Valmynd
Valmynd
17. febrúar 2005
Stjórn KSÍ samþykkti á fundi sínum 24. janúar breytingar á reglugerðum KSÍ um knattspyrnumót og miniknattspyrnu. 59. ársþing KSÍ staðfesti fyrrgreindar breytingar og taka þær þegar gildi.
16. febrúar 2005
KSÍ III þjálfaranámskeið fer fram í Reykjavík dagana 4. - 6. mars næstkomandi. Þátttökurétt hafa allir þeir sem lokið hafa KSÍ II eða B-stigi KSÍ.
12. febrúar 2005
Formaður KSÍ, Eggert Magnússon, afhenti fulltrúum Grindavíkur kvennabikar KSÍ á ársþingi sambandsins. Kvennabikar KSÍ er veittur fyrir góða frammistöðu í uppbyggingu kvennaknattspyrnu.
12. febrúar 2005
Formaður KSÍ, Eggert Magnússon, afhenti fulltrúum Keflavíkur og Hauka Drago stytturnar svokölluðu á ársþingi KSÍ, en þær eru veittar eru fyrir prúðmannlegan leik í Landsbankadeild karla og 1. deild karla.
12. febrúar 2005
Að lokinni setningu ársþingsins og ávörpum Eggerts Magnússonar, formanns KSÍ, Geoffreys Thompson, formanns enska knattspyrnusambandsins og fulltrúa UEFA, afhenti formaður KSÍ Samúel Erni Erlingssyni, yfirmanni íþróttadeildar RÚV, fjölmiðlapenna KSÍ fyrir viðamikla umfjöllun um knattspyrnu og þá sérstaklega kvennaknattspyrnu.
12. febrúar 2005
Ársþing KSÍ fór fram á Hótel Loftleiðum í dag, laugardag. Helstu niðurstöður þingsins, afgreiðslu tillagna og annarra mála má sjá í fréttunum hér fyrir neðan.</
12. febrúar 2005
Nú stendur yfir umfjöllun um þær tillögur sem liggja fyrir þinginu. Smellið hér að neðan til að skoða tillögurnar og afgreiðslu þeirra (hægrismellið og veljið refresh til að sjá nýjustu uppfærslur). Niðurstöður eru færðar inn um leið og afgreiðslu hverrar tillögu er lokið.
12. febrúar 2005
Umræðu um skýrslu stjórnar og ársreikning KSÍ fyrir 2004 er lokið og samþykkti þingið ársreikninginn. Fjárhagsáætlun fyrir árið 2005 var einnig samþykkt. Næst verða teknar fyrir þær tillögur sem liggja fyrir þinginu. Niðurstöður verða birtar þegar afgreiðslu hverrar tillögu er lokið.
12. febrúar 2005
Nú stendur yfir 59. ársþing KSÍ á Hótel Loftleiðum í Reykjavík. Að venju verða ýmis mál tekin fyrir og verða upplýsingar birtar hér á vef KSÍ eftir því sem líður á þingið.
10. febrúar 2005
Nýr og glæsilegur vefur KSÍ mun verða opnaður fyrir næsta keppnistímabil. Frá því vefurinn var opnaður í maí 2000 hefur hann gegnt veigamiklu hlutverki sem þjónustutæki og upplýsingamiðill fyrir aðildarfélög, fjölmiðla og annað áhugafólk um íslenska knattspyrnu.
9. febrúar 2005
Geoffrey Thompson, formaður enska knattspyrnusambandsins og einn af varaformönnum UEFA, verður sérstakur gestur á ársþingi KSÍ sem fram fer á Hótel Loftleiðum á laugardag.
9. febrúar 2005
Næstkomandi laugardag fer 59. ársþing KSÍ fram á Hótel Loftleiðum í Reykjavík og að venju verða ýmis mál tekin fyrir. Nokkrar áhugaverðar tillögur verða teknar fyrir á þinginu að venju, m.a. um framtíðarstefnu í gerð og hönnun leikvalla, fjölgun liða í 1. deild karla og breytingu á bikarkeppni KSÍ.
8. febrúar 2005
Úrtaksæfingar fyrir U17 og U19 landslið karla fara fram um næstu helgi í Reykjaneshöll. Alls hafa 54 leikmenn frá félögum víðs vegar af landinu verið boðaðir á æfingarnar að þessu sinni.
8. febrúar 2005
Laugardaginn 12. febrúar næstkomandi fer 59. ársþing KSÍ fram á Hótel Loftleiðum í Reykjavík. Nú þegar hefur kjörbréfum verið skilað fyrir 87 fulltrúa, en 119 fulltrúar hafa rétt til setu á þinginu.
4. febrúar 2005
Ákveðið hefur verið að úrslitakeppni EM U19 landsliða kvenna verði haldin á Íslandi árið 2007, dagana 15. - 30 júlí. Ákveðið var að sækja um keppnina í tilefni þess að árið 2007 verður Knattspyrnusambandið 60 ára.
4. febrúar 2005
Knattspyrnusamband Íslands hefur birt ársreikning sinn fyrir 2004. Hagnaður varð af heildarrekstri KSÍ á árinu, alls 45,9 milljónir króna, en þá hefur verið tekið tillit til 21,6 milljóna króna framlags til aðildarfélaga.
4. febrúar 2005
Ársþing KSÍ fer fram 12. febrúar næstkomandi á Hótel Loftleiðum í Reykjavík. Nokkrar áhugaverðar tillögur verða teknar fyrir á þinginu að venju, m.a. um framtíðarstefnu í gerð og hönnun leikvalla, fjölgun liða í 1. deild karla og breytingu á bikarkeppni KSÍ. Aðildarfélög eiga að skila kjörbréfum sínum í síðasta lagi í dag, 4. febrúar.
1. febrúar 2005
Á fundi aganefndar KSÍ í dag, 31. janúar, var leikmaðurinn Eyjólfur Fannar Eyjólfsson, 2. fl. karla Fjölni, úrskurðaður í tímabundið keppnisbann í öllum leikjum á vegum KSÍ til þriggja mánaða vegna brottvísunar 23. janúar.
