Valmynd
Valmynd
8. júní 2017
Aðildarfélög frá Umhyggju, félags langveikra barna, heimsóttu landsliðið í kvöld. Krakkarnir fengu eiginhandaráritanir, myndir og spjölluðu við leikmenn. Gleði skein úr hverju andliti og voru strákarnir okkar himinlifandi með þessa skemmtilegu heimsókn.
7. júní 2017
U19 kvenna leikur í milliriðli fyrir EM í vikunni og er fyrsti leikur liðsins í dag gegn Þýskalandi. Ísland er í riðli með Þýskalandi, Sviss og Póllandi en næsti leikur er á föstudaginn gegn Sviss en svo er seinasti leikur riðilsins gegn Póllandi á mánudaginn. Eitt lið fer áfram úr milliriðli.
7. júní 2017
Leikmenn A landsliðs karla undirbýr sig nú af kappi undir stórleikinn gegn Króötum. Leikurinn fer fram sunnudaginn 11. júní nk. á Laugardalsvelli og er liður í undankeppni HM 2018.
7. júní 2017
Íslenska U19 ára landslið kvenna tapaði 4-0 fyrir Þjóðverjum í fyrsta leik sínum í milliriðli EM í Þýskalandi í dag. Þýska liðið var mun sterkara í leiknum en staðan var 1-0 í hálfleik.
7. júní 2017
Mig langar til þess að hvetja alla knattspyrnuunnendur og stuðningsmenn til þess að mæta á völlinn og hvetja liðið sitt í sumar. Íslandsmótið er gríðarlega umfangsmikið í öllum flokkum og deildum. Metnaðurinn er mikill og leikmenn sem þjálfarar setja sér markmið fyrir sumarið.
6. júní 2017
Knattspyrnuþjálfarafélag Íslands og Knattspyrnusamband Íslands standa fyrir áhugaverðri ráðstefnu í Laugardalnum í Reykjavík sunnudaginn 11. júní nk. Fyrirlesarar frá Spáni og Króatíu.
6. júní 2017
Stelpurnar okkar undirbúa sig nú fyrir vináttulandsleik gegn Írum sem fram fer í Dublin, fimmtudaginn 8. júní og hefst kl. 19:30 að staðartíma eða 18:30 að íslenskum tíma.  Þetta er fyrri vináttulandsleikurinn sem stelpurnar leika nú á nokkrum dögum en liðið mætir Brasilíu á Laugardalsvelli, þriðjudaginn 13. júní kl. 18:30.  Það verður síðasti leikur Íslands fyrir úrslitakeppni EM í Hollandi.
2. júní 2017
Heimir Hallgrímsson, landsliðsþjálfari, hefur valið hópinn sem mætir Króatíu í undankeppni HM 2018. Leikurinn fer fram á Laugardalsvelli þann 11. júní nk. og hefst kl. 18:45.
2. júní 2017
Íslenska kvennalandsliðið í knattspyrnu leikur gegn Brasilíu á Laugardalsvelli þriðjudaginn 13. júní nk. Þetta verður síðasti leikur liðsins á heimavelli áður en liðið heldur á EM í Hollandi.
2. júní 2017
Jörndur Áki Sveinsson, landsliðsþjálfari U16 kvenna, hefur valið 29 leikmenn til úrtaksæfinga sem fram fara helgina 16. - 17. júní. Æfingarnar eru liður í undirbúningi fyrir Norðurlandamótið í þessum aldursflokki sem fer fram í Finnlandi, dagana 29. júní - 7. júlí.
1. júní 2017
Eyjólfur Sverisson. landsliðsþjálfari U21 karla, hefur valið hópinn sem mætir Englandi í vináttulandsleik, 10. júní.  Leikið verður á æfingasvæði Englendinga, St Georg´s Park, en leikið er fyrir luktum dyrum.
30. maí 2017
Stelpurnar okkar leika kveðjuleik á Laugardalsvelli gegn Brasilíu áður en haldið er á EM í Hollandi. Þetta er engin smáleikur en Brasilía, eitt besta landsliðs heims, mætir á Laugardalsvöllinn og etur kappi við stelpurnar okkar.
30. maí 2017
Á fundi stjórnar KSÍ 24. maí sl. voru samþykktar breytingar á reglugerð KSÍ um knattspyrnumót annars vegar og reglugerð KSÍ um knattspyrnuleikvanga hins vegar.
29. maí 2017
Hæfileikamótun KSÍ og N1 fer fram á Egilsstöðum laugardaginn 3. júní. Æfingarnar eru fyrir stráka og stúlkur sem eru fædd 2003 og 2004. Það er Dean Martin sem fer fyrir verkefninu. 
29. maí 2017
Þorlákur Árnason, landsliðsþjálfari U17 karla, hefur valið eftirfarandi leikmenn til þátttöku á æfingum dagana 14.- og 15.júní. 
29. maí 2017
Búið er að semja við England um vináttulandsleik ytra. Leikið verður 10. júní kl. 11:00 á St Georg´s Park æfingasvæði Englendinga. Leikurinn er liður í undirbúningi Íslands fyrir næsta EM og liður í undirbúningi U21 Englands fyrir lokakeppni EM í Póllandi í sumar.
26. maí 2017
Úrtökumót KSÍ fyrir drengi fer fram á Akranesi, dagana 12. - 16. júní. Umsjón með mótinu hefur Dean Martin U16 þjálfari . Félög leikmanna og leikmenn eru beðnir um að kynna sér eftirfarandi upplýsingar:
26. maí 2017
Þórður Þórðarson, landsliðsþjálfari U-19 kvenna, hefur valið hópinn sem tekur þátt í milliriðli Evrópumótsins í Þýskalandi 4.-13. júní næstkomandi. Ísland leikur í riðli með Þýskalandi, Sviss og Póllandi. 
