Valmynd
Valmynd
26. maí 2017
Freyr Alexandersson, landliðsþjálfari, hefur valið hópinn sem leikur vináttuleiki við Írland og Brasilíu en leikirnir eru hluti af undirbúningi Íslands fyrir EM í Hollandi. Fyrri leikurinn fer fram þann 8. júní en seinni leikurinn er kveðjuleikur Íslands og er hann gegn Brasilíu þann 13. júní á Laugardalsvelli.
19. maí 2017
Mikill áhugi er á leik Finnlands og Íslands í undankeppni HM en leikurinn fer fram þann 2. september í Tampere í Finnlandi. Allir miðar á svæði stuðningsmanna Íslands seldist upp þegar þeir fóru í sölu og óskaði KSÍ eftir fleiri miðum. Það bar árangur og fara 400 miðar í sölu n.k. miðvikudag.
19. maí 2017
Kvennalandsliðið mun mæta Brasilíu í vináttuleik þann 13. júní en þetta verður kveðjuleikur íslenska liðsins áður en haldið er á EM í Hollandi. Samningur milli KSÍ og brasilíska knattspyrnusambandsins um leikinn var undirritaður í gærkvöldi.
17. maí 2017
Hér á vefsvæði KSÍ má finna uppfærða íslenska útgáfu af knattspyrnulögum FIFA 2017/2018. Sem fyrr er það Gylfi Þór Orrason sem hefur veg og vanda með útgáfunni.
17. maí 2017
Landsliðskonan Hólmfríður Magnúsdóttir er þessa dagana á ferðalagi um landið á vegum KSÍ. Tilgangur ferðarinnar er að vekja áhuga og athygli stúlkna og drengja á kvennalandsliðinu nú í aðdraganda EM.
15. maí 2017
Næsta haust mun Knattspyrnusamband Íslands halda KSÍ VI þjálfaranámskeið. Fyrsti hluti námskeiðsins er leikgreiningarnámskeið helgina 23.-24. september. Síðari hluti námskeiðsins verður svo í Danmörku dagana 25.-31. október 2017.
15. maí 2017
Handhafar A og DE skírteina frá KSÍ fá afhenta aðgöngumiða á leik Íslands og Króatíu í undankeppni HM A landsliða karla, fimmtudaginn 18. maí frá kl. 12:00 á hádegi til kl. 16:00, eða á meðan birgðir endast. Miðarnir verða afhentir á skrifstofu KSÍ gegn framvísun skírteinis.
10. maí 2017
Vegna breytinga á reglugerð KSÍ um félagaskipti, samninga og stöðu leikmanna og félaga, sem kynntar voru með dreifibréfi þann 12. apríl sl., tók nýtt samningsform fyrir staðalsamninga KSÍ gildi þann sama dag.
8. maí 2017
Úrslit í leik Árborgar og Hamars í Borgunarbikar karla standa óhögguð. Á fundi sínum fimmtudaginn 4. maí tók aga- og úrskurðarnefnd KSÍ fyrir mál nr. 1/2017, Hamar gegn Árborg.
5. maí 2017
Uppselt er á leik Íslands og Króatíu sem fram fer á Laugardalsvelli, sunnudaginn 11. júní, kl. 18:45. Miðasala fór fram í gegnum miðasölukerfi hjá midi.is og varð uppselt á skömmum tíma eftir að sala hófst.
4. maí 2017
KSÍ í samráði við félögin á Austurlandi stendur fyrir námskeiðahaldi og fundarherferð með dómurum á Austurlandi 9. - 11. maí. Umsjón með námskeiðinu hefur Magnús Jónsson dómarastjóri KSÍ.
4. maí 2017
Hæfileikamótun KSÍ og N1 fer fram í Ísafirði föstudagur 5 Maí. Æfingarnar eru fyrir stráka og stelpur sem eru fædd 2003 og 2004. Það er Dean Martin sem fer fyrir verkefninu.
4. maí 2017
Á fundi stjórnar KSÍ 26. apríl sl. samþykkti stjórn KSÍ breytingar á 15. gr. reglugerðar KSÍ um knattspyrnumót. Um er að ræða breytingar á grein 15.7. og varða hækkun á sérstöku breytingargjaldi ef ósk um breytingu á leik berst innan við sjö daga frá leikdag.
3. maí 2017
Helgina 28. – 30. apríl hófst nýtt námskeið hjá KSÍ sem ber nafnið UEFA Elite A Youth. Markmið námskeiðsins er að bæta þjálfun efnilegustu leikmanna landsins á aldrinum 13-19 ára.
3. maí 2017
Miðasala á leik Íslands og Króatíu í undankeppni HM hefst á föstudaginn, 5. maí, kl. 12:00 á hádegi. Leikurinn fer fram sunnudaginn 11. júní, kl. 18:45, á Laugardalsvelli og fer miðasalan fram í gegnum miðasölukerfi hjá www.midi.is.
2. maí 2017
Allir miðar sem KSÍ fékk á Finnland - Ísland eru uppseldir. Mikill áhugi er fyrir leiknum meðal íslenskra stuðningsmanna en karlalandsliðið í körfubolta leikur sama dag við Pólland í Helsinki en leikurinn við Finna, sem er í undankeppni HM, fer fram í Tampere. 1300 miðar seldust upp á svæði stuðningsmanna Íslands en KSÍ hefur óskað eftir fleiri miðum og munum við birta á vef KSÍ og samfélagsmiðlum ef fleiri miðar verða í boði.
28. apríl 2017
Barna – og unglingaráð knattspyrnudeildar Þróttar auglýsir eftir metnaðarfullum þjálfurum sem eru tilbúnir til að vinna skv. stefnu félagsins. Viðkomandi þurfa að geta hafið störf sem allra fyrst. Reynsla af þjálfarastörfum og þjálfaramenntun og/eða íþróttafræðimenntun skilyrði.
28. apríl 2017
Það líður að upphafi knattspyrnuvertíðar og vor í lofti. Knattspyrnuspekingar á öllum aldri, konur og karlar skiptast á skoðunum sem aldrei fyrr - sem betur fer - því yfir 20.000 iðkendur knattspyrnu eiga sér fjölskyldur og vini, sem hafa brennandi áhuga á fótbolta!
