Valmynd
Valmynd
27. maí 2008
Fyrir vináttulandsleikinn gegn Wales á miðvikudag verður gefin út 24 blaðsíðna leikskrá með ýmsum áhugaverðum og gagnlegum upplýsingum. Leikskráin verður seld við innganginn á Laugardalsvelli fyrir leik.
26. maí 2008
Boðið verður upp á andlitsmálun fyrir vináttu landsleik Íslands og Wales á miðvikudag. Því er um að gera að mæta tímanlega og láta mála íslenska fánann á kinnina og ennið, jafnvel að láta mála allt andlitið!
26. maí 2008
Fyrir vináttulandsleik Íslands og Wales á miðvikudag mun Védís Hervör Árnadóttir syngja þjóðsöngva landanna. Þá mun Gunni Óla halda uppi fjörinu í hálfleik með gítar og söng.
26. maí 2008
Í morgun hélt kvennalandsliðið utan og er förinni heitið til Serbíu. Þar verður leikið við heimamenn í undankeppni fyrir EM 2009 og er leikurinn í beinni útsendingu á RÚV. Leikurinn hefst kl. 15:00, miðvikudaginn 28. maí.
26. maí 2008
Í morgun fékkst það staðfest að Eiður Smári Guðjohnsen verður ekki í landsliðshópnum í vináttulandsleik gegn Wales á miðvikudaginn. Ekki fékkst leyfi hjá félagsliði hans, Barcelona, en leikdagurinn er ekki alþjóðlegur leikdagur.
26. maí 2008
Ólafur Jóhannesson, landsliðsþjálfari, hefur gert breytingu á landsliðshóp sínum fyrir vináttulandsleikinn gegn Wales á miðvikudaginn. Indriði Sigurðsson kemur inn í hópinn í stað Ragnars Sigurðssonar sem er meiddur.
26. maí 2008
Landsliðshópurinn æfði í morgun á Framvelli og var þetta fyrsta æfingin síðan að hópurinn kom saman fyrir vináttulandsleikinn gegn Wales á miðvikudaginn. Þetta var fyrsta æfingin fyrir vináttulandsleikinn gegn Wales á miðvikudaginn
24. maí 2008
Íslandsleikar Special Olympics í knattspyrnu fóru fram í knattspyrnuhöllinni á Akranesi í dag. Keppt var í tveimur styrkleikaflokkum og konur og karlar kepptu saman í liði. Allir aldursflokkar kepptu saman og skemmtu allir sér hið besta.
23. maí 2008
Íslandsleikar Special Olympics í knattspyrnu fara fram í knattspyrnuhöllinni á Akranesi laugardaginn 24. maí 2008. Keppni hefst kl. 12.00, upphitun kl. 11.30. Keppt er í tveimur styrkleikaflokkum og konur og karlar keppa saman í liði.
23. maí 2008
Ísland og Wales mætast í vináttulandsleik á Laugardalsvelli, miðvikudaginn 28. maí og hefst leikurinn kl. 19:35. Leikurinn er liður í undirbúningi fyrir þátttöku Íslands í undankeppni fyrir HM 2010. Miðasala er í fullum gangi og er hægt að fá miða á forsöluafslætti ef keypt er á netinu fyrir leikdag.
23. maí 2008
Sá landsliðshópur sem John Toshack, landsliðsþjálfari Wales hafði áður tilkynnt fyrir vináttulandsleikina gegn Íslandi 28. maí og Hollandi 1. júní hefur nú verið skorinn niður úr 35 leikmönnum í 27.
22. maí 2008
Luka Kostic, landsliðsþjálfari U17 og U21 karla, heldur áfram að sinna útbreiðslustarfi KSÍ og liður í starfinu er að heimsækja félögin. Luka var í Vestmannaeyjum og á Sauðárkróki í vikunni og var vel tekið.
22. maí 2008
Ólafur Jóhannesson, landsliðsþjálfari, hefur gert eina breytingu á hóp sínum fyrir vináttulandsleikinn gegn Wales þann 28. maí næstkomandi. Atli Sveinn Þórarinsson, úr Val, kemur inn í hópinn.
21. maí 2008
Handhafar A-passa frá KSÍ fá aðgöngumiða á leikinn Ísland - Wales afhenta föstudaginn 23. maí frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis. Takmarkað magn af miðum er í boði á þennan leik.
21. maí 2008
Þeir Sigurður Ragnar Eyjólfsson, landsliðsþjálfari kvenna og Ólafur Jóhannesson, landsliðsþjálfari karla, tilkynntu í dag hópa sína fyrir næstu verkefni. Dagur Sveinn Dagbjartsson hitti landsliðsþjálfarana eftir fundinn í dag og heyrði í þeim hljóðið.
20. maí 2008
UEFA stendur fyrir ljósmyndasamkeppni á meðal aðildarlanda sinna þar sem besta ljósmyndin er tengist grasrótarstarfi er verðlaunuð. Verðlaunamyndinni er ætlað að sýna þá gleði og það gildi sem þátttaka í knattspyrnu gefur af sér.
20. maí 2008
Á morgun, miðvikudaginn 21. maí kl. 11:30 munu þeir Ólafur Jóhannesson, landsliðsþjálfari karla og Sigurður Ragnar Eyjólfsson, landsliðsþjálfari kvenna, tilkynna landsliðshópa sína er verða í eldlínunni 28. maí næstkomandi.
19. maí 2008
Að fengnu samþykki formanns leyfisráðs hefur leyfisstjóri leiðrétt leyfisveitingu Fjölnis vegna þátttökuleyfis í Landsbankadeild karla 2008. Menntun aðstoðarþjálfara meistaraflokks var ekki skráð að fullu.
