Valmynd
Valmynd
7. júlí 2018
U16 ára lið kvenna mætir á sunnudag Hollandi í leik um þriðja sætið á Norðurlandamótinu, en leikið er í Noregi. Leikurinn hefst klukkan 11:00 að íslenskum tíma.
6. júlí 2018
U16 ára lið kvenna vann 1-0 sigur gegn Englandi í síðasta leik liðsins í riðlakeppni Norðurlandamótsins. Stelpurnar mæta því Hollandi á sunnudaginn í leik um 3. sætið.
6. júlí 2018
U16 ára lið kvenna mætir Englandi í dag, en um er að ræða síðasta leik riðlakeppninnar og kemur í ljós eftir hann um hvaða sæti liðið spilar um á sunnudaginn. Leikurinn hefst klukkan 16:30, en leikið er í Noregi.
4. júlí 2018
U16 ára lið kvenna vann frábæran 2-1 sigur á Þýskalandi í dag á Norðurlandamótinu, en leikið er í Noregi. Þetta er í fyrsta sinn sem Ísland vinnur Þýskaland í þessum aldursflokki. Það var Ólöf Sigríður Kristinsdóttir sem skoraði bæði mörk Íslands. Frábær árangur hjá stelpunum!
4. júlí 2018
A landslið karla leikur vináttulandsleik gegn Frakklandi, fimmtudaginn 11. október næstkomandi, og verður leikið í Guingamp. Leikurinn er liður í undirbúningi Íslands fyrir leikinn gegn Sviss í Þjóðadeild UEFA þann 15. október. Þetta verður í 13. skiptið sem þessar þjóðir mætast hjá A landsliði karla og hafa Frakkar unnið 9 leiki og 3 sinnum hefur orðið jafntefli.
4. júlí 2018
U16 ára lið kvenna mætir í dag Þýskalandi í öðrum leik liðanna á Norðurlandamótinu. Leikurinn hefst klukkan 13:00 að íslenskum tíma, en leikið er í Noregi.
2. júlí 2018
U16 ára lið kvenna tapaði 0-2 gegn Svíþjóð í fyrsta leik liðsins á Norðurlandamótinu, en leikið er í Noregi. Ísland mætir Þýskalandi í næsta leik liðsins á mótinu á miðvikudaginn, en leikurinn hefst klukkan 13:00 að íslenskum tíma.
2. júlí 2018
U16 ára lið kvenna leikur í dag fyrsta leik sinn á Norðurlandamótinu þegar það mætir Svíþjóð. Leikurinn hefst klukkan 13:00 að íslenskum tíma, en leikið er í Noregi.
29. júní 2018
Stelpurnar í U16 kvenna halda til Noregs um helgina en á mánudag hefst þar Norðurlandamót U16 kvenna. Fyrsti leikur verður gegn Svíum, mánudaginn 2. júlí.
29. júní 2018
Landsliðsþjálfararnir, Davíð Snorri Jónasson og Þorvaldur Örlygsson, hafa tilkynnt hópa fyrir úrtaksæfingar sem fara fram helgina 6. og 7. júlí. Æfingarnar fara fram á æfingasvæði Fram í Safamýri.
26. júní 2018
Ísland tapaði 1-2 gegn Króatíu í síðasta leik liðsins á HM í Rússlandi. Strákarnir sköpuðu sér fjölda færa og voru grátlega nálægt því að taka öll þrjú stigin. Það var Gylfi Þór Sigurðsson sem skoraði mark Íslands af vítapunktinum á 76. mínútu.
26. júní 2018
Ísland mætir Króatíu í þriðja, og síðasta, leik sínum í riðlakeppni HM 2018. Leikurinn fer fram í Rostov-on-Don og hefst klukkan 18:00 að íslenskum tíma.
21. júní 2018
A landslið karla tapaði 0-2 fyrir Nígeríu í öðrum leik sínum í riðlakeppni HM 2018, en leikið var í Volgograd.
21. júní 2018
A landslið karla mætir Nígeríu í dag, en um er að ræða annan leik liðsins á HM í Rússlandi. Leikurinn fer fram á Volgograd Arena og hefst klukkan 15:00 að íslenskum tíma. Byrjunarlið Íslands er tilbúið.
21. júní 2018
A landslið karla æfir í dag á vellinum þar sem leikur liðsins gegn Nígeríu á morgun fer fram, Volgograd Arena. Eftir æfinguna verður haldinn blaðamannafundur og sitja þar Heimir Hallgrímsson og Aron Einar Gunnarsson fyrir svörum.
16. júní 2018
Ísland gerði 1-1 jafntefli gegn Argentínu í fyrsta leik liðsins á HM í Rússlandi. Sergio Aguero kom Argentínumönnum yfir á 19. mínútu, en fjórum mínútum síðar jafnaði Alferð Finnbogason og þar við sat. Hannes Þór Halldórsson varði frábærlega vítaspyrnu frá Lionel Messi í síðari hálfleik.
15. júní 2018
A landslið karla mætir Argentínu í dag í fyrsta leik liðanna á HM 2018 í Rússlandi, en eins og alþjóð veit þá er um að ræða fyrsta leik Íslands í úrslitakeppni HM í knattspyrnu frá upphafi. Leikurinn hefst klukkan 13:00 að íslenskum tíma og fer fram á Spartak vellinum í Moskvu.
15. júní 2018
Jörundur Áki Sveinsson, landsliðsþjálfari U16 kvenna, hefur valið hópinn sem fer á Norðurlandamót kvenna sem fram fer í Hamar í Noregi 1. - 9. júlí 2018.
