Valmynd
Valmynd
13. desember 2006
Leikdagar fyrir undankeppni EM kvenna 2009 eru tilbúnir og mun Ísland leika við Grikkland á útivelli í fyrsta leik sínum í riðlinum. Fer sá leikur fram 31. maí. Síðasti leikur Íslands í riðlinum er einnig útileikur en þá verður leikið við Frakkland.
12. desember 2006
Í dag, miðvikudaginn 13. desember, verður dregið í riðla í undankeppni fyrir EM 2009 kvenna en úrslitakeppnin fer fram í Finnlandi. Ísland er í öðrum styrkleikaflokki en 30 þjóðir eru í pottinum og verður dregið í sex fimm liða riðla.
12. desember 2006
Úrtaksæfingar verða um helgina og verða þrjú landslið á fullri ferð. Lúka Kostic verður með æfingar hjá U17 og U21 karla og Guðni Kjartansson verður með æfingar hjá U19 karla. Úrtakshópana má sjá hér að neðan.
7. desember 2006
Knattspyrnusamband Íslands hefur ráðið Sigurður Ragnar Eyjólfsson sem þjálfara A landsliðs kvenna og Guðna Kjartansson sem aðstoðarmann hans. Sigurður og Guðni munu stýra liðinu næstu tvö ár og stýra liðinu í næstu Evrópukeppni.
5. desember 2006
Í dag var dregið í milliriðla í Evrópukeppni U17 og U19 karla. Ísland komst áfram í báðum þessum aldursflokkum og voru því í pottinum í dag. Einnig var dregið í riðla hjá U19 kvenna en úrslitakeppni EM fer fram hér á landi í júlí 2007.
4. desember 2006
Þriðjudaginn 5. desember verður dregið í riðla í Evrópukeppni landsliða karla U17 og U19. Í pottana fara 28 þjóðir sem hafa unnið sér þátttökurétt í þessum milliriðlum og er Ísland með lið í báðum aldursflokkum.
29. nóvember 2006
Um helgina munu úrtakshópar hjá U17 kvenna og U19 kvenna æfa og eru það síðustu æfingar þessara liða fyrir áramót. Munu liðin æfa tvisvar sinnum um helgina og má sjá hópana hér að neðan.
24. nóvember 2006
Annar vináttulandsleikur Íslands og Englands, U19 kvenna, fór fram í gærkvöldi í Egilshöll og lauk leiknum með sigri gestanna. Eftir markalausan fyrri hálfleik, skoruðu ensku stúlkurnar þrjú mörk í seinni hálfleik og tryggðu sér sigur.
24. nóvember 2006
U19 landslið kvenna mun taka þátt á boðsmóti er fram fer á La Manga á Spáni. Liðið mun halda utan 10. mars og leika þrjá leiki, 12., 14. og 16. mars. Er þetta mót mikilvægur liður í undirbúningi íslenska liðsins fyrir úrslitakeppni EM í júlí 2007.
23. nóvember 2006
Í kvöld kl. 20:00 fer fram seinni vináttulandsleikur Íslands og Englands, hjá U19 kvenna, en leikið er í Egilshöll. Þjóðirnar léku í Akraneshöllinni sl. þriðjudag og fóru þá ensku stúlkurnar með sigur af hólmi. Ókeypis aðgangur er á leikinn.
22. nóvember 2006
U19 landslið kvenna beið lægri hlut gegn stöllum sínum frá Englandi og urðu lokatölur 0-4 eftir að staðan í hálfleik var 0-3. Þjóðirnar mætast að nýju á fimmtudaginn í Egilshöllinni kl. 20:00.
22. nóvember 2006
Íslenska karlalandsliðið færist upp um tvö sæti á nýjum styrkleikalista FIFA sem birtur var í dag. Ísland er í nítugasta og þriðja sæti en Brasilíumenn er sem fyrr í efsta sæti listans en Ítalir sækja mjög að þeim.
22. nóvember 2006
Lúka Kostic, landsliðsþjálfari U17 karla, hefur valið úrtakshóp til æfinga um komandi helgi. Er um tvo hópa að ræða og æfa þeir báðir tvisvar sinnum um helgina, á Stjörnuvelli og Egilshöll.
22. nóvember 2006
Guðni Kjartansson, landsliðsþjálfari U19 karla, hefur valið úrtakshóp sem mun æfa tvisvar um komandi helgi. Báðar æfingarnar fara fram í Fífunni og eru 34 leikmenn boðaðir til þessa æfinga.
21. nóvember 2006
Í dag kl. 18:00 mætast Ísland og England í vináttulandsleik hjá U19 kvenna. Leikurinn fer fram í hinni nýju Akraneshöll og er aðgangur ókeypis á leikinn. Þjóðirnar mætast öðru sinni á fimmtudaginn kl. 20:00 í Egilshöll.
21. nóvember 2006
Kristrún Lilja Daðadóttir, landsliðsþjálfari U17 kvenna, hefur valið hóp til úrtaksæfinga er fram fara á Akureyri sunnudaginn 26. nóvember. Kristrún hefur valið 27 leikmenn frá félögum af Norðurlandi.
20. nóvember 2006
Framundan eru tveir vináttulandsleikir hjá íslenska U19 landsliði kvenna við England. Fyrri leikurinn er leikinn í hinni nýju Akraneshöll, þriðjudaginn 21. nóvember kl. 18:00. Sá seinni er í Egilshöllinni, fimmtudaginn 23. nóvember kl. 20:00.
15. nóvember 2006
Kristrún Lilja Daðadóttir, landsliðsþjálfari U17 kvenna, hefur valið leikmenn í úrtakshóp til þess að taka þátt í æfingum U17 kvenna um komandi helgi. Æft verður á Stjörnuvelli á laugardag og í Egilshöll á sunnudag.
