Valmynd
Flýtileiðir
Valmynd
15. október 2008
Ísland lagði Makedóníu í kvöld í undankeppni HM 2010. Leikið var á Laugardalsvelli og Veigar Páll Gunnarsson skoraði eina mark leiksins á 16. mínútu leiksins. Íslendingar fór með þessu upp í þriðja sæti riðilsins með jafnmörg stig og Skotar sem eru í öðru sæti.
15. október 2008
Fyrir viðureign Íslands og Makedóníu í undankeppni HM 2010 í dag verður gefin út leikskrá með ýmsum áhugaverðum og gagnlegum upplýsingum. Leikskráin verður seld við innganginn á Laugardalsvelli fyrir leik og kostar aðeins kr. 500.
14. október 2008
Alþjóðahús fer í næstu dögum af stað með námskeið sem ætlað er að stuðla að aukinni þátttöku barna og unglinga af erlendum uppruna í knattspyrnu. Námskeiðið er sniðið sérstaklega að þjálfurum og starfsfólki íþróttafélaga. Aðgangur er ókeypis.
14. október 2008
Í dag er síðasti dagur forsölu á leik Íslands og Makedóníu sem fram fer á morgun, miðvikudaginn 15. október. Leikið er á Laugardalsvelli kl. 18:00 en leikurinn er liður í undankeppni HM 2010. Miðasala fer fram á netinu en miðaverð hækkar um 500 krónur á leikdag.
14. október 2008
Knattspyrnudeild HK auglýsir eftir aðstoðarþjálfara fyrir 4. flokk karla. HK leitar að einstaklingi með reynslu af þjálfun sem er tilbúinn að leggja sitt af mörkum við að efla starf knattspyrnu­deildarinnar.
13. október 2008
Strákarnir í U19 karla lágu fyrir Austurríkismönnum í öðrum leik liðsins í undankeppni EM en leikið er í Makedóníu. Austurríkismenn sigruðu með þremur mörkum gegn engu eftir að hafa haft tveggja marka forystu í hálfleik.
13. október 2008
Strákarnir í U19 leika sinn annan leik í undankeppni EM í dag þegar þeir mæta Austurríkismönnum kl. 12:00. Riðillinn er leikinn í Makedóníu. Kristinn R. Jónsson hefur tilkynnt byrjunarliðið fyrir leikinn í dag.
12. október 2008
Stelpurnar í U17 kvenna léku lokaleik sinn í dag í undankeppni EM hjá U17 kvenna en leikið var á Ítalíu. Mótherjarnir voru frá Aserbaídsjan og urðu úrslitin markalaust jafntefli. Frakkar urðu efstir í riðlinum.
11. október 2008
Noel King, landsliðsþjálfari írska kvennalandsliðsins, hefur valið 21 leikmann í hóp sinn er mætir Íslendingum í tveimur umspilsleikjum, 26. október og 30. október. Fyrri leikurinn verður í Dublin en sá síðari á Laugardalsvelli.
11. október 2008
Í dag kl. 18:45 hefst leikur Hollands og Íslands í undankeppni HM 2010 og er leikið á De Kuip vellinum í Rotterdam. Leikurinn verður í beinni útsendingu á Stöð 2 Sport og hefst útsendingin kl. 18:15. Ólafur Jóhannesson hefur tilkynnt byrjunarliðið.
11. október 2008
Undankeppni EM U19 karla hefst í dag hjá Íslendingum og er leikið í Makedóníu. Mótherjar dagsins eru Svíar og hefst leikurinn kl. 12:00 að íslenskum tíma. Á mánudaginn verður leikið gegn Austurríki.
11. október 2008
Hollendingar sigruðu Íslendinga með tveimur mörkum gegn engu í undankeppni HM 2010 í kvöld en leikið var í Rotterdam. Heimamenn skoruðu mark í hvorum hálfleik og fóru með sanngjarnan sigur af hólmi.
11. október 2008
Strákarnir í U19 hófu leik í dag í undankeppni EM en leikið er í Makedóníu. Fyrsti leikurinn var við Svía og lauk honum með jafntefli, 3-3, eftir mikinn hörkuleik. Svíar leiddu í hálfleik, 2-1.
10. október 2008
Karlalandsliðið undirbýr sig nú af kappi undir landsleikinn gegn Hollandi sem fer fram á morgun, laugardag. Aðstæður eru allar hinar bestu, æfingar hafa gengið vel og hópurinn í góðu standi. Í kvöld verður svo æft á keppnisvellinum, De Kuip, heimavelli Feyenoord.
10. október 2008
Knattspyrnusamband Íslands ákvað í dag að lækka umtalsvert miðaverð á landsleik Íslands og Makedóníu sem fram fer á Laugardalsvelli næstkomandi miðvikudag kl. 18:00. Leikurinn er síðasti leikur Íslands á þessu ári í undankeppni HM.
10. október 2008
Handhafar A-passa frá KSÍ fá aðgöngumiða á leikinn Ísland - Makedónía afhenta þriðjudaginn 14. október frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis.
9. október 2008
Íslenska U17 kvennalandsliðið tapaði í dag gegn Ítölum í undankeppni EM en riðill Íslands er leikinn á Ítalíu. Lokatölur urðu 1-0 fyrir heimastúlkur eftir að staðan hafði verið markalaus í leikhléi.
9. október 2008
Stelpurnar í U17 kvenna leika sinn annan leik sinn í dag í undankeppni EM en riðillinn er leikinn á Ítalíu. Mótherjar Íslendinga í dag eru einmitt Ítalir og hefst leikurinn kl. 13:00 að íslenskum tíma. Kristrún Lilja Daðadóttir, landsliðsþjálfari U17 kvenna, hefur tilkynnt byrjunarliðið.
