Öryggismyndavélar eru mikilvægur hlekkur í öryggiskerfi Laugardalsvallar. Reynslan sýnir að öryggismyndavélar hafa talsverðan fælingarmátt og geta verið ómetanlegar við að upplýsa þjófnaði og skemmdarverk. Þær eru hluti af þeirri viðleitni að verja eigur Laugardalsvallar, Knattspyrnusambands Íslands (KSÍ) og starfsmanna og bæta öryggi í mannvirkinu almennt.

Vöktunin fer fram á grundvelli lögmætra hagsmuna Laugardalsvallar og KSÍ í tengslum við eigna- og öryggisvörslu, sbr. 6. tölul. 9. gr. Laga nr. 90/2018 og f-lið 1. mgr. 6. gr. Reglugerðar (ESB) 2016/679. Ábyrgðaraðili vöktunarinnar er Knattspyrnusamband Íslands. 

Við notkun öryggismyndavéla verður að fylgja reglum nr. 50/2023 um rafræna vöktun. Engum gögnum er safnað um einstaklinga og engin gögn eru geymd lengur en í þrjátíu daga nema sérstök rök séu færð fyrir því. Á vef persónuverndar má finna svör við algengum spurningum um öryggismyndavélar og reglur sem um þær gilda.

Það eru öryggismyndavélar við alla innganga á húsnæðinu og víða utanhúss. Myndin hér fyrir neðan sýnir öryggissvæði Laugardalsvallar, það svæði þar sem vegfarendur mega vænta þess að lenda inn á sjónsviði öryggismyndavéla en þó er ekki hægt að fullyrða að svæðið sé allt vaktað.

Frekari upplýsingar um réttindi einstaklinga í tengslum við vöktun með öryggismyndavélum má nálgast hjá Vallarstjóra Laugardalsvallar (kristinn@ksi.is) og persónuverndarfulltrúa KSÍ : Elías Bóasson (elias@ksi.is).