Valmynd
Valmynd
6. janúar 2011
Í gær var lýst yfir kjóri á Íþróttamanni ársins fyrir árið 2010 en nafnbótina hlaut handknattleiksmaðurinn Alexander Peterson.  Annar varð Gylfi Þór Sigurðsson en litlaði munaði á tveimur efstu mönnum.  Knattspyrnukonan Hólmfríður Magnúsdóttir var einnig á meðal þeirra 10 efstu sem sérstaklega voru heiðraðir í gær en hún varð í níunda sæti.
5. janúar 2011
Þorlákur Árnason, landsliðsþjálfari U17 kvenna, hefur valið 18 leikmenn á úrtaksæfingu sem fer fram miðvikudaginn 12. janúar næstkomandi. Leikmennirnir koma frá 6 félögum af Norðurlandi en æfingin verður í Boganum á Akureyri.
4. janúar 2011
Fyrstu landsliðsæfingar hjá U17 og U19 karla eru framundan og hafa þjálfararnir, Gunnar Guðmundsson og Kristinn R. Jónsson, valið leikmenn fyrir þessar æfingar.  Tveir hópar eru í gangi hjá U17 karla.  Æfingarnar fara fram í Kórnum og Egilshöllinni.
1. janúar 2011
Fyrsta landsliðsæfing nýs árs fer fram á Ásvöllum, sunnudaginn 2. janúar, en þá verður æfingahópur íslenska Futsallandsliðsins á ferðinni.  Willum Þór Þórsson, landsliðsþjálfari, hefur valið hóp fyrir þessa æfingu.
23. desember 2010
Samtök íþróttafréttamanna hafa tilkynnt hvaða tíu einstaklingar urðu í efstu sætunum í kjörinu á íþróttamanni ársins 2010.  Knattspyrnufólk er á meðal þessara tíu en Gylfi Þór Sigurðsson og Hólmfríður Magnúsdóttir eru á lista þessa frækna íþróttafólks.
21. desember 2010
Willum Þór Þórsson, landsliðsþjálfari í Futsal, hefur valið æfingahóp sem verður við æfingar 28. og 29. desember og fara æfingarnar fram á Ásvöllum. Ísland mun taka þátt í forkeppni Evrópkeppni landsliða í Futsal í janúar á næsta ári en þetta er í fyrsta skiptið sem Ísland sendir landslið til leiks í Futsal. Riðill Íslands verður leikinn á Ásvöllum dagana 21. - 24. janúar.
20. desember 2010
Knattspyrnusamband Íslands framlengdi í dag samning við Sigurð Ragnar Eyjólfsson sem landsliðsþjálfara A landsliðs kvenna og gildir samningurinn til ársloka 2012. Nýr samningur þess efnis var undirritaður í dag í höfuðstöðvum KSÍ.
15. desember 2010
A-landslið karla fellur um tvö sæti milli mánaða á styrkleikalista FIFA og endar því árið 2010 í 112. sæti. Frá upphafi hefur Ísland lægst verið númer 117 á listanum, en hæst í 37. sæti. Ef aðeins UEFA-þjóðir eru teknar með í reikninginn er íslenska liðið númer 45.
7. desember 2010
Um helgina verða æfingar hjá U16 og U19 karlalandsliðum og fara æfingarnar fram í Egilshöllinni og Kórnum. Þjálfararnir, Freyr Sverrisson og Kristinn R. Jónsson, hafa valið leikmenn fyrir þessar æfingar.
6. desember 2010
Um komandi helgi fara fram landsliðsæfingar hjá U16 kvenna og fara æfingarnar fram í Egilshöllinni og Kórnum. Þorlákur Árnason, landsliðsþjálfari, hefur valið 35 leikmenn fyrir þessar æfingar.
2. desember 2010
Í dag var tilkynnt í höfuðstöðvum FIFA hvaða þjóðir halda úrslitakeppnir HM árin 2018 og 2022.  Það kom í hlut Rússlands að halda úrslitakeppnina 2018 en Katar halda keppnina 2022.  Næsta úrslitakeppni HM verður í Brasilíu 2014.
1. desember 2010
Knattspyrnusamband Evrópu hefur gefið út hvernig fyrirkomulagi undankeppni EM kvenna 2013 verður háttað. Úrslitakeppnin fer fram að þessu sinni í Svíþjóð. Það eru 44 þjóðir sem taka þátt í keppninni að þessu sinni.
30. nóvember 2010
Landsliðsþjálfararnir, Gunnar Guðmundson og Kristinn R. Jónsson, hafa valið leikmenn til úrtaksæfinga um komandi helgi.  Æfingarnar fara fram í Kórnum og Egilshöllinni.  Tveir hópar eru valdir hjá U17 karla og mæta þeir einnig á æfingu á föstudeginum.
30. nóvember 2010
Í dag var dregið í undankeppni EM 2012 hjá U17 og U19 karla. Einnig var dregið í milliriðla hjá U17 karla fyrir EM 2011 en þar var Ísland einnig með í hattinum. Í undankeppninni hjá U17 mun Ísland leika í Ísrael, hjá U19 karla á Kýpur og í milliriðli hjá U17 karla verður leikið í Ungverjalandi.
26. nóvember 2010
Knattspyrnusamband Íslands og Spkef Sparisjóðurinn í Keflavík undirrituðu á föstudag samkomulag um samstarf til næstu þriggja ára (2011-2013).  Geir Þorsteinsson formaður KSÍ og Einar Hannesson Sparisjóðsstjóri undirrituðu samninginn, en í honum felst stuðningur Sparisjóðsins við starfsemi KSÍ á öllum sviðum og nær samningurinn m.a. til allra landsliða Íslands af báðum kynjum.
23. nóvember 2010
Um komandi helgi fara fram úrtaksæfingar hjá U17 og U19 kvenna.  Landsliðsþjálfararnir, Þorlákur Árnason og Ólafur Þór Guðbjörnsson, hafa valið úrtakshópa fyrir þessar æfingar.  Æfingarnar fara fram á Stjörnuvelli og í Egilshöll. 
23. nóvember 2010
Freyr Sverrisson, landsliðsþjálfari U16 karla, hefur valið hóp til úrtaksæfinga um komandi helgi. Að þessu sinni eru einungis valdir leikmenn úr félögum á Norðurlandi og fara æfingarnar fram í Boganum á Akureyri.
19. nóvember 2010
Á nýjum styrkleikalista FIFA, sem út kom í dag, þá fellur íslenska kvennalandsliðið niður um eitt sæti.  Ísland er í 17. sæti listans en það eru Bandaríkin sem tróna á toppnum.  Engar breytingar eru á 8 efstu sætum listans.
