Valmynd
Valmynd
15. janúar 2009
Þegar þetta er ritað, að morgni 15. janúar, skiladags leyfisgagna, hafa 11 félög af þeim 24 sem undirgangast leyfiskerfið skilað gögnum sínum. Aldrei áður hafa svo mörg félög verið búin að skila áður en 15. janúar rennur upp.
15. janúar 2009
ÍR-ingar hafa nú skilað fylgigögnum með leyfisumsókn sinni fyrir keppnistímabilið 2009 og hefur þá helmingur allra félaga sem undirgangast leyfiskerfið skilað sínum gögnum - sex úr Landsbankadeild og sex úr 1. deild.
15. janúar 2009
Njarðvíkingar, sem leika í 2. deild í ár, hafa skilað inn leyfisgögnum. Njarðvík féll úr 1. deild síðasta haust eins og kunnugt er, en forsvarsmenn félagsins óskuðu engu að síður eftir því að fá að undirgangast leyfisferlið fyrir árið 2009.
15. janúar 2009
Leiknir í Reykjavík hefur skilað fylgigögnum með umsókn um þátttökuleyfi fyrir keppnistímabilið 2009, og þar með hafa bæði Breiðholtsliðin skilað sínum gögnum. Leiknir er sjöunda félagið í 1. deild til að skila gögnum.
15. janúar 2009
Fjölnir hefur skilað leyfisgögnum sínum, fylgigögnum með leyfisumsókn fyrir keppnistímabilið 2009, og hafa þá sjö Landsbankadeildarfélög skilað.
15. janúar 2009
Breiðablik hefur nú skilað sínum leyfisgögnum og hafa þá tveir þriðju hlutar Landsbankadeildarfélaga skilað, eða átta af tólf félögum. Þau félög sem eiga eftir að skila eru Fram, Grindavík, ÍBV og Þróttur.
15. janúar 2009
Reykjavíkur-Þróttarar eru níunda Landsbankadeildarfélagið til að skila fylgigögnum með umsókn um þátttökuleyfi í Landsbankadeildinni 2009. Félögin tínast nú inn hvert af öðru eftir því sem líður á daginn.
15. janúar 2009
ÍBV hefur sett leyfisgögn sín í póst og ættu þau því að berast leyfisstjórn á föstudag eða mánudag. Svo framarlega sem stimpill pósthússins í Eyjum sýnir sendingardaginn í dag, þá teljast Eyjamenn hafa skilað gögnunum innan tímamarka.
15. janúar 2009
Samkvæmt upplýsingum leyfisstjórnar hafa Skagamenn póstað sín leyfisgögn og ættu þau því að berast leyfisstjórn á föstudag eða mánudag. Gögnin sem félögin eru að skila núna snúa að öllum öðrum þáttum en fjárhagslegum.
14. janúar 2009
Fimmtudagurinn 15. janúar er stór skiladagur gagna í leyfiskerfinu, en þá skila leyfisumsækjendur þeim fylgigögnum með leyfisumsókn sem snúa að öðrum þáttum en fjárhagslegum. Leyfiskerfið nær til félaga í efstu tveimur deildum karla.
14. janúar 2009
VISA-bikarmeistarar KR-inga hafa nú skilað fylgigögnum með leyfisumsókn, öðrum en fjárhagslegum, og eru þeir því fimmta Landsbankadeildarfélagið til að skila. Fjárhagslegum gögnum á síðan að skila eigi síðar en 20. febrúar.
14. janúar 2009
HK hefur nú skilað sínum leyfisgögnum, en um er að ræða fylgigögn með leyfisumsókn er varða aðra þætti en fjárhagslega. Þau gögn sem skilað er nú varða m.a. uppeldi ungra leikmanna og mannvirkjaþætti.
14. janúar 2009
Leyfisgögn Selfyssinga eru nú komin til leyfisstjórnar og hafa þá fimm félög skilað í hvorri deild um sig, en eins og kunnugt er undirgangast öll félög í Landsbankadeild og 1. deild leyfiskerfið, alls 24 félög.
14. janúar 2009
Fylkismenn hafa nú skilað fylgigögnum með leyfisumsókn og hafa þá sex af tólf félögum í Landsbankadeild skilað. Gögnin sem skilað er nú taka m.a. til þátta eins og menntunar þjálfara og uppeldisstefnu ungra leikmanna.
14. janúar 2009
Þórsarar hafa skilað sínum leyfisgögnum fyrir keppnistímabilið 2009 og hafa þá bæði Akureyrarliðin í 1. deild skilað. Þórsarar póstuðu sín gögn mánudaginn 12. janúar og telst það því skiladagur þeirra.
14. janúar 2009
Víkingar í Ólafsvík hafa nú skilað fylgigögnum með leyfisumsókn sinni fyrir keppnistímabilið 2009 og eru þeir þriðja félagið í 1. deild til að skila gögnum. Áður höfðu Akureyrarliðin tvö skilað sínum gögnum.
13. janúar 2009
Íslandsmeistarar FH urðu í dag fimmta félagið til að skila leyfisgögnum vegna leyfisumsóknar fyrir keppnistímabilið 2009. Um er að ræða fylgigögn með leyfisumsókn og snúa þau að öllum þáttum öðrum en fjárhagslegum.
6. janúar 2009
Stjarnan í Garðabæ kom við hjá leyfisstjórn í dag og varð fjórða félagið til að skila leyfisgögnum fyir keppnistímabilið 2009. Þau gögn sem skilað er nú snúa að öllum öðrum þáttum en fjárhagslegum.
