Valmynd
Valmynd
26. febrúar 2007
Sigurður Ragnar Eyjólfsson, landsliðsþjálfari, hefur tilkynnt hópinn sem tekur þátt á Algarve Cup 2007. Sigurður Ragnar velur 20 leikmenn í þetta verkefni en hópurinn heldur utan 5. mars og leikur fjóra leiki.
21. febrúar 2007
Æfingar eru fyrirhugaðar hjá U17 kvenna um helgina og hefur Kristrún Lilja Daðadóttir, landsliðsþjálfari, valið 25 leikmenn til þessara æfinga. U17 kvenna tekur þátt í riðlakeppni fyrir EM síðar á þessu ári, þeirri fyrstu í þessum aldursflokki.
20. febrúar 2007
Í dag var í fyrsta skiptið úthlutað úr Afrekskvennasjóði Glitnis og ÍSÍ. KSÍ fær eina milljón króna vegna undirbúnings og þátttöku kvennalandsliðsins í undankeppni Evrópumóts kvenna í knattspyrnu sem fram fer í Finnlandi 2009.
20. febrúar 2007
Sigurður Ragnar Eyjólfsson, landsliðsþjálfari, hefur valið 25 leikmenn á landsliðsæfingar A landsliðs kvenna sem fram fara helgina 24. - 25. febrúar. Æft verður tvisvar um helgina.
20. febrúar 2007
Undirbúningur U19 kvenna fyrir úrslitakeppni EM, sem haldin er hér á landi í júlí, er í fullum gangi og hefur Ólafur Þór Guðbjörnsson, landsliðsþjálfari U19 kvenna, valið hóp til æfinga um helgina.
19. febrúar 2007
Í dag var dregið í riðlakeppni fyrir EM hjá U17 kvenna en þetta er í fyrsta skiptið sem keppnin er haldin í þessum aldursflokki. Ísland er í fjórða riðli og leika gegn Úkraínu, Slóveniu og Lettlandi.
19. febrúar 2007
Dregið var í dag í riðlakeppni fyrir EM 2008 hjá U19 kvenna í dag. Ísland lenti í 1. riðli með Portúgal, Grikklandi og Rúmeníu og verður riðillinn leikinn í Portúgal 27. september til 2. október.
16. febrúar 2007
Úrtakshópar KSÍ karla og kvenna munu leika fjóra vináttuleiki gegn úrvalsliðum Møre og Romsdal fylkis í Noregi í næstu viku. Freyr Sverrisson og Kristrún Lilja Daðadóttir hafa hvort um sig valið tvo úrtakshópa til að leika sitt hvorn leikinn.
15. febrúar 2007
Mánudaginn 19. febrúar næstkomandi verður dregið í riðlakeppni Evrópukeppni U17 og U19 kvenna. Dregið verður í Nyon í Sviss. Þetta er í fyrsta skiptið sem Evrópukeppni U17 kvenna fer fram.
14. febrúar 2007
Nýr FIFA styrkleikalisti karla var birtur í dag og er Ísland í 95. sæti listans. Eftir að hafa verið á toppi listans í 55 mánuði samfleytt, detta Brasilíumenn niður í annað sætið. Heimsmeistarar Ítala smella sér á toppinn í fyrsta sinn síðan 1993.
13. febrúar 2007
Í dag var dregið í riðla fyrir riðlakeppni EM U21 karla 2007-2009. Úrslitakeppnin fer fram í Svíþjóð og af því tilefni var dregið í Stokkhólmi. Ísland var í þriðja styrkleikaflokki og lenti í riðli með Belgíu, Slóvakíu, Austurríki og Kýpur.
13. febrúar 2007
Sigurður Ragnar Eyjólfsson, landsliðsþjálfari kvenna í knattspyrnu, hefur valið leikmenn til æfinga. Æft verður helgina 17. og 18. febrúar og fara æfingarnar fram í Akraneshöllinni og Eglishöllinni.
7. febrúar 2007
Þriðjudaginn 13. febrúar verður dregið í riðla fyrir EM 2007-2009 hjá U21 karla en úrslitakeppnin fer fram í Svíþjóð. Ísland er í þriðja styrkleikaflokki en alls verða 51 þjóð í pottinum.
6. febrúar 2007
Um helgina fara fram fjölmargar úrtaksæfingar hjá yngri landsliðum karla. Um er að ræða U16, U17 og U19 karla sem verða á ferðinni um helgina. Alls hafa 146 leikmenn verið boðaðir á þessar æfingar.
2. febrúar 2007
Í dag gerði KSÍ samning við Knattspyrnusamband Kanada um að þjóðirnar leiki vináttulandsleik á Laugardalsvelli 22. ágúst næstkomandi. Þetta er í fyrsta skiptið sem þjóðrnar mætast í landsleik í knattspyrnu.
30. janúar 2007
Úrtaksæfing fyrir U16/U17 landslið karla fer fram í Fjarðabyggð sunnudaginn 4. febrúar næstkomandi. Á æfinguna hafa verið boðaðir vel á þriðja tug leikmanna frá félögum á Austurlandi.
29. janúar 2007
Vel á sjötta tug leikmanna frá félögum víðs vegar af landinu hafa verið boðaðir á úrtaksæfingar U17 og U19 landsliða kvenna sem fram fara dagana 3. og 4. febrúar. Æft verður í Egilshöll, Fífunni og Akraneshöll.
29. janúar 2007
Úrtaksæfingar fyrir U16 landslið karla fara fram í Boganum á Akureyri laugardaginn 3. febrúar. Alls hafa tæplega 30 leikmenn verið boðaðir á æfingarnar, frá félögum á Norðurlandi.
