Valmynd
Valmynd
1. apríl 2007
Í dag hefst riðlakeppni fyrir EM 2009 kvenna þegar að Írar taka á móti Hollandi. Fyrsti leikur Íslands verður leikinn í Grikklandi, 31. maí næstkomandi. Sigurvegarar riðlanna sex tryggja sér sæti í úrsllitakeppninni í Finnlandi 2009.
1. apríl 2007
Glæsilegur árangur hjá strákunum í U17 karla hefur vakið töluverða athygli víðsvegar um Evrópu. Tvö íslensk landslið taka þátt í úrslitakeppni EM á þessu ári en stúlkurnar í U19 kvenna leika í úrslitakeppni hér á landi í júlí.
28. mars 2007
Íslendingar biðu lægri hlut gegn gríðarsterku spænsku landsliði með marki á 80. mínútu. Hetjuleg barátta leikmanna íslenska liðsins dugði því miður aðeins of skammt og Spánverjar fögnuðu sigri
28. mars 2007
Eyjólfur Sverrisson, landsliðsþjálfari, hefur tilkynnt byrjunarliðið sem mætir Spánverjum í kvöld. Eyjólfur stillir upp í leikaðferðina 4-4-2 og mun Gunnar Þór Gunnarsson leika sinn fyrsta landsleik . Leikurinn hefst kl. 20:00 að íslenskum tíma og er sýndur í beinni útsendingu á sjónvarpsstöðinni Sýn.
28. mars 2007
Strákarnir í landsliðinu voru snemma á fótum í morgun og æfðu kl. 11:00 að staðartíma eða kl. 9:00 að íslenskum tíma í morgun. Það hefur rignt hressilega á sólareyjunni Mallorca í dag og ljóst að völlurinn verður vel vökvaður fyrir leikinn.
28. mars 2007
Íslendingar mæta Spánverjum í kvöld í undankeppni fyrir EM 2008. Leikurinn er í F-riðli og fer fram á Mallorca. Íslendingar hafa hlotið þrjú stig til þessa í riðlinum en Spánverjar hafa sex stig. Þetta er í tíunda skiptið sem þjóðirnar mætast.
26. mars 2007
Knattspyrnusambandinu bárust margar góðar kveðjur í tilefni af 60 ára afmælinu og á sólareyjunni Mallorca var afmælisins minnst. Þar eru landsliðsmennirnir á fullu í undirbúningi fyrir landsleikinn gegn Spánverjum, sem fram fer á miðvikudaginn.
24. mars 2007
Íslenska U17 landslið karla, undir stjórn Luka Kostic, tryggði sér í dag sæti í úrslitakeppni EM 2007 sem fram fer í Belgíu. Liðið tapaði ekki leik í milliriðlinum og lögðu ríkjandi Evrópumeistara Rússa í dag.
24. mars 2007
Fyrri hálfleikur Íslands og Rússlands í milliriðli fyrir EM hefur verið hreint með ólíkindum. Íslendingar leiða í hálfleik með fimm mörkum gegn engu gegn núverandi Evrópumeisturum í þessum aldursflokki. Kolbeinn Sigþórsson hefur skorað fjögur mörk.
24. mars 2007
Luka Kostic, landsliðsþjálfari U17 karla, hefur tilkynnt byrjunarliðið er mætir Rússum í dag kl. 15:00. Leikurinn er lokaleikur liðsins í milliriðli fyrir EM 2007 og er riðillinn leikinn í Portúgal. Með sigri eiga Íslendingar möguleika á að komast í úrslitakeppni EM 2007.
23. mars 2007
Á morgun, laugardaginn 24. mars leika strákarnir í U17 karla lokaleik sinn í milliriðli fyrir EM 2007. Leikið verður við Rússa kl. 15:00 og með sigri eru möguleikar Íslands um sæti úrslitakeppninni fyrir hendi.
23. mars 2007
Eyjólfur Sverrisson, landsliðsþjálfari, hefur þurft að gera breytingu á landsliðshóp sínum fyrir leikinn gegn Spánverjum 28. mars næstkomandi. Ármann Smári Björnsson, Brann, hefur verið valinn í hópinn í stað Gunnars Heiðars Þorvaldssonar.
21. mars 2007
Strákarnir í U17 gerðu sitt annað jafntefli í dag í milliriðli fyrir EM 2007. Leikið var við gestgjafana í Portúgal og lauk leiknum með markalausu jafntefli. Síðasti leikur Íslands er við Rússa á laugardaginn.
21. mars 2007
Eyjólfur Sverrisson hefur gert tvær breytingar á landsliðshóp sínum er mætir Spánverjum 28. mars næstkomandi. Þeir Hólmar Örn Rúnarsson Silkeborg og Indriði Sigurðsson, Lyn, koma inn í hópinn.
21. mars 2007
Í dag kl. 15:00 leikur U17 karla sinn annan leik í millirðili fyrir EM en leikið er í Portúgal. Mótherjarnir eru að þessu sinni heimamenn í Portúgal. Fyrsti leikur Íslendinga í riðlinum var gegn Norður Írum og lauk sá leik með jafntefli, 2-2.
19. mars 2007
Fyrsti leikur hjá U17 karlalandsliðinu í milliriðli fyrir EM 2007 fór fram í dag og voru andstæðingarnir Norður Írar. Leiknum lauk með jafntefli, 2-2, eftir að Íslendingar höfðu leitt, 2-0. Kolbeinn Sigþórsson skoraði bæði mörk íslenska liðsins.
19. mars 2007
Eyjólfur Sverrisson, landsliðsþjálfari, tilkynnti í dag 18 manna landsliðshóp sem leikur gegn Spáni miðvikudaginn 28. mars nk. Tveir nýliðar eru í hópnum að þessu sinni, þeir Gunnar Þór Gunnarsson Hammarby og Atli Jóhannsson KR.
19. mars 2007
Í dag kl. 14:00 mun Eyjólfur Sverrisson, landsliðsþjálfari, tilkynna landsliðshóp sinn er mætir Spánverjum á Mallorca 28. mars næstkomandi. Leikurinn er í F riðli í undankeppni fyrir EM 2008. Þjóðirnar hafa báðar þrjú stig, Ísland eftir fjóra leiki en Spánverjar eftir þrjá.
