Valmynd
Valmynd
2. október 2006
Í dag koma fulltrúar UEFA til að skoða vallaraðstæður fyrir úrslitakeppni EM U19 kvenna sem fram fer hér á landi í júlí 2007. Þetta er önnur vettvangsheimsókn UEFA.
30. september 2006
Íslenska U17 karlalandsliðið tryggð sér áframhaldandi þátttökurétt í undankeppni fyrir Evrópumót landsliða U17. Strákarnir sigruðu Litháa í dag með fjórum mörkum gegn einu.
29. september 2006
Eyjólfur Sverrisson, þjálfari A landsliðs karla, hefur tilkynnt 20 manna hóp fyrir næstu leiki í undankeppni EM 2008. Leikið er í Lettlandi laugardaginn 7. október og á Laugardalsvelli gegn Svíum miðvikudaginn 11. október.
28. september 2006
Íslenska kvennalandsliðið verður í eldlínunni í dag þegar þær leika lokaleik sinn í undankeppni fyrir HM 2007. Leika þær við Portúgal og hefst leikurinn kl. 16:00 að íslenskum tíma.
28. september 2006
Íslenska landsliðið lék lokaleik sinn í undankeppni fyrir HM 2007 í dag þegar þær mættu Portúgal í Lissabon. Íslensku stelpurnar léku við hvern sinn fingur og sigruðu með sex mörkum gegn engu. Margrét Lára Viðarsdóttir skoraði fjögur mörk í sínum 25. landsleik.
28. september 2006
Guðlaug Jónsdóttir tilkynnti eftir leikinn gegn Portúgal í dag að hún hefði leikið sinn síðasta landsleik. Guðlaug á að baki langan og farsælan feril með landsliðinu og var leikurinn í dag 54. landsleikur hennar.
27. september 2006
Sænski landsliðsþjáfarinn, Lars Lagerback, tilkynnti í gær landsliðshóp sinn fyrir leik liðsins gegn Spánverjum og Íslendingum. Svíar koma á Laugardalsvöllinn, miðvikudaginn 11. október og eru um 1400 miðar eftir á leikinn.
27. september 2006
Íslenska U17 karlalandsliðið mætir Frökkum í dag í undankeppni fyrir EM en leikið er í Rúmeníu. Strákarnir gerðu jafntefli í fyrsta leik sínum við heimamenn í Rúmeníu. Lúka Kostic hefur tilkynnt byrjunarliðið en leikurinn hefst kl. 14:00 að íslenskum tíma.
27. september 2006
Íslenska U17 karlalandsliðið beið lægri hlut gegn Frökkum í dag með þremur mörkum gegn einu. Kristinn Steindórsson skoraði mark Íslands á 71. mínútu en þá höfðu Frakkar skorað þrjú mörk. Strákarnir leika við Litháa á laugardaginn.
26. september 2006
Eftirtaldir leikmenn hafa verið valdir til að taka þátt í úrtakssæfingum vegna U19 landsliða karla. Æfingarnar fara fram undir stjórn Guðna Kjartanssonar þjálfara U19 landsliðs Íslands.
25. september 2006
Landslið U17 karla er statt í Rúmeníu þar sem þeir leika í undakeppni fyrir EM. Fyrsti leikur liðsins er í dag og er þá leikið við heimamenn. Hefst leikurinn kl. 14:00 að íslenskum tíma.
25. september 2006
Íslenska U17 karlalandsliðið hóf í dag þátttöku sína í undankeppni EM. Léku þeir við heimamenn í Rúmeníu og lauk leiknum með jafntefli, 1-1. Liðið leikur annan leik sinn á mótinu, gegn Frökkum, á miðvikudag.
25. september 2006
Jörundur Áki Sveinsson, landsliðsþjálfari, hefur þurft að gera tvær breytingar á landsliðshópnum er heldur til Porútgal á morgun og leikur við heimamenn á fimmtudaginn.
22. september 2006
Kristrún Lilja Daðadóttir hefur verið ráðin landsliðsþjálfari hjá U17 kvenna. Kristrún hefur undanfarið þjálfað meistaraflokk og 2. flokk kvenna hjá Þrótti en var áður þjálfari yngri flokka kvenna hjá Breiðablik.
20. september 2006
Guðni Kjartansson, landsliðsþjálfari U19 karla, hefur valið 32 leikmenn til æfinga um helgina. Æft verður tvisvar, laugardag og sunnudag og fara æfingar fram á Bessastaðavelli.
19. september 2006
Lúkas Kostic, landsliðsþjálfari U17 landsliðs karla, hefur valið eftirtalda leikmenn í landslið Íslands sem keppir í undankeppni Evrópumóts U17 landsliða í Rúmeníu 25. – 30. september.
15. september 2006
Íslenska kvennalandsliðið fellur niður um þrjú sæti nýjum styrkleikalista FIFA kvennalandsliða er birtur var í dag. Þýskaland er sem fyrr í efsta sæti listans og Bandaríkin eru í öðru sæti.
13. september 2006
Íslenska karlalandsliðið í knattspyrnu fer upp um 19 sæti á nýjum styrkleikalista FIFA er birtur var í dag. Situr Ísland nú í sæti 87 á þessum lista og er komið upp fyrir næstu andstæðinga sína, Letta.
