Valmynd
Valmynd
31. maí 2006
Dómstóll KSÍ hefur tekið fyrir kæru vegna leiks Fram og Fylkis í Reykjavíkurmóti 4. flokks karla er fram fór 11. maí síðastliðinn.  Fram er dæmdur sigur í leiknum með þremur mörkum gegn engu.
30. maí 2006
Framkvæmdanefnd UEFA ákvað á dögunum að hrinda af stað Evrópukeppni U17 kvenna. KSÍ hefur þegar tilkynnt þátttöku Íslands í mótinu en það hefst á haustdögum 2007.
30. maí 2006
U21 landslið karla mun taka á móti Andorra á Akranesvelli í dag, fimmtudaginn 1. júní. Leikurinn er seinni leikur þjóðanna en fyrri leiknum lauk með markalausu jafntefli en leikið var ytra 3. maí síðastliðinn.
29. maí 2006
Jón Ólafur Daníelsson hefur verið ráðinn til að leysa Ernu Þorleifsdóttur af sem landsliðsþjálfari U17 kvenna. Jón Ólafur mun því stýra liðinu á Norðurlandamóti kvenna sem fram fer í Finnlandi í byrjun júlí.
26. maí 2006
Lúkas Kostic, þjálfari U21 landsliðs karla, hefur valið hópinn sem mætir Andorra á Akranesvelli á fimmtudaginn kemur. Leikurinn er seinni leikur þjóðanna og er leikið um sæti í riðlakeppni EM 2007.
26. maí 2006
Ákveðið hefur verið að útvíkka leyfiskerfi KSÍ, þannig að það nái einnig til 1. deildar karla. Fundað var með félögum í deildinni í vikunni, sem voru sammála um að leyfiskerfi myndi efla mjög umgjörð 1. deildar og starf þeirra félaga sem þar leika.
25. maí 2006
HK/Víking vantar þjálfara fyrir 2. flokk kvenna. Hægt er að nálgast allar upplýsingar hjá Sigurði Víðissyni í síma 863-3571.
19. maí 2006
Íslenska kvennalandsliðið fer upp um eitt sæti á nýjum styrkleikalista FIFA. Hafa þær sætaskipti við landslið Úkraínu og stíga upp í 18. sætið. Heims- og Evrópumeistarar Þjóðverja eru, sem fyrr, á toppi styrkleikalistans.
17. maí 2006
UEFA hefur samþykkt umsókn KSÍ um að fá að halda sérnámskeið fyrir E-stigs þjálfara. Alls voru 41 E-stigs þjálfari sem sóttist eftir að fara á námskeiðið.
17. maí 2006
Landsliðsþjálfari U17 og U21, Luka Kostic, sinnir útbreiðslu- og fræðslustarfi KSÍ. Heimsækir hann aðildarfélög um allt land og á morgun, fimmtudag, er komið að því að heimsækja Siglufjörð.
16. maí 2006
Ásthildur Helgadóttir landsliðsfyrirliði hlaut sína aðra áminningu í forkeppni HM í leiknum gegn Hvíta-Rússlandi 6. maí síðastliðinn og verður í leikbanni í landsleik Íslands og Portúgal sem fram fer 18. júní næstkomandi.
13. maí 2006
Samið hefur verið um útsendingar frá leikjum A-landsliðanna næstu 4 árin, 2006-2009. Heimalandsleikir verða beint á RÚV. Landsleikir A liðs karla á útivelli verða á Sýn og þegar sýnt verður frá útilandsleikjum A liðs kvenna verður það á RÚV.
12. maí 2006
Knattspyrnusamband Íslands hefur ákveðið að gefa öllum A, B og C deildardómurum sínum forláta úr að gjöf. Þessi svissnesku úr eru sérstaklega framleidd og hönnuð til handa dómarastarfa.
12. maí 2006
Félög í Landsbankadeild karla 2006 fengu þátttökuleyfi sín formlega afhent á kynningarfundi deildarinnar í Smárabíói síðastliðinn fimmtudag. Þetta er í fjórða sinn sem félög í deildinni gangast undir leyfiskerfi KSÍ.
11. maí 2006
Luka Kostic, landsliðsþjálfari U17 og U21 karla, heldur áfram för sinni á milli félaga um allt land. Ísafjörður er áfangastaðurinn í þetta skiptið og mun Luka þar fara yfir áhersluatriði með þjálfurum í nágrenninu.
8. maí 2006
Í samræmi við lið 10.2 í reglugerð um Deildarbikarkeppni hefur skrifstofa KSÍ staðfest að Skúli Sigurðsson lék ólöglegur með liði Snartar í leik gegn BÍ í Deildarbikar karla 23. april síðastliðinn.
6. maí 2006
A landslið kvenna vann góðan sigur á Hvít-Rússum í undankeppni HM 2007 í dag, laugardag, en leikið var í Minsk í Hvíta-Rússlandi. Sigurinn var verðskuldaður og er Ísland nú með 7 stig eftir fjóra leiki í riðlinum.
5. maí 2006
Stjórn KSÍ hefur borist ályktun Prestastefnu 2006 og ályktun 14 kvennasamtaka þar sem vændi í tengslum við HM í Þýskalandi er mótmælt og mun KSÍ koma þessum ályktunum á framfæri við FIFA.
