Valmynd
Valmynd
5. júní 2008
CSKA Sofia er sigursælasta félag í sögu búlgarskrar knattspyrnu. Umsókn félagsins um þátttökuleyfi fyrir keppnistímabilið 2008-2009 var synjað af leyfisráði búlgarska knattspyrnusambandsins.
5. júní 2008
Ákveðið hefur verið að halda dag kvennaknattspyrnunnar hátíðlegan laugardaginn 21. júní. Þann dag verður skemmtidagskrá á Laugardalsvelli frá 12:30 en klukkan 14:00 spilar íslenska kvennalandsliðið við Slóveníu í undankeppni EM.
4. júní 2008
Luka Kostic, landsliðsþjálfari U21 karla, hefur valið landsliðshóp sinn er mætir Norðmönnum í vináttulandsleik á hinum nýja Vodafonevelli. Leikurinn verður leikinn 12. júní næstkomandi og hefst kl. 19:15.
4. júní 2008
Íslenska karlalandsliðið stendur í stað á nýjum styrkleikalista FIFA sem gefinn var út í dag. Ísland er í 85. sæti listans en það eru Argentínumenn sem eru á toppi listans en litlar breytingar eru á efstu sætum listans.
3. júní 2008
Knattspyrnusambönd Íslands og Danmerkur hafa komist að samkomulagi um að U21 karlalandslið þjóðanna leiki 2 vináttulandsleiki. Fyrri leikurinn fer fram hér á landi þann 20. ágúst nk. en seinni leikurinn fer fram ytra, 19. ágúst 2009.
3. júní 2008
Í dag var kynntur á blaðamannafundi í höfuðstöðvum KSÍ, Foreldrabæklingur KSÍ og er hann gefinn út á fjórum tungumálum, íslensku, ensku, pólsku og spænsku. Alþjóðahúsið og Landsbankinn standa að útgáfunni með KSÍ.
3. júní 2008
Knattspyrnuskóli stúlkna verður sem fyrr á Laugarvatni og verður hann starfræktur dagana 9. - 13. júní að þessu sinni. Þátttakendur skólans eru fæddir árið 1994. Von er á góðum gestum og gestakennurum til þess að leiðbeina stúlkunum.
2. júní 2008
Aga- og úrskurðarnefnd hefur úrskurðað í máli Grundarfjarðar gegn Snæfelli vegna leiks félaganna í VISA-bikar karla sem leikinn var 24. maí síðastliðinn.  Úrskurðurinn hljóðar þannig að Grundarfirði er dæmdur sigur í leiknum, 0-3.
2. júní 2008
Um að ræða tveggja tíma fyrirlestur og próf viku seinna. Áhersla er lögð á knattspyrnulögin, reglugerðir í 7 mannabolta og ýmis hagnýt mál. Námskeiðið er öllum opið sem náð hafa 15 ára aldri. Námskeiðið er ókeypis.
28. maí 2008
Íslendingar töpuðu gegn Wales í vináttulandsleik sem fram fór á Laugardalsvellinum í kvöld. Lokatölur urðu 0-1 gestunum í vil og kom sigurmarkið í lok fyrri hálfleiks. Arnór Smárason spilaði sinn fyrsta A landsleik í kvöld.
28. maí 2008
Íslenska kvennalandsliðið lagði það serbneska í dag með fjórum mörkum gegn engu. Mikill hiti setti mark sitt á leikinn en um 37 stig voru á leikvellinum á meðan leikurinn fór fram. Íslenska liðið hefur nú hlotið 12 stig eftir fimm leiki og er í öðru sæti riðilsins, með markatöluna 14 - 2.
28. maí 2008
Leikur Serbíu og Íslands er hafinn í Serbíu og er mjög heitt í veðri, hitinn um 35 - 37 stig. Íslensku stelpurnar byrjuðu engu að síður af krafti, í hvítum búningum og áttu fyrsta markskotið á 3. mínútu sem fór reyndar langt framhjá. Fylgst verður með leiknum hér á síðunni.
28. maí 2008
Í ár er KSÍ klúbburinn að hefja sitt 18. starfsár og er fyrirkomulag klúbbsins að mestu með sama sniði og undanfarin ár. Síðustu ár hefur klúbburinn verið fullsetinn en nú eru örfá sæti laus og eru áhugasamir hvattir til þess að hafa samband
28. maí 2008
Ólafur Jóhannesson, landsliðsþjálfari, hefur tilkynnt byrjunarlið sitt er mætir Wales í vináttulandsleik á Laugardalsvelli í kvöld. Leikurinn hefst kl. 19:35 og hefst miðasala á Laugardalsvelli hefst kl. 17:00 á leikdag.
28. maí 2008
Ólafur Jóhannesson, landsliðsþjálfari, hefur gert breytingu á hópnum fyrir vináttulandsleikinn gegn Wales í kvöld. Heimir Einarsson úr ÍA kemur inn í hópinn í stað Grétars Rafn Steinssonar sem á við meiðsli að stríða og getur ekki leikið í kvöld.
28. maí 2008
Karlalandslið Íslands undirbýr sig nú af kappi fyrir vináttulandsleik gegn Wales en leikið verður í kvöld kl. 19:35. Æft var tvisvar mánudag og þriðjudag og þess á milli voru leikmenn í meðhöndlun sjúkraþjálfara og nuddara.
27. maí 2008
Ísland mætir Serbíu á morgun, miðvikudag, og Sigurður Ragnar Eyjólfsson hefur tilkynnt byrjunarliðið fyrir þennan mikilvæga leik. Leikurinn verður sýndur í beinni útsendingu á RÚV og hefst útsending kl. 14:50 en leikurinn sjálfur hefst kl. 15:00.
27. maí 2008
Ólafur Jóhannesson hefur valið Valsmanninn Birki Má Sævarsson í landsliðshópinn fyrir vináttulandsleikinn gegn Wales, en liðin mætast á Laugardalsvelli á miðvikudag kl. 19:35.
