Valmynd
Valmynd
16. febrúar 2007
Úrtakshópar KSÍ karla og kvenna munu leika fjóra vináttuleiki gegn úrvalsliðum Møre og Romsdal fylkis í Noregi í næstu viku. Freyr Sverrisson og Kristrún Lilja Daðadóttir hafa hvort um sig valið tvo úrtakshópa til að leika sitt hvorn leikinn.
15. febrúar 2007
Mánudaginn 19. febrúar næstkomandi verður dregið í riðlakeppni Evrópukeppni U17 og U19 kvenna. Dregið verður í Nyon í Sviss. Þetta er í fyrsta skiptið sem Evrópukeppni U17 kvenna fer fram.
14. febrúar 2007
Nýr FIFA styrkleikalisti karla var birtur í dag og er Ísland í 95. sæti listans. Eftir að hafa verið á toppi listans í 55 mánuði samfleytt, detta Brasilíumenn niður í annað sætið. Heimsmeistarar Ítala smella sér á toppinn í fyrsta sinn síðan 1993.
13. febrúar 2007
Sigurður Ragnar Eyjólfsson, landsliðsþjálfari kvenna í knattspyrnu, hefur valið leikmenn til æfinga. Æft verður helgina 17. og 18. febrúar og fara æfingarnar fram í Akraneshöllinni og Eglishöllinni.
13. febrúar 2007
Í dag var dregið í riðla fyrir riðlakeppni EM U21 karla 2007-2009. Úrslitakeppnin fer fram í Svíþjóð og af því tilefni var dregið í Stokkhólmi. Ísland var í þriðja styrkleikaflokki og lenti í riðli með Belgíu, Slóvakíu, Austurríki og Kýpur.
7. febrúar 2007
Þriðjudaginn 13. febrúar verður dregið í riðla fyrir EM 2007-2009 hjá U21 karla en úrslitakeppnin fer fram í Svíþjóð. Ísland er í þriðja styrkleikaflokki en alls verða 51 þjóð í pottinum.
6. febrúar 2007
Um helgina fara fram fjölmargar úrtaksæfingar hjá yngri landsliðum karla. Um er að ræða U16, U17 og U19 karla sem verða á ferðinni um helgina. Alls hafa 146 leikmenn verið boðaðir á þessar æfingar.
2. febrúar 2007
Í dag gerði KSÍ samning við Knattspyrnusamband Kanada um að þjóðirnar leiki vináttulandsleik á Laugardalsvelli 22. ágúst næstkomandi. Þetta er í fyrsta skiptið sem þjóðrnar mætast í landsleik í knattspyrnu.
30. janúar 2007
Úrtaksæfing fyrir U16/U17 landslið karla fer fram í Fjarðabyggð sunnudaginn 4. febrúar næstkomandi. Á æfinguna hafa verið boðaðir vel á þriðja tug leikmanna frá félögum á Austurlandi.
29. janúar 2007
Úrtaksæfingar fyrir U16 landslið karla fara fram í Boganum á Akureyri laugardaginn 3. febrúar. Alls hafa tæplega 30 leikmenn verið boðaðir á æfingarnar, frá félögum á Norðurlandi.
29. janúar 2007
Vel á sjötta tug leikmanna frá félögum víðs vegar af landinu hafa verið boðaðir á úrtaksæfingar U17 og U19 landsliða kvenna sem fram fara dagana 3. og 4. febrúar. Æft verður í Egilshöll, Fífunni og Akraneshöll.
25. janúar 2007
Úrtaksæfingar verða um helgina hjá U19 karla um helgina og verða þær undir stjórn landsliðsþjálfarana Guðna Kjartanssonar og Kristins Rúnars Jónssonar. Æft verður í knattspyrnuhúsinu Fífunni.
23. janúar 2007
Luka Kostic, landsliðsþjálfari , hefur valið landsliðshópa fyrir úrtaksæfingar hjá U17 karla. Um tvo hópa er að ræða, þ.e. leikmenn fædda árið 1990 annarsvegar og leikmenn fædda 1991 hinsvegar.
22. janúar 2007
KSÍ hefur komist að samkomulagi við enska knattspyrnusambandið um landsleik á milli kvennalandsliða þjóðanna. Leikið verður ytra þann 17. maí næstkomandi. Ekki er búið að staðfesta á hvaða velli verður leikið en það verður tilkynnt í febrúar.
22. janúar 2007
Landslið kvenna U19 mun leika vináttulandsleik við Svíþjóð 18. júní næstkomandi og verður leikið ytra. Leikurinn er lokaleikur liðsins fyrir úrslitakeppni EM hjá U19 kvenna sem hefst hér á landi 18. júlí.
20. janúar 2007
Stjórn KSÍ ákvað á fundi sínum 13. janúar sl. að jafna dagpeningagreiðslur til karla- og kvennalandsliðsins. Jafnframt var ákveðið að kvennalandsliðið fái 10 m. kr. afreksstyrk komist liðið í úrslitakeppni EM 2009.
18. janúar 2007
Úrslitakeppni EMU19 kvenna hefst þann 18. júlí, eftir nákvæmlega 6 mánuði. Milliriðlar fyrir úrslitakeppnina fara fram í apríl og í lok maí verður dregið í riðla við hátíðlega athöfn í Reykjavík
15. janúar 2007
Úrtaksæfingar verða um helgina hjá U17 kvenna og U19 kvenna um helgina. Landsliðsþjálfararnir, Kristrún Lilja Daðadóttir og Ólafur Þór Guðbjörnsson, hafa valið hópa fyrir þessar æfingar.
