Valmynd
Valmynd
23. október 2014
Á nýjum styrkleikalista FIFA karla, sem gefinn var út í morgun, fer Ísland upp um sex sæti og situr nú í 28. sæti listans.  Íslenska karlalandsliðið hefur aldrei verið ofar á þessum lista en það eru heimsmeistarar Þjóðverja sem eru í efsta sætinu sem fyrr og Argentínumenn koma þar næstir.
22. október 2014
Ljóst er að mikill áhugi er fyrir leik Tékklands og Íslands í undankeppni EM en leikið verður í Plzen í Tékklandi, sunnudaginn 16. nóvember.  Ferðaskrifstofur hér á landi hafa sett upp sérstakar ferðir á leikinn og virðist mikill áhugi fyrir þessum ferðum.
21. október 2014
Þorlákur Árnason, landsliðsþjálfari U17 karla, hefur valið 36 leikmenn fyrir úrtaksæfingar sem fram fara í Kórnum og Egilshöll, föstudaginn 24. og laugardaginn 25. október.  Nafnalistann með þessum leikmönnum má sjá hér að neðan.
20. október 2014
Íslenskur dómarasextett verður að störfum á Celtic Park í Glasgow næstkomandi fimmtudag þegar skoska liðið Celtic og FC Astra frá Rúmeníu mætast í Evrópudeild UEFA. Kristinn Jakobsson verður dómari og með honum tveir aðstoðardómarar, fjórði dómari og tveir aukaaðstoðardómarar.
20. október 2014
U17 landslið karla mætir Ítalíu í dag, mánudag kl. 12:00 að íslenskum tíma, í undankeppni EM.  Riðillinn fer fram í Moldavíu og er þetta lokaumferð riðilsins.  Jafntefli gegn Ítalíu tryggir íslenska liðinu sæti í milliriðlum. Hægt að fylgjast með textalýisingu frá leiknum á heimasíðu UEFA.
20. október 2014
Staðfest hefur verið að U17 landslið kvenna muni leika tvo vináttuleiki ytra við Finna í nóvember.  Leikirnir, sem eru liður í undirbúningi liðsins fyrir úrslitakeppni EM 2015, sem fram fer hér á landi, verða leiknir 18. og 20. nóvember.
20. október 2014
U17 landslið karla tryggði sér í dag, mánudag, sæti í milliriðlum fyrir úrslitakeppni EM 2015.  Sætið var tryggt með jafntefli við Ítali, sem voru þegar öruggir áfram fyrir leiki dagsins.  Ljóst er þó að tæpara mátti það vart stand, því Moldóvar unnu fjögurra marka sigur á Armenum.
17. október 2014
U17 landslið karla vann í dag góðan tveggja marka sigur á Armenum í undankeppni EM, en riðillinn er leikinn í Moldavíu. Bæði mörk Íslands komu í fyrri hálfleik. Íslenska liðið er nú með fjögur stig eftir tvo leiki og mætir Ítalíu í síðustu umferð, sem fram fer á mánudag.
17. október 2014
U17 landslið karla mætir Armeníu í dag, föstudag kl. 12:00 að íslenskum tíma, í undankeppni EM.  Riðillinn fer fram í Moldavíu og er þetta önnur umferð.  Tvær breytingar eru gerðar á byrjunarliði Íslands frá síðasta leik, Kolbeinn Finnsson og Mikael Harðarson koma inn í liðið.
16. október 2014
Tékkland og Ísland mætast í undankeppni EM 2016 þann 16. nóvember næstkomandi.  Leikurinn fer fram í Plzen og hefst kl. 20:45 að staðartíma.  Vert er að taka fram að þarna mætast topplið A-riðils.  Smellið hér að neðan til að skoða upplýsingar um miðasölu á leikinn.
16. október 2014
Um þessar mundir eru þrír íslenskir dómarar staddir í  Sviss á svokölluðu "CORE" námskeið sem haldið er á vegum UEFA.  Um er að ræða verkefni fyrir unga og efnilega dómara en CORE stendur fyrir "Center of Refereeing Excellence" en þetta verkefni snýr að þjálfun og menntun dómara framtíðarinnar.
15. október 2014
U17 landslið karla gerði markalaust jafntefli við Moldóvu í fyrsta leik sínum í undankeppni EM, en riðillinn fer einmitt fram þar í landi.  Jafnræði var með liðunum í leiknum og hefði sigurinn getað fallið hvorum megin sem var. Ísland mætir Armeníu á föstudag.
15. október 2014
Þorlákur Árnason, landsliðsþjálfari U17 karla, hefur valið byrjunarliðið sem mætir heimamönnum í Moldóvu í fyrsta leiknum í undankeppni EM. Leikurinn hefst kl. 12:00 að íslenskum tíma og er hægt að fylgjast með textalýsingu frá leiknum á heimasíðu UEFA.
14. október 2014
Það voru Danir sem tryggðu sér sæti í úrslitakeppni EM í kvöld eftir að Ísland og Danir gerðu jafntefli, 1 - 1. Fyrri leiknum lauk með markalausu jafntefli og því komust Danir áfram á útivallamarkinu. Danir komust yfir á 90. mínútu en Hólmbert Aron Friðjónsson jafnaði metin úr vítaspyrnu í uppbótartíma.
14. október 2014
Eyjólfur Sverrisson, landsliðsþjálfari U21 karla, hefur tilkynnt byrjunarliðið sem mætir Dönum í seinni leik þjóða í umspili um sæti í úrslitakeppni EM 2015.  Leikurinn hefst kl. 16:15 á Laugardalsvelli og eru áhorfendur hvattir til þess að fjölmenna og hvetja strákana í þessum mikilvæga stórleik.
14. október 2014
Frítt er inn fyrir ellilífeyrisþega og öryrkja á seinni umspilsleik U21 karlalandsliða Íslands og Danmerkur.  Leikið verður á Laugardalsvelli í dag, þriðjudaginn 14. október, og hefst kl. 16:15.  Hægt er að framvísa viðeigandi skírteinum við innganginn og þarf því ekki að sækja miða áður á skrifstofu KSÍ.
14. október 2014
Strákarnir í U21 leika í dag seinni leik sinn í umspili um sæti í úrslitakeppni EM þegar þeir mæta Dönum á Laugardalsvelli kl. 16:15. Fyrri leik liðanna, sem fram fór í Álaborg, lauk með markalausu jafntefli og ráðast því úrslitin á Laugardalsvellinum í dag.
14. október 2014
Handhafar KSÍ skírteina geta framvísað þeim við innganginn fyrir leik Íslands og Danmerkur í dag kl. 16:15 en leikurinn er seinni leikur þjóðanna í umspili um sæti í úrslitakeppni EM U21 karla. Fyrri leik liðanna, sem fram fór í Álaborg, lauk með markalausu jafntefli og ráðast því úrslitin á Laugardalsvellinum í dag.
