Valmynd
Flýtileiðir
Valmynd
7. janúar 2013
Kristinn Jakobsson mun dæma á æfingamóti sem fram fer á La Manga í janúar og nefnist Copa Del Sol. Þar taka þátt félög m.a. frá Noregi, Danmörku, Svíþjóð og Rússlandi. Með Kristni verða aðstoðardómararnir Áskell Gíslason og Gylfi Már Sigurðsson en þeir munu einnig starfa sem fjórðu dómarar á mótinu.
7. janúar 2013
Knattspyrnusambönd Íslands og Danmerkur hafa komist að samkomulagi um að U17 kvennalandslið þjóðanna leiki tvo vináttulandsleiki í lok janúar. Leikið verður hér á landi, í Kórnum sunnudaginn 27. janúar kl. 13:30 og í Akraneshöllinni, þriðjudaginn 29. janúar kl. 15:00.
4. janúar 2013
Landsliðsþjálfarar kvenna vilja bjóða þjálfurum í Pepsi-deild kvenna, 1. deild kvenna, 2. flokk kvenna og 3. flokk kvenna til fundar föstudaginn 25. janúar í höfuðstöðvum KSÍ. Þjálfarar sem eru búsettir á landsbyggðinni og vilja fylgjast með fundinum í gegnum netið eru vinsamlegast beðnir að skrá sig með því að senda póst með nafni og netfangi.
3. janúar 2013
Framkvæmdanefnd um jafnréttisáætlun óskar eftir tilnefningum fyrir jafnréttisviðurkenningu KSÍ árið 2012. Ítrekað er að þessi verðlaun tengjast ekki eingöngu jafnrétti kynjanna heldur jafnrétti í víðasta skilningi.
3. janúar 2013
Mánudaginn 21. janúar stendur fræðslusvið KSÍ fyrir KSÍ B prófi (UEFA B prófi). Prófið er opið öllum þjálfurum sem hafa klárað KSÍ I, II, III og IV og skilað öllum verkefnum á fullnægjandi hátt (engar undantekningar eru gerðar).
3. janúar 2013
Eyjólfur Sverrisson, landsliðsþjálfari U21 karla, hefur valið 30 leikmenn til æfinga um komandi helgi og fara æfingarnar fram í Kórnum í Kópavogi. Æft verður á laugardag og sunnudag en framundan hjá liðinu er vináttulandsleikur gegn Wales ytra, 6. febrúar næstkomandi.
2. janúar 2013
Þorlákur Árnason og Kristinn R. Jónsson, þjálfarar U17 og U19 karla, hafa valið hópa til úrtaksæfinga um komandi helgi og fara æfingarnar fram í Kórnum og Egilshöllinni. Þetta eru fyrstu úrtaksæfingar á nýju ári.
27. desember 2012
Eyjólfur Sverrisson hefur verið endurráðinn landsliðsþjálfari U21 karla og er nýr samningur hans til tveggja ára. Eyjólfur tók við liðinu árið 2008 en hann hafði einnig þjálfað liðið á árunum 2003 - 2005.
21. desember 2012
KSÍ IV þjálfaranámskeið verður haldið á höfuðborgarsvæðinu helgina 11.-13. janúar 2013.  Þátttökurétt hafa allir þjálfarar sem setið hafa KSÍ III þjálfaranámskeið og skilað verkefni af því námskeiði.
21. desember 2012
Ólafur Þór Guðbjörnsson hefur verið endurráðinn landsliðsþjálfari U19 kvenna en hann hefur gert samning út næstu tvö tímabil. Ólafur er svo sannarlega enginn nýgræðingur þegar kemur að þjálfun yngri landsliða Íslands en hann byrjaði að þjálfa U17 kvenna árið 1997.
20. desember 2012
Kristinn Rúnar Jónsson hefur verið endurráðinn landsliðsþjálfari U19 karla en hann tók við því starfi í desember 2006. Nýr samningur við Kristin er til tveggja ára. Kristinn hefur víðtæka reynslu úr þjálfun og hefur m.a. þjálfað meistaraflokka karla hjá ÍBV og Fram.
19. desember 2012
FIFA hefur staðfest íslenskar tilnefningar á FIFA-lista yfir dómara og aðstoðardómara fyrir árið 2013 og er listinn óbreyttur frá síðasta ári. Íslenskir FIFA dómarar fyrir árið 2013 eru eftirfarandi:
19. desember 2012
Íslenska karlalandsliðið fer upp um 6 sæti á nýjum styrkleikalista FIFA sem gefinn var út í morgun. Ísland er í 90. sæti listans en Spánverjar halda sem fyrr fast í toppsæti listans. Landslið frá Evrópu raða sér í 10 af 12 efstu sætum listans að þessu sinni.
18. desember 2012
Sigurður Ragnar Eyjólfsson, landsliðsþjálfari A kvenna, hefur valið 42 leikmenn í undirbúningshóp fyrir verkefni komandi árs. Fundur verður haldinn með hópnum á milli jóla og nýárs þar sem farið verður yfir verkefni næsta árs.
17. desember 2012
67. ársþing KSÍ verður haldið á Hilton Nordica Hótel, laugardaginn 9. febrúar næstkomandi. Sambandsaðilar eru beðnir um að kynna sér eftirfarandi upplýsingar:
17. desember 2012
Knattspyrnusambönd Íslands og Wales hafa komist að samkomulagi um að U21 karlalandslið þjóðanna leiki vináttulandsleik 6. febrúar næstkomandi. Leikið verður á Steabonheath Park í Llanelli í Wales.
17. desember 2012
Knattspyrnusambönd Íslands og Danmerkur hafa komist að samkomulagi um að kvennalandslið þjóðanna leiki vináttulandsleik í Danmörku 20. júní. Þetta verður að öllum líkindum síðasti leikur Íslands áður en úrslitakeppni EM hefst í Svíþjóð 10. júlí.
14. desember 2012
Á fundi stjórnar KSÍ sem fram fór á Selfossi, 13. desember, voru samþykktar nokkrar reglugerðarbreytingar og einnig samþykkt ný reglugerð um 5 manna bolta. Þessar breytingar má finna hér til vinstri, undir "Dreifibréf til félaga" og eru breytingarnar í dreifibréfi nr. 13.
