Valmynd
Valmynd
2. nóvember 2010
Næstkomandi laugardag mun fara fram landsliðsæfing í Fjarðabyggðahöllinni hjá landsliði U17 kvenna. Þorlákur Árnason, landsliðsþjálfari U17 kvenna, hefur valið leikmenn af Austurlandi fyrir þessa æfingu og koma þeir frá sex félögum.
29. október 2010
Dregið verður í milliriðla EM hjá U17 og U19 kvenna þann 16. nóvember næstkomandi. Við sama tækifæri verður dregið í undankeppni EM U17 og U19 kvenna sem fram fer 2011/2012. Ísland er í efsta styrkleikaflokki hjá U17 kvenna og í öðrum styrkleikaflokki hjá U19 kvenna.
26. október 2010
KSÍ boðar til fundar formanna og framkvæmdastjóra aðildarfélaga laugardaginn 20. nóvember í höfuðstöðvum KSÍ á Laugardalsvelli og hefst kl. 12:00.  Kl. 14.00 verður dregið í töfluröð í Pepsi-deild, 1. og 2. deild karla og Pepsi-deild kvenna á sama stað.
26. október 2010
Strákarnir í U19 töpuðu lokaleik sínum í undankeppni EM en riðill þeirra var leikinn í Wales. Síðasti leikurinn var gegn Tyrkjum sem að fóru með sigur af hólmi, 2 - 1. Íslenska liðið hafnaði því í þriðja sæti og komast ekki áfram í milliriðla.
25. október 2010
Um komandi helgi fara fram æfingar hjá U17 og U19 kvennalandsliðum Íslands og verður æft í Kórnum og í Egilshöll.  Landsliðsþjálfararnir, Þorlákur Árnason og Ólafur Þór Guðbjörnsson, hafa valið hópa sína og eru tæplega 60 leikmenn boðaðir á þessar æfingar.
25. október 2010
Strákarnir í U19 leika lokaleik sinn í undankeppni EM í dag þegar þeir mæta Tyrkjum.  Riðillinn er leikinn í Wales og hefst leikurinn kl. 16:00 að íslenskum tíma.  Íslenska liðið þarf á sigri að halda til þess að tryggja sér sæti í milliriðlum keppninnar.
23. október 2010
Strákarnir í U19 biðu lægri hlut gegn Wales í undankeppni EM en leikið var í Wales. Lokatölur urðu 2 - 1 fyrir heimamenn eftir að Íslendingar höfðu leitt í leikhléi. Lokaleikur Íslands verður á mánudaginn þegar mótherjarnir verða Tyrkir.
22. október 2010
Strákarnir í U19 leika í dag, annan leik sinn í undankeppni EM en leikið er í Wales.  Mótherjarnir eru einmitt heimamenn og hefst leikurinn kl. 16:00 að íslenskum tíma.  Strákarnir lögðu Kasaka í fyrsta leiknum, 4 - 0. 
21. október 2010
Knattspyrnusambönd Íslands og Ísraels hafa komist að samkomulagi um að karlalandslið þjóðanna leiki vináttulandsleik 17. nóvember næstkomandi. Leikið verður í Tel Aviv en þetta er í þriðja skiptið sem þessar þjóðir mætast hjá A landsliði karla.
21. október 2010
Strákarnir í U19 byrjuðu undankeppni EM á því að bera sigurorð af jafnöldrum sínum frá Kasakstan. Lokatölur urðu 4 - 0 Íslendingum í vil eftir að staðan hafði verið 3 - 0 í leikhléi. Í hinum leik riðilsins gerðu Wales og Tyrkland jafntefli, 3 - 3, þar sem heimamenn í Wales jöfnuðu á 5. mínútu í uppbótartíma.
20. október 2010
Á nýútgefnum styrkleikalista FIFA sem gefinn var út í morgun, fellur karlalandsliðið um 10 sæti og er nú í 110. sæti listans.  Spánverjar eru sem fyrr í efsta sæti styrkleikalistans og í öðru sæti eru Hollendingar.
20. október 2010
Strákarnir í U19 hefja leik í dag í undankeppni EM en riðill þeirra er leikinn í Wales.  Leikið verður við Kasakstan kl. 16:00 í dag en í hinum leik riðilsins, sem fer fram á sama tíma, mætast Wales og Tyrkland.  Byrjunarlið Íslands hefur verið tilkynnt.
19. október 2010
Gunnar Guðmundsson, landsliðsþjálfari U17 karla, hefur valið 64 leikmenn til æfinga um komandi helgi. Er þarna um tvö hópa að ræða og er annar hópurinn eingöngu skipaður leikmönnum sem fæddur er árið 1995.
13. október 2010
Í gærkvöldi var það ljóst hvaða þjóðir munu leika í úrslitakeppni EM U21 karla í Danmörku á næsta ári.  Ísland er þar á meðal átta þjóða í úrslitakeppni og er það í fyrsta skiptið í þessum aldursflokki sem það gerist.  Aðrar þjóðir eru auk gestgjafanna í Danmörku: Spánn, England, Sviss, Hvíta Rússland og Úkraína.
13. október 2010
Kristinn R. Jónsson, landsliðsþjálfari U19 karla, hefur valið hóp sinn er leikur í undankeppni EM nú í október.  Leikið varður í Wales, dagana 20. - 25. október en í riðlinum eru, auk heimamanna, Kasakstan og Tyrkland.
12. október 2010
Íslendingar biðu lægri hlut gegn Portúgölum á Laugardalsvelli í kvöld en leikið var í undankeppni EM.  Lokatölur urðu 1 - 3 fyrir gestina eftir að staðan hafði verið 1 - 2 í leikhléi.  Það var Heiðar Helguson sem að skoraði mark Íslendinga með skalla og jafnaði þá metin, 1 - 1.
12. október 2010
Ólafur Jóhannesson landsliðsþjálfari hefur tilkynnt byrjunarlið Íslands sem mætir Portúgölum í undankeppni EM 2012 á Laugardalsvelli í kvöld. Uppselt er á leikinn, sem hefst kl. 19:45 og er í beinni útsendingu á RÚV.
11. október 2010
U21 landslið karla hefur náð þeim frábæra árangri að tryggja sér sæti í úrslitakeppni Evrópumóts UEFA.  Árangurinn náðist með tveimur 2-1 sigrum gegn Skotum í umspili um sæti í lokakeppninni, sem fram fer í Danmörku í júní 2011.  Gylfi Sigurðsson skoraði bæði mörk Íslands í seinni leiknum með glæsilegum spyrnum. 
