Valmynd
Valmynd
28. febrúar 2011
Um komandi helgi verða æfingar hjá U17 og U19 kvenna og fara þær fram í Egilshöllinni og Kórnum.  Landsliðsþjálfararnir, Þorlákur Árnason og Ólafur Þór Guðbjörnsson, hafa valið leikmenn fyrir þessar æfingar og má sjá hópana hér að neðan.
25. febrúar 2011
Sigurður Ragnar Eyjólfsson, landsliðsþjálfari, hefur gert eina breytingu á landsliðshóp sínum sem tekur þátt á Algarve Cup nú í byrjun mars. Rakel Logadóttir kemur inn í hópinn í stað Guðnýjar Bjarkar Óðinsdóttur sem á við meiðsli að stríða.
24. febrúar 2011
Knattspyrnusamband Íslands hefur gert samning við Prozone um leikgreiningu á landsleikjum Íslands næstu 2 árin. Samningurinn felur í sér að Prozone leikgreinir 60 leiki á ári , næstu tvö árin, sem KSÍ óskar eftir að séu leikgreindir.
21. febrúar 2011
Um komandi helgi verða æfingar hjá U17 og U19 kvenna og fara þær fram í Kórnum og Egilshöll. Landsliðsþjálfararnir, Þorlákur Árnason og Ólafur Þór Guðbjörnsson, hafa valið leikmenn fyrir þessar æfingar.
16. febrúar 2011
Sigurður Ragnar Eyjólfsson, landsliðsþjálfari, hefur valið 20 leikmenn til að leika á hinu sterka Algarve Cup sem fer fram dagana 2. - 9. mars næstkomandi.  Mótherjar Íslendinga í riðlakeppninni eru að þessu sinni: Svíþjóð, Kína og Danmörk.
15. febrúar 2011
Um komandi helgi verða æfingar hjá U17 karla og verða tveir hópar við æfingar þessa helgi. Gunnar Guðmundsson, landsliðsþjálfari U17 karla, hefur valið leikmenn fyrir þessar æfingar en þær verða í Fífunni, Kórnum og Egilshöll.
8. febrúar 2011
Um komandi helgi verða öll kvennalandsliðin við æfingar og hafa landsliðsþjálfararnir, Þorlákur Árnason, Ólafur Þór Guðbjörnsson og Sigurður Ragnar Eyjólfsson, valið leikmenn á þessar æfingar.  Tveir hópar verða á ferðinni hjá U17 kvenna en hópana má sjá hér að neðan.
3. febrúar 2011
Í dag verður dregið í undankeppni EM 2013 hjá U21 karla en dregið verður í höfuðstöðvum UEFA í Sviss.  Úrslitakeppnin fer fram að þessu sinni í Ísrael 2013.  Þjóðirnar verða 52 í hattinum og verða þær dregnar í 10 riðla.  Tveir riðlanna verða skipaðir 6 liðum og átta riðlar verða með 5 lið.
3. febrúar 2011
Í dag var dregið í riðla í undankeppni EM 2013 hjá U21 karla og fór drátturinn fram í höfuðstöðvum UEFA.  Ísland er í riðli 8 ásamt Englandi, Belgíu, Noregi og Aserbaídsjan.  Keppnin hefst núna í haust en leikdagar verða tilbúnir fljótlega.
1. febrúar 2011
Landsliðsþjálfararnir, Gunnar Guðmundsson og Kristinn R. Jónsson, hafa valið leikmenn til æfinga um komandi helgi hjá U17 og U19 karla.  Tveir hópar verða á ferðinni hjá U17 karla en æfingarnar verða í Kórnum og í Egilshöllinni.
27. janúar 2011
Miðasala á leiki úrslitakeppni EM U21 karla er hafin en þar er Ísland á meðal átta þátttökuþjóða.  Mótið fer fram dagana 11. – 25. júní og leikur Ísland í A riðli.  Leikir A riðils fara fram í Árósum og Álaborg. Hægt er að panta miða á leiki Íslands hjá KSÍ og skal senda pantanir á ragnheidur@ksi.is fyrir 1. mars nk. til að tryggja miða.
27. janúar 2011
Knattspyrnusambönd Íslands og Englands hafa komist að samkomulagi um að karlalandslið þjóðanna, skipuð leikmönnum 21 árs og yngri, leiki vináttulandsleik mánudaginn 28. mars næstkomandi.  Leikurinn mun fara fram í Englandi á heimavelli Preston North End
27. janúar 2011
Á hinni umfangsmiklu heimasíðu UEFA má nú finna viðtal við formann KSÍ, Geir Þorsteinsson, en þar ræðir hann um árangur U21 karla og þróun ungra leikmanna.  Árangur U21 karlalandsliðsins hefur vakið athygli víða og ljóst að margir bíða spenntir eftir því að úrslitakeppnin hefjist í Danmörku 11. júní næstkomandi.
25. janúar 2011
Á sjöunda tug leikmanna frá félögum víðs vegar af landinu hafa verið boðaðir á landsliðsæfingar um næstu helgi í Kórnum í Kópavogi og Egilshöll í Reykjavík. Öll þrjú kvennalandsliðin eru á æfingum.
24. janúar 2011
Lokaumferð riðilsins í forkeppni EM í Futsal sem fram fer að Ásvöllum í Hafnarfirði verður leikin í dag.  Fyrri leikur dagsins er viðureign Letta og Armena og hefst sá leikur kl. 17:30.  Ísland mætir Grikklandi kl. 19:00 og verður sá leikur í beinni vefútsendingu á Haukar TV.
24. janúar 2011
Íslendingar mæta í kvöld Grikkjum í lokaleik liðsins í forkeppni EM 2012 en leikið er á Ásvöllum. Leikurinn hefst kl. 19:00 en á undan, kl. 16:30, leika Armenar og Lettar. Íslendingar tryggja sér annað sæti riðilsins með sigri á Grikkjum.
24. janúar 2011
Lettar luku keppni í riðlinum í forkeppni EM í Futsal sem fram fer að Ásvöllum með fullt hús stiga, eftir 2-1 sigur á Armenum, sem létu lettneska liðið svo sannarlega hafa fyrir sigrinum og börðust af miklum krafti allan leikinn.  Lettland leikur í undankeppninni í febrúar.
24. janúar 2011
Ísland hafnaði í 2. sæti riðilsins í forkeppni EM 2012 í Futsal, sem leikinn var að Ásvöllum.  Sigur gegn Grikkjum í dag, mánudag, þýddi að íslenska liðið lauk keppni með 6 stig.  Lettar unnu sigur í riðlinum með fullt hús, en Grikkir og Armenar fengu eitt stig hvort lið.
