Valmynd
Valmynd
28. október 2008
Dómarar leiksins á fimmtudaginn koma frá Þýskalandi. Með flautuna verður Christine Beck og henni til aðstoðar löndur hennar Moiken Reichert Jung og Marina Wozniak. Fjórði dómari leiksins verður Oddbergur Eiríksson.
28. október 2008
Vegna umfjöllunar í fjölmiðlum um hvort til standi að fresta viðureign kvennalandsliða Íslands og Írlands vill KSÍ að fram komi að leikdagurinn, leiktíminn og leikstaðurinn stendur - fimmtudagurinn 30. október kl. 18:10 á Laugardalsvelli.
28. október 2008
Handhafar A-passa frá KSÍ fá aðgöngumiða á leikinn Ísland - Írland afhenta miðvikudaginn 29. október frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis.
28. október 2008
Sem fyrr þá hefur Sigurður Ragnar Eyjólfsson, landsliðsþjálfari kvenna, þann háttinn á að hann sýnir stelpunum myndbönd fyrir leikina. Myndbandið sem Sigurður Ragnar sýndi stelpunum fyrir Íraleikinn ytra kallar hann "Hver er ég?".
28. október 2008
Ólafur Þór Guðbjörnsson og Kristrún Lilja Daðadóttir, landsliðsþjálfarar U19 og U17 kvenna, hafa valið leikmenn til æfinga sem fram fara um komandi helgi. Æfingarnar fara fram í Kórnum.
26. október 2008
Jafntefli varð niðurstaðan í fyrir umspilsleik Írlands og Íslands en leikið var í Dublin í dag. Lokatölur urðu 1-1 eftir að íslenska liðið komst yfir á fyrstu mínútu leiksins og leiddu í hálfleik. Írar jöfnuðu á 64. mínútu og þar við sat.
26. október 2008
Næstkomandi fimmtudag, 30. október, fer fram á Laugardalsvelli mikilvægasti leikur íslensks knattspyrnulandsliðs kvenna frá upphafi. Félög eru beðin um að hvetja yngri iðkendur að fjölmenna á völlinn.
25. október 2008
Eins og kunnugt er fer fram leikur Írlands og Íslands á morgun í umspili fyrir sæti í úrslitakeppni EM 2009. Um er að ræða fyrri leik þjóðanna en sá síðari fer fram á Laugardalsvelli, fimmtudaginn 30. október kl. 18:10.
25. október 2008
Sigurður Ragnar Eyjólfsson, landsliðsþjálfari, hefur tilkynnt byrjunarlið sitt er mætir Írum í Dublin. Þetta er fyrri leikur þjóðanna í umspili um sæti í úrslitakeppni EM 2009. Seinni leikurinn fer fram á Laugardalsvelli, fimmtudaginn 30. október kl. 18:10.
24. október 2008
Landsliðið hélt utan í gær til Dublin þar sem liðið leikur fyrri leikinn í umspili um sæti í úrslitakeppni EM kvenna 2009. Æft var í Reykjaneshöllinni í gær og flogið síðar um daginn til Írlands.
23. október 2008
Í dag opnaði miðasala á leik Íslands og Írlands í umspili fyrir úrslitakeppni EM kvenna 2009. Leikurinn fer fram á Laugardalsvelli, fimmtudaginn 30. október kl. 18:10. Miðaverð er 1.000 krónur og er selt í ónúmeruð sæti. Frítt er inn fyrir 16 ára og yngri.
22. október 2008
Sigurður Ragnar Eyjólfsson, landsliðsþjálfari, hefur valið 18 leikmenn er halda til Írlands á morgun til að leika í umspili fyrir úrslitakeppni EM 2009. Leikið verður á Richmond Park, sunnudaginn 26. október kl. 15:00.
21. október 2008
Úrtaksæfingar fara fram um komandi helgi hjá U17 karla og U19 karla en landsliðsþjálfararnir, Lúka Kostic og Kristinn R. Jónsson, hafa valið leikmenn til æfinga um helgina.
20. október 2008
Kvennalandsliðið undirbýr sig nú af krafti undir umspilsleikina gegn Írum en fyrri leikurinn fer fram í Dublin næstkomandi sunnudag. Liðið heldur utan nú á fimmtudaginn en seinni leikurinn fer svo fram hér á Laugardalsvelli kl. 18:10, fimmtudaginn 30.október.
16. október 2008
Strákarnir í U19 leika í dag lokaleik sinn í undankeppni EM en riðillinn er leikinn í Makedóníu. Heimamenn eru mótherjarnir í dag og hefst leikurinn kl. 12:00 að íslenskum tíma.
16. október 2008
Sigurður Ragnar Eyjólfsson, landsliðsþjálfari, tilkynnti í dag hóp sinn fyrir umspilsleikina gegn Írum síðar í þessum mánuði. Sigurður Ragnar valdi 23 leikmenn í hópinn en leikið verður 26. október í Dublin og 30. október á Laugardalsvelli.
16. október 2008
Strákarnir í U19 liðinu töpuðu gegn Makedóníu í dag í undankeppni EM en leikið var í Makedóníu. Lokatölur urðu 1-0 fyrir heimamennn eftir að markalaust hafði verið í hálfleik.
15. október 2008
Fyrir viðureign Íslands og Makedóníu í undankeppni HM 2010 í dag verður gefin út leikskrá með ýmsum áhugaverðum og gagnlegum upplýsingum. Leikskráin verður seld við innganginn á Laugardalsvelli fyrir leik og kostar aðeins kr. 500.
