Sjónlýsing

KSÍ, Blindrafélagið og Samtök íþróttafréttamanna skrifuðu í september 2023 undir samstarfssamning vegna sjónlýsingar á A landsleikjum Íslands í fótbolta.  Samningurinn felur í sér að félagsmenn Blindrafélagsins geta sótt um þjónustuna á öllum landsleikjum á Laugardalsvelli hjá A landsliðum karla og kvenna í fótbolta.

Fyrsta sjónlýsingin á knattspyrnuleik á Íslandi fór fram þann 17. júní 2023 þegar A landslið karla tók á móti Slóvakíu í undankeppni EM 2024. Þorkell Gunnar Sigurbjörnsson sá um lýsinguna á vegum Samtaka íþróttafréttamanna. Sjónlýsingin var í boði á öllum leikjum A landsliðanna haustið 2023. Um það bil 60 félagsmenn Blindrafélagsins nýttu sér þjónustuna á þessum átta leikjum.

Til að hlusta á sjónlýsingu á heimaleikjum A landsliða Íslands er annað hvort hægt að ýta á play hér að neðan eða sækja smáforritið "Raydio - Audio Inklusion" í snjallasíma.