Valmynd
Valmynd
2. ágúst 2011
Norðurlandamót karla U17 hefur göngu sína í dag og að þessu sinni er Ísland með tvö lið í mótinu.  Ísland 1 mætir Noregi kl. 16:00 á Þórsvelli en núna kl. 14:00 leikur Ísland 2 gegn Svíum.  Gunnar Guðmundsson stjórnar liði 1 en Freyr Sverrisson stjórnar liði 2.  Þeir hafa tilkynnt byrjunarlið sín.
2. ágúst 2011
Í dag hófst Norðurlandamót U17 karla en mótið fer fram að þessu sinni hér á landi og er leikið á Norðurlandi.  Tvo íslensk lið eru með á mótinu að þessu sinni og léku þau bæði í dag.  Ísland 2 lagði Svía að velli, 3 - 1, en Ísland 1 gerði jafntefli við Norðmenn, 2 - 2.
31. júlí 2011
Það var þýska liðið sem tryggði sér þriðja sætið í úrslitakeppni EM U17 kvenna en leikið var um sæti í Nyon í dag.  Þjóðverjar lögðu íslensku stelpurnar með átta mörkum gegn tveimur og gerðu þær þýsku út um leikinn í fyrri hálfleiknum en þær leiddu í leikhléi, 5 - 0.
31. júlí 2011
Þorlákur Árnasons, landsliðsþjálfari U17 kvenna, hefur tilkynnt byrjunarlið sitt er mætir Þjóðverjum í leik um 3. sætið í úrslitakeppni U17 kvenna sem fram fer í Nyon.  Leikið verður gegn Þjóðverjum og hefst leikurinn kl. 12:00 að íslenskum tíma. Hægt að fylgjst með textalýsingu á heimasíðu UEFA.
30. júlí 2011
Í dag var dregið í riðla í undankeppni fyrir HM 2014.  Drátturinn fór fram í Ríó en úrslitakeppnin 2014 fer einmitt fram í Brasilíu.  Ísland  í E riðli og leikur í riðli með Noregi, Slóveníu, Sviss, Albaníu og Kýpur.
28. júlí 2011
Stelpurnar í U17 biðu lægri hlut gegn Spánverjum í undanúrslitum EM U17 kvenna en leikið var í Nyon í Sviss.  Lokatölur urðu 4 - 0 fyrir Evrópumeistara Spánverja sem leiddu í leikhléi 3 - 0.  Ísland mun því leika um 3. sætið á sunnudag en Spánverjar leika til úrslita á mótinu.
28. júlí 2011
Laugardaginn 30. júlí verður dregið í riðla í undankeppni fyrir HM 2014 en úrslitakeppnin fer fram í Brasilíu.  Dregið verður í Ríó og hefst drátturinn kl. 18:00 að íslenskum tíma og verður hægt að fylgjast með honum á heimasíðu FIFA.
28. júlí 2011
Það er komið að langþráðum degi því í dag kl. 12:00 mætast Ísland og Spánn í undanúrslitum úrslitakeppni EM U17 kvenna sem fram fer í Nyon í Sviss.  Leikurinn verður í beinni útsendingu á íþróttastöðinni Eurosport.  Siðari undanúrslitaleikurinn er á milli Frakka og Þjóðverja og hefst hann kl. 16:00 að íslenskum tíma. Þorlákur Árnason hefur tilkynnt byrjunarliðið.
27. júlí 2011
Á nýjum styrkleikalista FIFA sem gefinn var út í morgun er íslenska karlalandsliðið í 121. sæti og fer upp um eitt sæti. Spánverjar eru sem fyrr í efsta sæti en Holland fylgir þeim fast á eftir í öðru sætinu.
27. júlí 2011
Vel fer um hópinn og fylgdarlið hjá U17 kvenna í Nyon í Sviss en framundan er úrslitakeppni EM.  Leikið verður gegn Spáni í undanúrslitum á morgun, fimmtudaginn 28. júlí, kl. 12:00 að íslenskum tíma.  Leikurinn, eins og allir leikir keppninnar, verða sýndir á íþróttastöðinni Eurosport.
25. júlí 2011
Stelpurnar í U17 halda til Sviss í kvöld en framundan er úrslitakeppni EM sem fram fer í Nyon. Aðeins fjórar þjóðir komast í þessa úrslitakeppni og leikur Ísland gegn núverandi handhöfum titilsins, Spánverjum, fimmtudaginn 28. júlí. Í hinum undanúrslitaleiknum eigast við Þýskaland og Frakkland. Úrslitaleikurinn og leikurinn um þriðja sætið fara svo fram, sunnudaginn 31. júlí.
23. júlí 2011
Strákarnir í U19 léku í dag gegn Norðmönnum í lokaleik sínum á Svíþjóðarmótinu.  Norðmenn höfðu 2 - 1 sigur í leiknum en Íslendingar fóru engu að síður með sigur af hólmi á þessu móti, með sex stig líkt og Svíar en markatala íslenska liðsins var hagstæðari.
22. júlí 2011
Á nýjum styrkleikalista FIFA er íslenska kvennalandsliðið í 17. sæti og fellur niður um eitt sæti frá því að síðasti listi var gefinn út. Bandaríkin eru í efsta sæti listans en nýkrýndir heimsmeistarar Japana eru í fjórða sæti.
21. júlí 2011
Strákarnir í U19 lögðu Svía í öðrum leik sínum á Svíþjóðarmótinu sem fram fór í dag. Lokatölur urðu 2 - 0 fyrir Ísland eftir að hafa leitt í leikhléi með einu marki. Það var Árni Vilhjálmsson sem skoraði bæði mörk Íslands í leiknum, það síðara úr vítaspyrnu.
21. júlí 2011
Strákarnir í U19 leika sinn annan leik í dag á Svíþjóðarmótinu og eru mótherjarnir í dag gestgjafarnir sjálfir. Leikurinn hefst k. 17:00 að íslenskum tíma og hefur Kristinn R. Jónsson, landsliðsþjálfari, tilkynnt byrjunarliðið en hann teflir fram sama byrjunarliði og lagði Wales að velli í fyrsta leiknum.
20. júlí 2011
Dagana 2. - 7. ágúst fer fram Norðurlandamót U17 karla og fer það fram hér á landi að þessu sinni.  Mótið fer fram víðsvegar um Norðurland og að þessu sinni verður Ísland með 2 lið á mótinu.  Ísland 1 er í riðli með Englandi, Færeyjum og Noregi en Ísland 2 í riðli með Danmörku, Finnlandi og Svíþjóð.
19. júlí 2011
Strákarnir í U19 byrjuðu Svíþjóðarmótið með glans en þeir lögðu Walesverja örugglega í dag.  Lokatölur urður 5 - 1 fyrir Íslands eftir að staðan í leikhléi var 2 - 1.  Næsti leikur Íslands á mótinu er á fimmtudaginn þegar leikið verður við heimamenn í Svíþjóð.
19. júlí 2011
Þorlákur Árnason, landsliðsþjálfari U17 kvenna, hefur gert tvær breytingar á hópnum er leikur í úrslitakeppni U17 kvenna í Sviss síðar í þessum mánuði. Inn í hópinn koma þær Berglind Rós Ágústsdóttir úr Val og Ágústa Kristinsdóttir úr KA en þær koma í stað Elínar Mettu Jensen og Ingunnar Haraldsdóttur.
