Valmynd
Valmynd
25. febrúar 2009
Unglingadómaranámskeið hjá ÍA verður haldið í Íþróttamiðstöðinni á Akranesi miðvikudaginn 4 .mars kl. 17:00. Um að ræða rúmlega tveggja tíma fyrirlestur og próf viku seinna.
25. febrúar 2009
Sigurður Ragnar Eyjólfsson, landsliðsþjálfari, hefur valið hópinn er heldur til Algarve næstkomandi mánudag og leikur þar á Algarve Cup. Ísland er í riðli með Noregi, Bandaríkjunum og Danmörku.
25. febrúar 2009
Gunnar Guðmundsson, landsliðsþjálfari U17 karla, hefur valið 22 leikmenn til úrtaksæfinga um komandi helgi. Æfingarnar fara fram í Egilshöllinni og í Kórnum. Leikmennirnir koma frá 16 félögum.
24. febrúar 2009
Kristinn Jakobsson mun á fimmtudaginn dæma síðari leik Standard Liege og Braga í 32. liða úrslitum UEFA bikarsins.  Kristni til aðstoðar verða Sigurður Óli Þorleifsson og Ólafur Ingvar Guðfinnsson og fjórði dómari Magnús Þórisson.
24. febrúar 2009
Hér að neðan má sjá þinggerð 63. ársþings Knattspyrnusambands Íslands, sem haldið var í höfuðstöðvum KSÍ 14. febrúar síðastliðinn.
24. febrúar 2009
Endurskoðaður ársreikningur Þórsara á Akureyri hefur borist leyfisstjórn. Þórsurum hafði verið veittur frestur til dagsins í dag til að skila gögnum, og teljast þeir því hafa skilað innan tímamarka.
24. febrúar 2009
Leyfisstjórn hefur nú móttekið fjárhagsgögn frá öllum félögunum 24 sem undirgangast leyfiskerfið, þ.e. öllum félögum í efstu tveimur deildum karla. Öll skiluðu gögnum innan settra tímamarka.
24. febrúar 2009
KA-menn hafa nú skilað fjárhagslegum fylgigögnum með leyfisumsókn sinni, ársreikningi með viðeigandi fylgiskjölum og staðfestingum og þar með hafa öll félögin skilað.
24. febrúar 2009
Fjárhagsleg gögn Fylkis og Grindavíkur, fylgigögn með umsókn félaganna um þátttökuleyfi í efstu deild karla 2009, hafa borist leyfisstjórn. Þessi félög fengu frest til dagsins í dag til að skila og teljast því hafa skilað innan tímamarka.
24. febrúar 2009
Framarar hafa nú skilað sínum fjárhagslegu leyfisgögnum. Þar með eiga einungis þrjú félög eftir að skila og von er á þeim gögnum í dag eða í kvöld. Þessi félög eru KA, Grindavík og Fylkir.
24. febrúar 2009
Á vef KSÍ er hægt að skoða ógrynni upplýsinga af ýmsu tagi. Meðal annars er hægt að kalla fram yfirlitstöflu yfir alla leiki liðs á tilteknu ári, og sjá upplýsingar um leikmenn, skiptingar, mörk, fyrirliða, gul og rauð spjöld, o.s.frv.
24. febrúar 2009
Ársreikningur ÍBV hefur borist leyfisstjórn með pósti. Stimpill pósthússins á sendingunni sýnir að pakkinn var póstaður 20. febrúar, þannig að Eyjamenn teljast hafa skilað innan tímamarka.
23. febrúar 2009
Pósturinn kom til KSÍ með stóran pakka til leyfisstjórnar. Í honum voru leyfisgögn þriggja félaga - ÍA, Fjarðabyggðar og Víkings Ólafsvík. Póststimpillinn á öllum umslögunum staðfesti að gögnin voru send föstudaginn 20. febrúar.
20. febrúar 2009
Fjarðabyggð, sem leikur í 1. deild, hefur póstað fjárhagsleg leyfisgögn sín, og ættu þau því að berast strax eftir helgi. Fjárhagsleg gögn eru m.a. endurskoðaður ársreikningur og ýmsar staðfestingar honum tengdar.
20. febrúar 2009
Víkingar í Ólafsvík hafa póstað fjárhagsleg leyfisgögn sín, endurskoðaðan ársreikning ásamt fylgigögnum, skv. upplýsingum leyfisstjórnar, og ættu þau því að berast KSÍ strax eftir helgi.
20. febrúar 2009
20. febrúar er stór skiladagur í leyfiskerfinu, en það er lokaskiladagur fjárhagslegra leyfisgagna. Sá dagur er í dag. Fimm félög hafa þegar skilað fjárhagsgögnum sínum - FH, Keflavík, Stjarnan, Valur og Haukar.
20. febrúar 2009
Dregið verður í undankeppni UEFA fyrir HM kvenna 2011 17. mars kl. 13:30 á staðartíma í höfuðstöðvum UEFA. Úrslitakeppni HM fer fram fer í Þýskalandi sumarið 2011 og fá Þjóðverjar sjálfkrafa keppnisrétt sem gestgjafar.
20. febrúar 2009
Í dag, föstudaginn 20. febrúar, er byrjað að taka við miðaumsóknum á leiki í úrslitakeppni HM 2010 sem fer fram í Suður Afríku. Til 31. mars er hægt að skrá sig á heimasíðu FIFA og verður svo dregið úr umsóknum þann 15. apríl næstkomandi.
