Valmynd
Valmynd
13. október 2014
Gott er að minna gesti Laugardalsvallar á að það er fjöldi bílastæða í Laugardalnum og aðeins lítill hluti þeirra beint fyrir utan Laugardalsvöllinn.  Á myndinni hér að neðan má sjá hvar hægt er að finna bílastæði í göngufæri við Laugardalsvöll.
13. október 2014
Íslendingar mæta Hollendingum í undankeppni EM en leikið verður á Laugardalsvelli í kvöld, mánudaginn 13. október kl. 18:45.  Uppselt er á leikinn og eru áhorfendur hvattir til þess að mæta tímanlega á Laugardalsvöllinn til að forðast biðraðir.
13. október 2014
Karlalandsliðið okkar sá áhorfendum í Laugardalnum og víðar fyrir eftirminnilegu kvöldi þegar þeir lögðu Holland í undankeppni EM.  Lokatölur urðu 2 - 0 og skoraði Gylfi Þór Sigurðsson bæði mörk kvöldsins í fyrri hálfleik.  Ísland er með fullt hús stiga eftir þrjá leiki, jafnmörg stig og Tékkar.
13. október 2014
Landsliðsþjálfararnir, Heimir Hallgrímsson og Lars Lagerbäck, hafa tilkynnt byrjunarliðið sem mætir Hollendingum í undankeppni EM á Laugardalsvelli.  Leikurinn hefst kl. 18:45 og verður í beinni útsendingu hjá RÚV.
13. október 2014
Strákarnir í U21 verða í eldlínunni á Laugardalsvelli kl. 16:15, þriðjudaginn 14. október.  Þá leika þeir gegn Dönum, seinni leikinn í umspili um sæti í úrslitakeppni EM sem fram fer í Tékklandi á næsta ári.  Fyrri leik þjóðanna lauk með markalausu jafntefli í Álaborg og því ráðast úrslitin á Laugardalsvellinum.
13. október 2014
Út er komin rafræn leikskrá fyrir leik A landsliðs karla gegn Hollandi sem fram fer mánudaginn 13. október og má finna hana hér að neðan. Einnig er í leikskránni efni um seinni umspilsleikinn hjá strákunum í U21 sem mæta Dönum í úrslitaleik á Laugardalsvelli, þriðjudaginn 14. október kl. 16:15.
12. október 2014
U19 landslið karla tapaði í dag sunnudag, síðasta leik sínum í undankeppni EM, 0-3 gegn Eistlandi.  Ísland lauk því keppni í riðlinum án stiga en Króatar og Tyrkir höfnuðu í tveimur efstu sætunum og komust því áfram i milliriðla.
12. október 2014
U19 landslið karla mætir Eistlandi í síðasta leik sínum í undankeppni EM 2015 í dag, sunnudag. Leikurinn hefst kl. 14:00 að íslenskum tíma, en leikið er í Króatíu. Ísland er án stiga eftir fyrstu tvær umferðirnar, en getur með sigri lyft sér upp fyrir Eistland. Byrjunarlið Íslands hefur verið opinberað.
12. október 2014
Gunnar Jarl Jónsson mun dæma vináttulandsleik Noregs og Ungverjalands hjá U21 karla en leikið verður í Drammen, mánudaginn 13. október. Aðstoðardómarar Gunnars í leiknum verða norskir sem og varadómari leiksins.
12. október 2014
Eyjólfur Sverrisson, landsliðsþjálfari U21 karla, hefur valið markvörðinn Anton Ara Einarsson úr Val í hópinn fyrir leikinn gegn Dönum á þriðjudaginn. Þá eigast þjóðirnar við í seinni leik liðanna í umspili um sæti í úrslitakeppni EM í Tékklandi á næsta ári. Fyrri leiknum lauk með markalausu jafntefli og ráðast því úrslitin á Laugardalsvelli en leikurinn hefst kl. 16:15.
11. október 2014
Kristinn Jakobsson dæmir leik Rússa og Moldóva í undankeppni EM en leikið verður í Moskvu, sunnudaginn 12. október. Aðstoðardómarar Kristins verða þeir Gunnar Sverrir Gunnarsson og Gylfi Már Sigurðsson og varadómari verður Sigurður Óli Þorleifsson. Aukaaðstoðardómarar verða þeir Þorvaldur Árnason og Þóroddur Hjaltalín.
10. október 2014
Leikið var í þremur riðlum í undankeppni EM 2016 í kvöld, föstudagskvöld. Í B-riðli unnu Belgar sex marka sigur á Andorra.  Frændur okkar, Norðmenn, unnu þriggja marka sigur á útivelli, gegn Möltu, og Ítalir unnu 2-1 sigur á Aserbaídsjan.
10. október 2014
Ísland vann frábæran 3-0 sigur í Lettlandi í kvöld og er með fullt hús stiga í A-riðli í undankeppni EM. Íslenska liðið var mun sterkara en það lettneska en það tók dágóðan tíma að brjóta niður varnarmúr heimamanna.
10. október 2014
Íslenska U21 landsliðið gerðu markalaust jafntefli við Dani í fyrri umspilsleiknum um sæti á EM í Tékklandi. Danska liðið var sterkara en frábær varnarleikur skilaði íslensku stráknum jafntefli og ráðast því úrslitin á Laugardalsvelli á þriðjudaginn.
10. október 2014
Þessi knattspyrnuvika (Week of football) sem hófst á fimmtudag, með öllum þeim leikjum sem fram fara í undankeppni EM 2016 þessa daga, er tileinkuð baráttunni gegn rasisma í Evrópu. Báðir leikir Íslands í þessari knattspyrnuviku eru þannig tileinkaðir þessu verðuga verkefni, en að því standa UEFA, FARE og FIFPro.
10. október 2014
Ísland U19 tapaði 4-1 gegn Króatíu í undankeppni EM í gær. Króatía komst í 2-0 áður en Aron Freyr Róbertsson minnkaði muninn fyrir Ísland. Króatía skoraði svo tvö mörk til viðbótar og vann öruggan 4-1 sigur.
10. október 2014
Strákarnir í U21 leika í dag fyrri leik sinn í umspili um sæti í úrslitakeppni EM 2015 þegar þeir mæta Dönum.  Leikið verður á Aalborg stadion og hefst leikurinn kl. 18:00 að staðartíma eða kl. 16:00 að íslenskum tíma.
10. október 2014
Það er óhætt að segja að það sé knattspyrnuveisla framundan í dag því að bæði A og U21 karlalandslið Íslands verða í eldlínunni.  Strákarnir í U21 leika í dag fyrri leik sinn í umspili fyrir sæti í úrslitakeppni EM 2015 þegar þeir mæta Dönum í Álaborg kl. 16:00 að íslenskum tíma.  A landsliðið fylgir svo í kjölfarið en þeir mæta Lettum í Riga kl. 18:45 að íslenskum tíma í undankeppni EM.  Báðir leikirnir vera sýndir í beinni útsendingu hjá RÚV.
