Valmynd
Valmynd
26. mars 2008
Leik Danmerkur og Íslands í milliriðli EM 2008 hjá U17 kvenna hefur verið frestað en leikurinn átti að fara fram í dag. Mikill kuldi hefur verið í Danmörku og mikill snjór á vellinum. Leikurinn mun fara fram á morgun, fimmtudag, kl. 14:30.
26. mars 2008
Ísland mætir Slóvakíu í vináttulandsleik ytra í kvöld kl. 19:15. Ólafur Jóhannesson, landsliðsþjálfari, mun tilkynna byrjunarliðið síðar í dag og verður það birt hér á síðunni.
25. mars 2008
Íslenska landsliðið æfði í morgun og í gærkvöldi á grasi en fyrsta æfing liðsins varð að fara fram á gervigrasi sökum vætutíðar. Ólafur Jóhannesson, landsliðsþjálfari, tilkynnti í dag að Kristján Örn Sigurðsson verði fyrirliði liðsins á morgun.
24. mars 2008
Hermann Hreiðarsson hefur dregið sig út úr landsliðshópnum sem mætir Slóvökum í vináttulandsleik á miðvikudaginn. Hermann er meiddur og var þessi ákvörðun tekin eftir samráð við lækni íslenska landsliðsins.
24. mars 2008
Íslenska U17 kvennalandsliðið tapaði gegn Rússum í fyrsta leik liðsins í milliriðli fyrir EM 2008. Lokatölur urðu 3-4 eftir að íslenska liðið hafði leitt í hálfleik, 3-1. Leikið verður við heimastúlkur í Danmörku á miðvikudaginn.
24. mars 2008
Íslenska landsliðið hélt til Bratislava í Slóvakíu á páskadag en leikinn verður vináttulandsleikur við heimamenn á miðvikudaginn. Fyrsta æfing dagsins þurfti að fara fram á gervigrasi sökum vætutíðar.
21. mars 2008
Íslenska kvennalandsliðið færist upp um tvö sæti á styrkleikalista FIFA er birtur var í dag. Ísland er nú í nítjánda sæti listans eftir góðan árangur á Algarve Cup fyrr í þessum mánuði.
19. mars 2008
Ólafur Jóhannesson, landsliðsþjálfari, hefur gert eina breytingu á landsliðshópnum sem fer til Slóvakíu til að leika vináttulandsleik 26. mars næstkomandi. Tryggvi Guðmundsson úr FH kemur inn í hópinn
18. mars 2008
Ólafur Þór Guðbjörnsson, landsliðsþjálfari U19 kvenna, hefur valið hóp til þess að leika tvo vináttulandsleiki gegn Írum nú í lok mars. Leikirnir fara fram 28. og 30. mars og verða leiknir í Dublin.
17. mars 2008
Kristrún Lilja Daðadóttir, landsliðsþjálfari U17 kvenna, hefur tilkynnt hóp sinn er heldur til Danmörku um páskana. Þar leikur liðið í milliriðli fyrir EM 2008 en mótherjarnir verða, auk heimamanna, Rússar og Finnar.
17. mars 2008
Ólafur Jóhannesson, þjálfari A-landsliðs karla, hefur valið 20 manna hóp fyrir vináttulandsleikinn gegn Slóvökum 26. mars. Leikurinn fer fram í Zlaté Moravce í Slóvakíu. Margar breytingar eru á hópnum frá leiknum við Færeyinga.
16. mars 2008
Íslendingar lögðu Færeyinga í dag í vináttulandsleik en leikurinn fór fram í knatthúsinu Kórnum. Lokatölur urðu 3-0 eftir að Íslendingar höfðu haft forystu í hálfleik, 1-0. Þetta er fyrsti karlalandsleikur sem fram fer innanhúss á Íslandi
16. mars 2008
Ólafur Jóhannesson, landsliðsþjálfari, hefur tilkynnt byrjunarlið sitt er mætir Færeyingum í dag kl. 16:00. Leikurinn fer fram í hinu glæsilega knatthúsi Kórnum í Kópavogi. Sex leikmenn frá Íslandsmeisturum Vals eru í byrjunarliðinu.
14. mars 2008
Leikur Íslendinga og Færeyinga á sunnudaginn er sá 21. í röðinni í A-landsleik karla. Íslendingar hafa unnið nítján leiki af þessum tuttugu en einu sinni hefur orðið jafntefli
14. mars 2008
Sérstakar undirbúningsæfingar verða hjá U19 karla dagana 20. - 22. mars næstkomandi. Kristinn R. Jónsson, landsliðsþjálfari, hefur valið hóp fyrir þessar æfingar en þetta er liður í undirbúningi liðsins fyrir milliriðil EM 2008.
14. mars 2008
Í gær var undirritaður samningur á milli KSÍ og Flugleiðahótela ehf um gistingu fyrir landslið Íslands og aðra gistingu á vegum Knattspynusambandsins. Í samningum felst m.a. að A landslið Íslands munu framvegis gista á Hilton Hóteli.
13. mars 2008
Fyrir landsleikinn gegn Færeyingum á sunnudag verður gefin út 20 blaðsíðna leikskrá með ýmsum áhugaverðum og gagnlegum upplýsingum. Útgáfa á leikskrám var hafin að nýju á síðasta ári eftir meira en áratugshlé.
13. mars 2008
Handhafar A-passa frá KSÍ fá aðgöngumiða á leikinn Ísland - Færeyja afhenta föstudaginn 14. mars frá kl. 10:00 - 15:00. Miðarnir verða afhentir á skrifstofu KSÍ gegn framvísun skírteinis. Mjög takmarkað magn af miðum er í boði á þennan leik.
