Valmynd
Valmynd
14. nóvember 2008
Ólafur Jóhannesson, landsliðsþjálfari, hefur gert breytingu á landsliðshóp sínum er mætir Möltu í vináttulandsleik þann 19. nóvember næstkomandi. Davíð Þór Viðarsson úr FH kemur inn í hópinn í stað Hallgríms Jónassonar sem er meiddur.
14. nóvember 2008
100 leikmenn léku landsleiki með yngri landsliðum karla á árinu sem er að líða. Nokkrir leikmenn léku með tveimur landsliðum á árinu og eru þetta 100 leikmenn sem léku með þessum 3 liðum á árinu og koma þeir úr 24 íslenskum félögum
14. nóvember 2008
Ljóst er að aldrei hafa landslið Íslands leikið fleiri landsleiki heldur en á þessu ári sem senn tekur enda. Öll landslið Íslands hafa leikið 64 landsleiki það sem af er árinu og á eftir að spila þann 65. en það er vináttulandsleikur Möltu og Íslands.
13. nóvember 2008
Ólafur Jóhannesson, landsliðsþjálfari karla, hefur gert eina breytingu á landsliðshóp sínum fyrir vináttulandsleikinn gegn Möltu þann 19. nóvember næstkomandi. Eggert Gunnþór Jónsson úr Hearts kemur inn í hópinn í stað Grétars Rafns Steinssonar.
12. nóvember 2008
Íslenska karlalandsliðið fer upp um 21 sæti á nýjum styrkleikalista FIFA er birtur var í dag. Ísland er nú í 82. sæti listans en Spánverjar tróna á toppi listans sem fyrr og Þjóðverjar koma þar á eftir.
11. nóvember 2008
Ólafur Jóhannesson, landsliðsþjálfari, tilkynnti í dag landsliðshópinn sem heldur til Möltu og leikur þar vináttulandsleik miðvikudaginn 19. nóvember. Einn nýliði er í hópnum að þessu sinni en það er Garðar Jóhannsson leikmaður með Fredrikstad í Noregi.
10. nóvember 2008
Þau Kristrún Lilja Daðadóttir og Ólafur Þór Guðbjörnsson, landsliðsþjálfarar U17 og U19 kvenna, hafa valið leikmenn til æfinga um komandi helgi. Æfingarnar fara fram í Kórnum og í Egilshöllinni og má sjá æfingahópana hér að neðan.
7. nóvember 2008
Sporthúsið hefur ákveðið að gefa 40 manna æfingahópi A-landsliðs kvenna og starfsmönnum liðsins árskort í líkamsrækt. Katrín Jónsdóttir fyrirliði A-landsliðs kvenna veitti þessari gjöf móttöku í frá Þresti Jóni Sigurðssyni eiganda Sporthússins.
7. nóvember 2008
Mótshaldarar EM kvenna 2009 sem fram fer í Finnlandi óska eftir sjálfboðaliðum til þess að starfa í kringum mótið. Leikið verður í fjórum borgum í Finnlandi, Helsinki, Lahti, Turku og Tampere. Mótið fer fram dagana 23. ágúst til 10. september.
5. nóvember 2008
Valdir hafa verið æfingahópar til æfinga um helgina og fara fram æfingar hjá U17 og U19 karla. Landsliðsþjálfararnir Luka Kostic og Kristinn R. Jónsson hafa valið leikmenn til þessara æfinga.
3. nóvember 2008
A-landslið kvenna mun leika í efri styrkleikaflokki á Algarve Cup 2009, sem fram fer í Portúgal í byrjun mars á næsta ári. Þetta þýðir að stelpurnar okkar munu leika gegn nokkrum af sterkustu landsliðum heims.
30. október 2008
Í kvöld fer fram einn allra mikilvægasti leikur íslenskrar knattspyrnusögu þegar Íslendingar taka á móti Írum á Laugardalsvelli. Leikurinn er seinni leikur þjóðanna í umspili fyrir úrslitakeppni EM 2009 sem fram fer í Finnlandi. Fyrri leiknum lauk með jafntefli, 1-1 og því ljóst að sigurvegarinn í kvöld tryggir sér sæti í úrslitakeppninni á næsta ári.
30. október 2008
Fyrir viðureign Íslands og Írlands í umspili EM kvenna 2009 verður gefin út leikskrá með ýmsum áhugaverðum og gagnlegum upplýsingum. Leikskráin verður seld við innganginn á Laugardalsvelli fyrir leik og kostar aðeins kr. 500
30. október 2008
Boðið verður upp á andlitsmálun fyrir viðureign Íslands og Írlands í dag á Laugardalsvelli. Leikurinn hefst kl. 18:10 og er um að gera að mæta tímanlega og láta mála íslenska fánann á kinnina og ennið.
30. október 2008
Í nepjunni í Laugardalnum í kvöld tryggði íslenska kvennalandsliðið sér sæti í úrslitakeppni EM 2009 sem fram fer í Finnlandi. Frábær 3-0 sigur staðreynd og á köldum Laugardalsvelli var stiginn trylltur stríðdans í leikslok. Ísland er komið á EM!
29. október 2008
Sigurður Ragnar Eyjólfsson, landsliðsþjálfari, tilkynnti í dag á blaðamannafundi hópinn fyrir leikinn gegn Írum sem fram fer á Laugardalsvelli á morgun, fimmtudaginn 30. október kl. 18:10.
29. október 2008
Miðasala á Laugardalsvelli hefst kl. 12:00 á morgun, fimmtudaginn 30. október, á leik Íslands og Írlands í umspili fyrir úrslitakeppni EM 2009. Miiðinn kostar 1.000 krónur en frítt er inn fyrir börn 16 ára og yngri. Ekki er selt í númeruð sæti og er sætaval því frjálst.
29. október 2008
Sigurður Ragnar Eyjólfsson, landsliðsþjálfari, hefur tilkynnt byrjunarliðið fyrir leikinn gegn Írum á morgun. Leikurinn hefst kl. 18:10 á Laugardalsvelli og eru allir er vettlingi geta valdið hvattir til þess að mæta á þennan stórleik.
