Valmynd
Valmynd
10. ágúst 2018
U16 ára lið karla mætir Finnlandi í úrslitaleik Norðurlandamótsins í dag. Leikurinn hefst klukkan 13:30 að íslenskum tíma og fer hann fram í Þórshöfn í Færeyjum. Leikurinn verður sýndur í beinni útsendingu á heimasíðu færeyska knattspyrnusambandsins.
9. ágúst 2018
U16 ára lið karla vann í dag 2-1 sigur gegn Noregi í síðasta leik riðlakeppni Norðurlandamótsins og komst með sigrinum í úrslitaleikinn sjálfan! Frábær árangur hjá strákunum. Það voru þeir Ísak Bergmann Jóhannesson og Kristall Máni Ingason sem skoruðu mörk Íslands.
9. ágúst 2018
U16 ára lið karla mætir í dag Noregi í síðasta leik liðsins í riðlakeppni Norðurlandamótsins, en liðin eru bæði með fullt hús stiga. Með sigri kemst Ísland í úrslitaleikinn. Leikurinn hefst klukkan 18:00 að íslenskum tíma, en mótið fer fram í Færeyjum.
8. ágúst 2018
Svíinn Erik Hamrén var í dag kynntur sem nýr landsliðsþjálfari A landsliðs karla, en hann tekur við af Heimi Hallgrímssyni sem lét af störfum eftir HM í Rússlandi. Freyr Alexandersson var á sama tíma kynntur sem aðstoðarmaður hans. Samningar þeirra eru til tveggja ára.
7. ágúst 2018
U16 ára lið karla vann í dag góðan 3-0 sigur gegn Kína á opna Norðurlandamótinu, en leikið er í Færeyjum. Mörk Íslands skoruðu Eyþór Aron Wöhler og Andri Fannar Baldursson. Þriðja mark leiksins var sjálfsmark.
7. ágúst 2018
KSÍ hefur opnað fyrir umsóknir um miða á útileiki íslenska karlalandsliðsins í haust, jafnt leiki liðsins í Þjóðadeildinni og vináttuleik gegn Frakklandi.
7. ágúst 2018
U16 ára lið karla leikur annan leik sinn á Norðurlandamótinu í þegar það mætir Kína, en leikurinn hefst klukkan 11:00 að íslenskum tíma.
5. ágúst 2018
U16 ára lið karla vann 2-1 sigur gegn Færeyjum í fyrsta leik liðsins á Norðurlandamótinu, en leikið er í Færeyjum. Það voru þeir Kristall Máni Ingason og Oliver Stefánsson sem skoruðu mörk Íslands.
3. ágúst 2018
U16 ára lið karla mætir á sunnudag Færeyjum í fyrsta leik sínum á Norðurlandamótinu, en mótið fer að þessu sinni fram í Færeyjum. Leikurinn hefst klukkan 16:00 að íslenskum tíma.
31. júlí 2018
U19 ára lið kvenna mætir Noregi og Svíþjóð í tveimur vináttuleikjum í lok Noregs. Fyrri leikurinn fer fram 29. ágúst í Larvik gegn Noregi og sá síðari 31. ágúst í Sandefjord gegn Svíþjóð. Hefjast báðir leikirnir klukkan 16:00 að íslenskum tíma.
30. júlí 2018
Þorlákur Árnason, landsliðsþjálfari U15 karla, hefur valið hópinn sem mætir úrvalsliði frá Peking og Hong Kong í ágúst, en leikirnir fara fram 11. og 13. ágúst.
24. júlí 2018
Davíð Snorri Jónasson, þjálfari U16 landsliðs karla, hefur valið 18 manna hóp Íslands fyrir Norðurlandamótið sem fram fer í Færeyjum 3.-12. ágúst næstkomandi.
21. júlí 2018
Ísland og Lettland gerðu 1-1 jafntefli í vináttuleik U18 landslið karla sem fram fór í Riga í morgun. Flott frammistaða hjá strákunum í tveimur vináttuleikjum við Letta, 2-0 sigur í fyrri leiknum á fimmtudag og 1-1 jafntefi í þeim seinni.
19. júlí 2018
U18 landslið karla vann í dag góðan tveggja marka sigur á Lettum í vináttuleik sem fram fór í Lettlandi. Bæði mörk íslenska liðsins voru skoruð í fyrri hálfleik. Liðin mætast að nýju á laugardag.
18. júlí 2018
U18 landslið karla mætir Lettum í tveimur vináttuleikjum í vikunni og fara báðir leikirnir fram í Riga. Fyrri leikurinn er fimmtudaginn 19. júlí kl. 14:00 og seinni leikurinn laugardaginn 21 júlí kl. 08:00 (íslenskur tími).
17. júlí 2018
KSÍ getur nú staðfest að Heimir Hallgrímsson verður ekki áfram þjálfari A landsliðs karla. Sem kunnugt er urðu aðilar ásáttir um að gefa sér góðan tíma til að meta stöðuna í aðdraganda úrslitakeppni HM 2018, og taka upp þráðinn að móti loknu. Niðurstaðan er sú að Heimir hættir með liðið.
10. júlí 2018
Þorvaldur Örlygsson, landsliðsþjálfari U18 ára landsliðs karla, hefur valið hópinn sem mætir Lettlandi í vináttulandsleikjum 19. og 21. júlí.
8. júlí 2018
U16 ára lið kvenna tryggði sér í dag þriðja sætið á Norðurlandamótinu með sigri á Hollandi í vítaspyrnukeppni. Staðan var markalaus eftir venjulegan leiktíma, en strax var gripið til vítaspyrnukeppni þar sem Ísland sigraði.
