Valmynd
Valmynd
4. maí 2007
Landsliðsþjálfari kvennalandsliðsins, Sigurður Ragnar Eyjólfsson, er staddur í Slóveníu þar sem hann mun fylgjast með leik Slóveníu og Serbíu á morgun. Þessar þjóðir eru í riðli með Íslendingum í undankeppni fyrir EM í Finnlandi 2009.
4. maí 2007
Íslendingar töpuðu sínum öðrum leik í úrslitakeppni EM U17 karla er fram fer í Belgíu. Hollendingar knúðu fram sigur með þremur mörkum gegn engu. Lokaleikur liðsins í riðlinum er leikinn á mánudaginn þegar að strákarnir mæta gestgjöfum Belga.
4. maí 2007
Lúka Kostic, landsliðsþjálfari U17 karla, hefur tilkynnt byrjunarlið sitt sem leikur gegn Hollandi í kvöld. Þetta er annar leikur liðsins í úrslitakeppni EM í Belgíu en liðið tapaði gegn Englandi í fyrsta leiknum á miðvikudaginn.
3. maí 2007
Arnar Darri Pétursson, markvörður úr Stjörnunni, hefur verið valinn í hópinn hjá U17 karla er leikur nú í úrslitakeppni EM U17. Arnar kemur í stað Trausta Sigurbjörnssonar er meiddist í leiknum gegn Englandi í gær.
2. maí 2007
Íslenska U17 karlalandsliðið tapaði fyrsta leik sínum í úrslitakeppni EM U17 sem fram fer í Belgíu. Lokatölur urðu 0-2 en þannig var staðan í hálfleik. Íslensku strákarnir leika annan leik sinn í riðlinum á föstudaginn við Holland kl. 18:15.
2. maí 2007
Lúka Kostic, landsliðsþjálfari U17 karla, hefur tilkynnt byrjunarlið sitt er mætir Englendingum kl. 14:00 í dag. Leikurinn er fyrsti leikur íslenska liðsins í úrslitakeppni EM U17.
2. maí 2007
Tvær efstu þjóðirnar í hvorum riðli komast í undanúrslit. Þær þjóðir er lenda í þriðja sæti í riðlunum munu hinsvegar leika leik um fimmta sætið en sigur í þeim leik tryggir þátttöku á HM U17 sem fram fer í Suður Kóreu í ágúst og september
27. apríl 2007
Luka Kostic, landsliðsþjálfari U17 karla, hefur gert eina breytingu á landsliðshópnum er heldur til Belgíu á mánudaginn til að taka þátt í úrslitakeppni EM U17 karla. Dofri Snorrason kemur inn í hópinn í stað Kristins Steindórssonar sem er meiddur.
20. apríl 2007
Luka Kostic, landsliðsþjálfari U17 karla, hefur valið hópinn sem heldur til Belgíu til þess að taka þátt í úrslitakeppni EM U17 karla. Keppnin fer fram dagana 2. til 13. maí.
20. apríl 2007
Úrtaksæfingar verða hjá U19 karla um helgina og hafa landsliðsþjálfararnir Guðni Kjartansson og Kristinn Rúnar Jónsson valið alls 51 leikmenn til þessara æfinga. Hópnum er skipt í tvennt, leikmenn fædda 1988 og 1989
18. apríl 2007
Michel Platini, forseti UEFA, tilkynnti í dag að úrslitakeppni EM 2012 muni fara fram í Póllandi og Úkraínu. Þrjár umsóknir voru teknar fyrir við lokaákvörðunina en umsóknir Ítalíu og Ungverjalands/Króatíu hlutu ekki náð fyrir augum UEFA.
16. apríl 2007
Í gær skýrðist hvaða þjóðir munu leika hér á landi í úrslitakeppni EM U19 kvenna. Keppnin fer fram dagana 18. - 29. júlí og er leikið á sjö völlum hér á landi. Sjö þjóðir tryggðu sér farseðilinn til Íslands eftir keppni í milliriðlum.
11. apríl 2007
Kvennalandsliðið leikur vináttulandsleik við England 17. maí næstkomandi. Leikið verður á Roots Hall, heimavelli Southend United. Völlurinn tekur rétt tæplega 12.500 manns í sæti.
10. apríl 2007
Á morgun fer fram fyrsti leikur í riðli Íslands í undankeppni fyrir EM kvenna í Finnlandi 2009. Taka þá Frakkar á móti Grikkjum og verður Sigurður Ragnar Eyjólfsson, landsliðsþjálfari á meðal áhorfenda á leiknum.
10. apríl 2007
Úrslitakeppni EM U19 kvenna verður haldin hér á landi dagana 18. - 29. júlí. Milliriðlar keppninnar hófust í gær og á sunnudaginn verður ljóst hvaða sjö þjóðir mæta hingað til leiks í úrslitakeppnina.
4. apríl 2007
Í dag var dregið í riðla í úrslitakeppni EM U17 karla sem fram fer í Belgíu. Leikirnir fara fram dagana 2. - 13. maí. Fimm efstu þjóðirnar tryggja sér sæti á HM 2007 í Suður Kóreu.
4. apríl 2007
Í dag kl.10:45 verður dregið í riðla í úrslitakeppni EM U17 karla. Úrslitakeppnin fer fram í Belgíu. Átta þjóðir eru í pottinum og skiptast þær í tvo riðla. Hægt er að fylgjast með drættinum á www.uefa.com.
2. apríl 2007
Lúka Kostic, landsliðsþjálfari U17 karla, hefur valið 28 leikmenn til æfinga á næstu dögum. Æfingarnar fara fram á Fylkisvelli og í Fífunni, fimmtudag, föstudag og laugardag.
