Valmynd
Valmynd
12. mars 2010
Leyfisstjórn hefur nú lokið yfirferð fjárhagslegra leyfisgagna félaga og gert tillögur um úrbætur þar sem við á. Leyfisráð kemur saman til fundar á þriðjudag og verða þá teknar fyrir leyfisumsóknir félaga og þátttökuleyfi gefin út til þeirra félaga sem uppfylla allar lykilkröfur.
5. mars 2010
Fjölnismenn hafa nú skilað fjárhagslegum leyfisgögnum sínum og á þá aðeins eitt félag eftir að skila, Þróttur. Lokaskiladagur var 22. febrúar og reiknast dagsektir frá þeim degi samkvæmt leyfisreglugerðinni.
24. febrúar 2010
Leyfisstjórn getur nú staðfest móttöku fjárhagslegra leyfisgagna frá ÍBV. Stimpillinn frá Pósthúsinu í Vestmannaeyjum sýnir sendingardaginn 22. febrúar og því teljast Eyjamenn hafa skilað innan settra tímamarka.
24. febrúar 2010
Leyfisstjórn getur nú staðfest að fjárhagsleg leyfisgögn KA hafi borist skrifstofu KSÍ. Stimpillinn frá Pósthúsinu á Akureyri sýnir sendingardaginn 22. febrúar og því teljast KA-menn hafa skilað innan settra tímamarka.
23. febrúar 2010
Þegar þetta er ritað, að morgni 23. febrúar, getur leyfisstjórn staðfest móttöku fjárhagslegra leyfisgagna frá 17 félögum af 24. Gögn frá fimm félögum fóru í póst á mánudag og ættu því að berast í dag eða á miðvikudag. Tvö félög skila síðar í vikunni og mega því búast við dagsektum.
23. febrúar 2010
Fjárhagsgögn frá Gróttu, sem er nýliði í leyfiskerfinu, bárust innan þess tímaramma sem settur er. Grótta, sem leikur í fyrsta sinn í næst efstu deild hefur aldrei undirgengist leyfiskerfið áður og fær því árs aðlögun að þeim kröfum sem gerðar eru.
23. febrúar 2010
Leyfisstjórn getur nú staðfest móttöku fjárhagslegra leyfisgagna frá þremur félögum - ÍA, Fjarðabyggð og Þór.  Póststimpillinn hjá öllum þessum félögum sýnir sendingardaginn 22. febrúar og því teljast þau hafa skilað innan settra tímamarka. 
22. febrúar 2010
Nú er runninn upp lokaskiladagur fjárhgslegra leyfisgagna vegna umsókna um þátttökuleyfi í Pepsi-deild karla og 1. deild karla. Sex félög hafa þegar skilað gögnum af 24 leyfisumsækjendum, allt félög í Pepsi-deild, þannig að 18 félög eiga enn eftir að skila.
22. febrúar 2010
Samkvæmt upplýsingum frá ÍA hafa fjárhagsgögn félagsins, sem skila á vegna umsóknar um þátttökuleyfi í 1. deild 2010, verið sett í póst og ættu því að berast leyfisstjórn á þriðjudag. Móttaka gagnanna verður svo staðfest með frétt hér á vefnum.
22. febrúar 2010
Njarðvíkingar urðu rétt í þessu fyrsta félagið í 1. deild 2010 sem skilar fjárhagslegum fylgigögnum með umsókn sinni um þátttökuleyfi í deildinni. Skagamenn hafa reyndar upplýst leyfisstjórn um að þeir hafi póstsent sín leyfisgögn.
22. febrúar 2010
ÍR-ingar hafa skilað fjárhagslegum fylgigögnum með umsókn sinni um þátttökuleyfi í 1. deild karla 2010 og þar með eru tvö félög í þeirri deild með staðfest skil. Skagamenn hafa reyndar upplýst leyfisstjórn um að þeir hafi póstsent sín leyfisgögn, eins og fyrr hefur verið greint frá.
22. febrúar 2010
Það er nóg að gera á pósthúsum landsins í dag.  Samkvæmt upplýsingum leyfisstjórnar setja ÍBV, Þór og KA fjárhagsleg leyfisgögn sín í póst í dag og ættu þau því að berast leyfisstjórn á þriðjudag eða miðvikudag.
22. febrúar 2010
Víkingar hafa skilað fjárhagslegum fylgigögnum með umsókn sinni um þátttökuleyfi í 1. deildinni 2010. Fjárhagsgögnum fylgja fjölmargar staðfestingar, s.s. á því að engin vanskil séu við leikmenn, þjálfara og aðra starfsmenn.
22. febrúar 2010
Reykjavíkurfélögin Fylkir og Leiknir hafa skilað fjárhagslegum fylgigögnum með umsókn sinni um þátttökuleyfi fyrir keppnistímabilið 2010.  Þar með hafa gögn frá 10 félögum borist leyfisstjórn og gögn frá fimm öðrum eru í póstinum.
22. febrúar 2010
Selfyssingar hafa nú skilað fjárhagslegum fylgigögnum með umsókn sinni um þátttökuleyfi í Pepsi-deildinni 2010. Þar með hafa gögn frá 9 Pepsi-deildarfélögum borist og gögn eins félags eru í póstinum.
22. febrúar 2010
Fjárhagsgögn HK, fylgigögn með umsókn um þátttökuleyfi í 1. deild karla 2010, hafa nú borist leyfisstjórn.  Þar með hafa gögn frá fimm félögum í þeirri deild borist og fjögur eru í póstinum.
22. febrúar 2010
Með skilum KR á fjárhagslegum fylgigögnum með umsókn um þátttökuleyfi rétt í þessu hefur hringnum verið lokað í Pepsi-deild.  Gögn frá 11 félögum hafa borist og gögn ÍBV eru í póstinum.
19. febrúar 2010
Stjörnumenn hafa nú skilað fjárhagslegum gögnum vegna umsóknar um þátttökuleyfi í Pepsi-deild 2010. Þar með hefur helmingur félaga í þeirri deild skilað fjárhagsgögnum. Áður höfðu Valur, Grindavík, Breiðablik, FH og Keflavík skilað.
