir vinni sigur á Íslendingum á miðvikudag, og það á sannfærandi hátt.
5. september 2005
Tyrkneskur dómara kvartett verður á viðureign Búlgaríu og Íslands í undankeppni HM 2006 á miðvikudag. Fimm leikmenn íslenska liðsins eru á gulu spjaldi í keppninni og því vonandi að Tyrkinn verði í góðu skapi.
4. september 2005
Gylfi Einarsson fékk að líta gula spjaldið í leiknum gegn Króatíu á laugardag og verður hann því í leikbanni gegn Búlgaríu á miðvikudag. Bjarni Ólafur Eiríksson, leikmaður Vals, hefur verið kallaður í hópinn í hans stað.
