Valmynd
Valmynd
11. júní 2007
Landsliðshópurinn sem mætir Frökkum og Serbum í undankeppni EM kvennalandsliða 2009 verður tilkynntur með blaðamannafundi í höfuðstöðvum KSÍ í dag, mánudag kl. 14:00.
8. júní 2007
Aganefnd UEFA úrskurðaði í dag Svíum sigur í leik gegn Dönum sem fram fór 2. júní síðastliðinn. Leikurinn var flautaður af í stöðunni 3-3 þegar að danskur áhorfandi veittist að dómara leiksins. Danir hafa áfrýjað niðurstöðunni.
7. júní 2007
Ísland mætir Frakklandi í undankeppni fyrir EM kvenna 2009 og er leikurinn leikinn á Laugardalsvellinum. Leikurinn fer fram daginn fyrir þjóðhátíðardaginn, laugardaginn 16. júní og hefst kl. 14:00. Stuðningur áhorfenda getur skipt sköpum í þessum leik.
6. júní 2007
Íslendingar biðu lægri hlut gegn Svíum í landsleik í Stokkhólmi en leikurinn var í riðlakeppni fyrir EM 2008. Lokatölur urðu þær að heimamenn skoruðu fimm mörk án þess að Íslendingar næðu að svara.
6. júní 2007
Í dag sækir íslenska landsliðið það sænska heim á Rasunda vellinum í Stokkhólmi. Leikurinn er í riðlakeppni fyrir EM 2008 og hefst kl. 18:15 að íslenskum tíma. Eyjólfur Sverrisson, landsliðsþjálfari, hefur tilkynnt byrjunarlið sitt.
5. júní 2007
Íslenska landsliðið æfði í dag á rennisléttum Rasunda vellinum en á morgun etja þeir kappi þar við Svía. Aðstæður eru allar hinar bestu og var um 26 stiga hiti í Stokkhólmi í dag.
5. júní 2007
Íslenska U19 karlalandsliðið vann lokaleik sinn í milliriðli fyrir EM en riðillinn var leikinn í Noregi. Sigur vannst á Azerbaijan með fimm mörkum gegn tveimur. Leikurinn í gær var síðasti leikur hjá U19 karla þar sem Guðni Kjartansson stjórnar liðinu.
4. júní 2007
Guðni Kjartansson, landsliðsþjálfari U19 karla, hefur tilkynnt byrjunarlið sitt er leikur gegn Azerum í dag. Leikurinn er í milliriðli fyrir EM og hefst kl. 17:00 í Noregi. Þetta er þriðji og síðasti leikur Íslands í riðlinum.
4. júní 2007
Áfram Ísland, stuðningsmannaklúbbur íslenska landsliðsins í knattspyrnu, verða með upphitun fyrir leik Svíþjóðar og Íslands. Upphitunin er í samvinnu við Icelandair og Íslendingafélagið í Stokkhólmi.
2. júní 2007
Íslendingar gerðu jafntefli gegn Liechtenstein í dag og urðu lokatölur 1-1. Brynjar Björn Gunnarsson kom Íslendingum yfir í fyrri hálfleik. Liðið mun leika gegn Svíum næstkomandi miðvikudag ytra.
2. júní 2007
Íslenska U19 karlalandsliðið tapaði í gær gegn Norðmönnum í miklum markaleik en lokartölur urðu 4-3 fyrir Norðmenn. Staðan í leikhléi var 3-2 Norðmönnum í vil. Ísland leikur gegn Azerbaijan á mánudaginn í lokaleik sínum í þessum milliriðli fyrir EM.
2. júní 2007
Ísland og Liechtenstein mætast á Laugardalsvelli í dag kl. 16:00 en leikurinn er liður í undankeppni fyrir EM 2008. Eyjólfur Sverrisson, landliðsþjálfari, hefur tilkynnt byrjunarlið sitt fyrir leikinn.
1. júní 2007
Guðni Kjartansson, landsliðsþjálfari U19 karla, hefur tilkynnt byrjunarlið sitt er mætir Norðmönnum í dag í milliriðli fyrir EM. Riðillinn er leikinn í Noregi og hefst leikur þjóðanna kl. 17:00 að íslenskum tíma.
31. maí 2007
Íslenska U19 landslið karla hóf leik í milliriðli fyrir EM í gær og öttu kappi gegn Evrópumeisturum Spánverja. Spánverjar báru sigur úr býtum með þremur mörkum gegn tveimur eftir að íslenska liðið leiddi í hálfleik, 0-1.
31. maí 2007
Ísland vann góðan útisigur í sínum fyrsta leik sínum í undankeppninni fyrir EM 2009. Leikið var gegn Grikklandi ytra og bar íslenska liðið sigurorð af því gríska með lokatölunum 0-3. Íslenska liðið leiddi í hálfleik með tveimur mörkum.
31. maí 2007
Sigurður Ragnar Eyjólfsson, landsliðsþjálfari, hefur tilkynnt byrjunarlið sitt er mætir Grikkjum í dag kl. 15:00 ytra. Leikurinn er fyrsti leikur liðsins í undankeppni fyrir EM 2009 en úrslitakeppnin fer fram í Finnlandi.
30. maí 2007
Íslenska U19 landslið karla hefur leik í milliriðli fyrir EM í dag þegar þeir mæta Spánverjum kl. 17:00. Spánverjar eru handhafar titilsins í þessum aldursflokki en milliriðillinn er leikinn í Noregi.
29. maí 2007
Handhafar A-passa frá KSÍ fá aðgöngumiða á leikinn Ísland - Liechtenstein afhenta föstudaginn 1. júní frá kl. 10:00 - 17:00. Miðarnir verða afhentir á skrifstofu KSÍ á Laugardalsvelli.
