Valmynd
Valmynd
18. júní 2007
Íslenska U19 landslið kvenna leikur í dag vináttulandsleik gegn Svíþjóð ytra. Leikurinn sem er lokaleikur liðsins fyrir úrslitakeppni EM U19 kvenna hefst kl. 17:00 að íslenskum tíma. Ólafur Þór Guðbjörnsson hefur tilkynnt byrjunarlið sitt.
16. júní 2007
Íslendingar unnu frábæran sigur á Frakklandi í dag með einu marki gegn engu. Margrét Lára Viðarsdóttir skoraði mark Íslands á 81. mínútu eftir fyrirgjöf frá Dóru Maríu Lárusdóttur. Íslenska liðið varðist frábærlega og gaf Frökkum fá færi á sér.
15. júní 2007
Sigurður Ragnar Eyjólfsson, landsliðsþjálfari, tilkynnti í dag hvaða 18 leikmenn munu skipa liðið gegn Frökkum á morgun. Rakel Logadóttir verður ekki með í þessum leik vegna meiðsla.
15. júní 2007
Íslenska kvennalandsliðið hefur tvisvar sinnum áður verið með Frökkum í riðli í undankeppni EM. Fyrsta viðureignin fór fram á Akranesvelli í september 1995 og gerðu liðin þá 3-3 jafntefli.
15. júní 2007
Sigurður Ragnar Eyjólfsson, landsliðsþjálfari, hefur tilkynnt byrjunarlið sitt er mætir Frökkum á Laugardalsvelli á morgun. Leikurinn er í undakeppni EM og hefst kl. 14:00. Um er að ræða tímamótaleiki hjá Eddu Garðarsdóttur og Dóru Stefánsdóttur.
15. júní 2007
Ísland og Frakkland mætast í undankeppni EM á Laugardalsvelli, laugardaginn 16. júní kl. 14:00. Góður stuðningur áhorfenda getur skipt sköpum í þessum leik og hjálpað stelpunum í því að láta drauminn rætast.
14. júní 2007
Miðasala á leik Íslands og Frakklands sem fram fer laugardaginn 16. júní kl. 14:00, er hafin. Hægt er að kaupa miða á hér á síðunni og á www.midi.is. Miðinn kostar 1000 krónur en frítt er fyrir 16 ára og yngri. Sætaval er frjálst í vesturstúkunni.
13. júní 2007
Dómarinn í viðureign Íslands og Frakklands á laugardag er Englendingurinn Wendy Toms. Toms varð á sínum tíma fyrsti kvendómarinn til að starfa í ensku úrvalsdeildinni og starfaði þar sem aðstoðardómari á fjölmörgum leikjum.
13. júní 2007
Áhugavert er að velta fyrir sér möguleikum A-landsliðs kvenna á sæti í lokakeppni EM 2009. Í riðli Íslands er ljóst að Frakkar þykja sigurstranglegir og er talið að íslenska liðið eigi góðan möguleika á 2. sæti riðilsins.
13. júní 2007
Þjálfari kvennalandsliðs Frakka er Bruno Bini, en hann tók við liðinu í febrúar á þessu ári. Hann þjálfaði áður U19 kvennalandslið Frakka og gerði það lið m.a. að Evrópumeisturum árið 2003.
13. júní 2007
Frakkar tefla fram gríðarlega sterkum leikmannahópi gegn Íslandi í undankeppni EM næsta laugardag. Í hópnum er góð blanda eldri og reyndari leikmanna annars vegar og ungra og efnilegra hins vegar.
13. júní 2007
Fyrir landsleikina gegn Frakklandi og Serbíu geta handhafar A-skírteina sýnt þau við merktan inngang á Laugardalsvelli þegar komið er á völlinn. Mikilvægt er að aðeins sé notaður þessi merkti inngangur fyrir A-skírteini.
13. júní 2007
Nýr styrkleikalisti FIFA var birtur í dag og fellur íslenska liðið niður um þrettán sæti á listanum og sitja í sæti 109. Ítalir halda toppsætinu en Frakkar fara upp fyrir Brasilíumenn í annað sætið.
12. júní 2007
Edda Garðarsdóttir og Dóra Stefánsdóttir ná stórum áföngum í landsleikjafjölda ef þær koma við sögu í leiknum gegn Frökkum í undankeppni EM 2009 á Laugardalsvelli næsta laugardag.
12. júní 2007
Á vef franska kvennalandsliðsins fer nú fram könnun á meðal knattspyrnuáhugafólks þar sem spáð er um úrslit viðureignar Íslendinga og Frakka í undankeppni EM 2009. Frakkar sigurvissir fyrir leikinn.
12. júní 2007
Ólafur Þór Guðbjörnsson, landsliðsþjálfari U19 kvenna, hefur valið landsliðshóp sinn er mætir Svíum í vináttulandsleik í Svíþjóð 18. júní. Leikurinn er síðasti leikurinn hjá íslenska liðinu fyrir úrslitakeppni EM sem hefst hér á landi í 18. júlí.
12. júní 2007
Í 22 manna landsliðshópi Sigurðar Ragnars Eyjólfssonar, þjálfara A-landsliðs kvenna, eru hvorki fleiri né færri en 9 leikmenn frá Íslands- og bikarmeisturum Vals, eða tæplega helmingur hópsins.
11. júní 2007
Sigurður Ragnar Eyjólfsson, landsliðsþjálfari, hefur valið landsliðshóp sinn fyrir leikinga tvo gegn Frakklandi og Serbíu. Leikurinn gegn Frakklandi fer fram laugardaginn 16. júní kl. 14:00 en Serbíuleikurinn fimmtudaginn 21. júní.
