Valmynd
Flýtileiðir
Valmynd
15. apríl 2005
Stjórn KSÍ samþykkti á fundi sínum fimmtudaginn 14. apríl, að fenginni tillögu Leyfisráðs, að veita Knattspyrnudeild Vals viðvörun og sekta félagið um kr. 50.000 vegna slælegra vinnubragða við skil á leyfisgögnum til Leyfisstjóra KSÍ.
13. apríl 2005
Í samræmi við lið 10.2 í hefur skrifstofa KSÍ staðfest að Katrín Jónsdóttir lék ólögleg með liði Þróttar R. í leik gegn HK/Víkingi í Deildarbikarnum laugardaginn 2. apríl síðastliðinn. Úrslit leiksins standa óbreytt.
12. apríl 2005
KSÍ heldur V.stigs þjálfaranámskeið um næstu helgi (15. - 17. apríl) í fundarsal ÍSÍ í Laugardal. Rúmlega 30 þátttakendur eru skráðir á námskeiðið, sem er bæði bóklegt og verklegt.
11. apríl 2005
Dregið var í 1. og 2. umferð Intertoto-keppninnar í höfuðstöðvum UEFA í morgun og munu Skagamenn leika gegn finnsku liði í 1. umferð, Inter Turku. Fyrri leikurinn fer fram í Finnlandi 18. eða 19. júní, en síðari leikurinn á heimavelli ÍA viku síðar.
8. apríl 2005
Samninga- og félagaskiptanefnd hefur úrskurðað í máli milli Völsungs og Þórs vegna tímabundinna félagaskipta leikmannsins Baldurs Sigurðssonar. Nefndin úrskurðaði að tilkynning um tímabundin félagaskipti leikmannsins úr Völsungi yfir í Þór skyldi vera ógild.
5. apríl 2005
Á fundi aganefndar KSÍ í dag, 5. apríl, var leikmaður Fjarðabyggðar, Goran Nikolic, úrskurðaður í tveggja leikja bann vegna brottvísunar í viðureign Leifturs/Dalvíkur og Fjarðabyggðar í 4. riðli B-deildar Deildarbikars karla 18. mars síðastliðinn.
5. apríl 2005
KSÍ hefur þekkst boð sænska knattspyrnusambandsins um að taka þátt í fjögurra liða móti í Svíþjóð í sumar og verða liðin skipuð drengjum fæddum 1. janúar 1988 og síðar.
4. apríl 2005
Í samræmi við lið 10.2 í hefur skrifstofa KSÍ staðfest að þrír leikmenn léku ólöglegir með félögum sínum í Deildarbikarnum í leikjum sem fram fóru 17. og 18. mars. Allir höfðu leikmennirnir fengið þrjár áminningar í keppninni og hefðu því átt að taka sjálfkrafa út leikbann í viðkomandi leikjum.
4. apríl 2005
Ákveðið hefur verið að halda KSÍ VII þjálfaranámskeiðið í fyrsta skipti laugardaginn 30. apríl næstkomandi. Þessi dagur er undirbúningsdagur fyrir æfingakennslu sem lýkur svo á tveimur mánuðum.
1. apríl 2005
Í samræmi við lið 10.2 í hefur skrifstofa KSÍ staðfest að Saso Durasevic lék ólöglegur með Leiftri/Dalvík í leik gegn Fjarðabyggð í Deildarbikarnum föstudaginn 18. mars síðastliðinn.
1. apríl 2005
Stjórn KSÍ ákvað á fundi sínum fyrr í mánuðinum að stofna almennt hlutafélag um rekstur sambandsins, Knattspyrnusamband Íslands hf.
1. apríl 2005
Heimsóknir á vef KSÍ í mars voru alls rúmlega 119.000 og er þetta í fyrsta sinn sem heimsóknir fara yfir 100.000 utan sumartíma. Til samanburðar má nefna að í mars 2004 voru heimsóknirnar alls um 71.000 og í mars 2003 voru þær 53.000.
30. mars 2005
Landsliðsþjálfararnir Ásgeir Sigurvinsson og Logi Ólafsson hafa tilkynnt byrjunarlið Íslands í vináttuleiknum gegn Ítölum í kvöld. Leikaðferðin er sú sama og gegn Króötum, 4-2-3-1.
30. mars 2005
Ítalía og Ísland gerðu í kvöld markalaust jafntefli í vináttulandsleik í Padova fyrir framan tæplega 30.000 áhorfendur. Ítalska liðið var sterkari aðilinn í leiknum og sóttu leikmenn þess án afláts nær allan leikinn, en vörn íslenska liðsins hélt út þrátt fyrir mikla pressu.
30. mars 2005
Knattspyrnuþjálfarafélag Íslands stendur fyrir matarfundi á veitingastaðnum Kaffi Reykjavík við Vesturgötu í Reykjavík, miðvikudaginn 20. apríl kl. 19:00.
29. mars 2005
Í samræmi við lið 10.2 í hefur skrifstofa KSÍ staðfest að Hafsteinn Hafsteinsson lék ólöglegur með liði Núma í leik gegn Reyni S. í Deildarbikarnum sunnudaginn 20. mars síðastliðinn. Úrslitum leiksins hefur því verið breytt og þau skráð 3-0, Reyni í vil.
29. mars 2005
Smellið hér að neðan til að skoða þinggerð 59. ársþings KSÍ, sem haldið var á Hótel Loftleiðum 12. febrúar síðastliðinn. Aðildarfélögum er bent á að kynna sér vel þinggerðina m.t.t. breytinga á lögum og reglugerðum KSÍ.
29. mars 2005
Leikmannahópur íslenska landsliðsins er nokkuð breyttur fyrir vináttuleikinn gegn Ítölum í Padova frá leiknum gegn Króötum síðasta laugardag. Í hópnum nú eru fjórir leikmenn sem ekki hafa leikið A-landsleik.
