Valmynd
Valmynd
29. maí 2007
Í endurbættri stúku á Laugardalsvellinum er breytt og bætt aðstaða fyrir þá sem eru í hjólastól. Aðstaðan er í norður- og suðurenda stúkunnar en bílastæði og inngangur eru við suðurendann.
24. maí 2007
Sigurður Ragnar Eyjólfsson, landsliðsþjálfari, tilkynnti í dag landsliðshóp sinn sem mætir Grikkjum ytra 31. maí næstkomandi. Þetta er fyrsti leikur liðsins í undankeppni fyrir EM 2009.
23. maí 2007
Í dag var dregið við hátíðlega athöfn í riðla í úrslitakeppni EM U19 kvenna. Keppnin fer fram sem kunnugt er hér á landi dagana 18. - 29. júlí. Íslendingar mæta Norðmönnum í fyrsta leik sínum en einnig eru Danir og Evrópumeistarar Þjóðverja í riðlinum.
22. maí 2007
Landsliðshópur Liechtenstein var tilkynntur í dag og valdi landsliðsþjálfarinn, Hans-Peter Zaugg, 19 leikmenn til þess að etja kappi við Íslendinga hér á Laugardalsvelli 2. júní og Spánverja fjórum dögum síðar.
22. maí 2007
Miðasala á leik Íslands og Liechtenstein í riðlakeppni fyrir EM 2008 er hafin. Leikurinn fer fram á Laugardalsvelli laugardaginn 2. júní og hefst kl. 16.00. Sala aðgöngumiða á landsleiki fer fram í miðasölukerfi frá www.midi.is.
22. maí 2007
Svíar hafa tilkynnt landsliðshóp sinn er mæta Dönum í Kaupmannahöfn 2. júní og Íslendingum 6. júní í Stokkhólmi. Svíar eru í öðru sæti riðilsins með 12 stig, einu stigi á eftir Norður Írum en hafa leikið leik minna.
22. maí 2007
Eyjólfur Sverrisson, landsliðsþjálfari, hefur tilkynnt 20 manna landsliðshóp sinn fyrir tvo landsleiki. Fyrri leikurinn er gegn Liechtenstein á heimavelli 2. júní og sá seinni gegn Svíum, 6. júní, í Stokkhólmi. Fjórir nýliðar eru í landsliðshópnum.
22. maí 2007
Á morgun, miðvikudaginn 23. maí, verður dregið í riðla í úrslitakeppni EM U19 kvenna en keppnin fer fram hér á landi 18. - 29. júlí næstkomandi. Fjölmargir gestir, innlendir sem erlendir, verða viðstaddir athöfnina sem hefst kl. 18:00.
17. maí 2007
Sigurður Ragnar Eyjólfsson, landsliðsþjálfari, hefur tilkynnt byrjunarlið sitt er mætir Englendingum í kvöld. Leikurinn fer fram á Roots Hall, heimavelli Southend United og hefst kl. 18:45.
17. maí 2007
Íslenska kvennalandsliðið laut í lægra haldi gegn stöllum sínum frá Englandi er þjóðirnar mættust í vináttulandsleik á Roots Hall í kvöld. Lokatölur urðu þær að Englendingar gerður fjögur mörk án þess að Íslendingar næðu að skora.
16. maí 2007
Guðni Kjartansson, landsliðsþjálfari U19, hefur valið 18 leikmenn til að taka þátt í milliriðli Evrópumóts U19 landsliða í Noregi 28. maí – 6. júní. Efsta þjóð riðilsins tryggir sér sæti í úrslitakeppni EM í Austurríki.
14. maí 2007
Sigurður Ragnar Eyjólfsson, landsliðsþjálfari, hefur gert breytingu á landsliðshóp sínum er mætir Englendingum ytra á fimmtudaginn. Guðný Petrína Þórðardóttir, úr Keflavík, kemur inn í hópinn í stað Ásthildar Helgadóttur sem er meidd.
9. maí 2007
Englendingar hafa tilkynnt landsliðshóp sinn er leikur vináttulandsleik gegn Íslendingum á heimavelli Southend, Roots Hall, fimmtudaginn 17. maí nk. Níu leikmenn frá nýkrýndum Evrópumeisturum Arsenal eru í hópnum.
8. maí 2007
Margrét Lára Viðarsdóttir verður fulltrúi Íslands þegar dregið verður í riðla í úrslitakeppni EM U19 kvenna. Úrslitakeppnin fer sem kunnugt er fram hér á landi dagana 18. - 29. júlí. Dregið verður í riðla 23. maí í höfuðstöðvum KSÍ.
8. maí 2007
Sigurður Ragnar Eyjólfsson, landsliðsþjálfari, hefur tilkynnt 18 manna hóp er mætir Englandi í vináttulandsleik ytra 17. maí nk. Leikurinn fer fram á heimavelli Southend United, Roots Hall.
8. maí 2007
Íslenska U17 karlalandsliðið lauk í gær þátttöku sinni í úrslitakeppni EM í Belgíu þegar liðið tapaði gegn gestgjöfum Belga. Lokatölur urðu 5-1 heimamönnum í vil eftir að staðan í hálfleik hafði verið jöfn, 1-1.
7. maí 2007
Íslenska U17 karlalandslið Íslands leikur í dag lokaleik sinn í riðlakeppni úrslitakeppni EM. Leikið er við gestgjafa Belga en með sigri í leiknum komast Íslendingar í umspilsleik um sæti á HM sem fram fer í Suður Kóreu síðar á þessu ári.
7. maí 2007
Lúka Kostic, landsliðsþjálfari U17 karla, hefur valið byrjunarliðið er mætir Belgum í dag kl. 15:30. Leikurinn er lokaleikur riðlakeppninnar í þessum úrslitum EM. Með sigri komast Íslendingar í umspilsleik um sæti á HM í Suður Kóreu.
