Valmynd
Valmynd
23. júní 2010
Fylkir stendur fyrir knattspyrnuskóla á félagssvæði sínu dagana 12. – 16. júlí sem er ætlað fyrir iðkendur í 3. flokki og þá sem eru á yngsta ári í 2. flokki. Það eru þjálfarar Fylkis sem sjá um námsskeiðið ásamt yfirþjálfara unglingaliðs AC Milan og þrekþjálfara sama félags.
22. júní 2010
Heilbrigðismál tengd úrslitakeppni HM í Suður-Afríku voru viðfangsefni fjórða súpufundar KSÍ á árinu, sem fram fór í höfuðstöðvum KSÍ á Laugardalsvelli.  Fyrirliesari var Dr. Sanders frá Suður-Afríku.  Erindi Dr. Sanders fór fram á ensku.
21. júní 2010
Knattþrautir KSÍ þeytast nú á milli félaga en það eru knattspyrnuiðkendur í 5. flokki sem spreyta sig á þrautunum.  Einar Lars Jónsson heimsótti iðkendur sem æfa hjá Fram í Grafarholti í dag og Fjölnismenn en á morgun er ferðinni heitið til Vestmannaeyja.
21. júní 2010
Vegna fjölda iðkenda þá getur Breiðablik bætt við sig þjálfurum í 8. flokki í sumar. Æfingarnar eru í Smáranum á mánudögum og miðvikudögum klukkan 16:30 - 17:30.
16. júní 2010
Knattþrautir KSÍ eru nú í fullum gangi og fer Einar Lars Jónsson víða þessa dagana og er rétt að byrja.  Knattþrautirnar eru fyrir iðkendur í 5. flokki og hefur Einari verið einstaklega vel tekið á sínum ferðum.  Mikill áhugi er hjá krökkunum og þjálfararnir búnir að undirbúa þau vel fyrir heimsóknina.
15. júní 2010
KSÍ heldur 4. súpufund þriðjudaginn 22. júní næstkomandi klukkan 12.15 í höfuðstöðvum KSÍ við Laugardalsvöll. Að þessu sinni mun Dr. David Sanders, sérfræðingur í lýðheilsumálum fjalla um heilbrigðismál tengd HM í Suður-Afríku.
10. júní 2010
Föstudaginn 11. júní hefst ljósmyndasýning Páls Stefánssonar, Áfram Afríka,  á 3. hæð í höfuðstöðvum KSÍ við Laugardalsvöll. Myndir á sýningunni er að finna í samnefndri ljósmyndabók og verður útgáfa hennar kynnt við opnunina.
8. júní 2010
Knattspyrnudeild Gróttu óskar eftir að ráða þjálfara fyrir 5.-7.flokk kvenna sem myndi einnig gegna starfi yfirleiðbeinanda á knattspyrnuskóla félagsins nú í sumar. Eru kvenþjálfarar sérstaklega hvattir til þess að sækja um.
7. júní 2010
Knattspyrnuþjálfarafélag Íslands verður í samstarfi við félögin í Pepsí-deildunum í sumar um að opna aðgang að meistaraflokksæfingum. Breiðablik ríður á vaðið en fimmtudaginn 10. júni er öllum knattspyrnuþjálfurum landsins boðið að koma og fylgjast með æfingu meistaraflokks karla.
7. júní 2010
Knattspyrnuskóli karla 2010 fer fram að Laugarvatni 14. - 18. júní næstkomandi.  Freyr Sverrisson, þjálfari U16 karla hefur umsjón með skólanum og eru leikmenn í skólanum í ár fæddir 1996.
5. júní 2010
Hér má sjá viðtal við Rúnar Kristinsson
4. júní 2010
Knattspyrnusamband Ìslands mun vera með knattþrautir fyrir 5. flokk karla og kvenna ì sumar líkt og síðasta sumar.  Það er Einar Lars Jónsson sem mun heimsækja félögin og aðstoða við framkvæmd þrautanna.  Fyrstu heimsóknirnar verða mánudaginn 7. júní í Sandgerði og í Garðinn.
1. júní 2010
Næsti hádegisfundur ÍSÍ verður haldinn þriðjudaginn 8. júní nk. í E-sal Íþróttamiðstöðvarinnar í Laugardal frá kl. 12.00-14.00.  Hann verður helmingi lengri en vant er, eða tvær klst. í stað einnar.  Fundarefnið að þessu sinni er alvarleiki, umfang og eðli kynferðisofbeldis.  
28. maí 2010
Knattspyrnuskóli stúlkna fer fram í næstu viku að Laugarvatni.  Leikmenn í skólanum í ár fæddir 1996.  Ganga þarf frá greiðslu fyrir dvölina fyrir brottför. Ferðir til og frá Laugarvatni eru innifaldar í gjaldinu, sem og fullt fæði og gisting.
21. maí 2010
Páll Stefánsson ljósmyndari hefur unnið að ljósmyndabók sinni Áfram Afríka í tæp þrjú ár.  ,,Fótbolti er allstaðar'' segir hann, „Mig langaði til að leggja mitt að mörkum til að sýna fleiri hluti í álfunni en það sem er alltaf í fréttum á Vesturlöndum.“
21. maí 2010
Knattspyrnufélagið Valur auglýsir eftir þjálfara fyrir 4. flokk kvenna a.m.k. út þetta tímabil. Flokkurinn sendir tvö lið í Íslandsmót í ár. Annar þjálfari er starfandi við flokkinn en vegna fjölda kjósum við að hafa þjálfarana tvo.
20. maí 2010
Dagana 13. - 19. maí var Grasrótarvika UEFA á dagskránni og voru ýmsir viðburðir á dagskránni hjá öllum aðildarþjóðum UEFA. Verkefnið "Berfætt í boltanum" heldur áfram og hér má sjá myndband frá æfingum hjá KR og Breiðablik.
18. maí 2010
Nú stendur yfir grasrótarvika UEFA og taka aðildarfélög þátt í henni með ýmsum hætti. Hluti af vikunni er verkefni sem kallast má "Berfætt í boltanum". Strákarnir í þriðja flokki Breiðabliks leystu skóþveng sinn og léku knattspyrnu á æfingu í gær berfættir.
