Valmynd
Valmynd
15. júlí 2009
Á fyrstu vikum Íslandsmótsins hefur leyfisstjóri KSÍ heimsótt félögin í Pepsi-deildinni og stutt félögin í að uppfylla kröfur leyfisreglugerðarinnar varðandi þær kröfur sem gerðar eru til fjölmiðlafulltrúa og öryggisstjóra. Hér að neðan má sjá yfirlit yfir heimsóknirnar og hvaða aðilar tóku þátt.
8. júní 2009
Ómar Smárason, leyfis- og markaðsstjóri KSÍ, hefur verið skipaður í sérstakan starfshóp á vegum UEFA, sem hefur það hlutverk að skoða ýmis mál tengd leyfiskerfinu í Evrópu og koma með tillögur að úrbótum þar sem við á.
17. maí 2009
Samkvæmt leyfisreglugerð KSÍ verður leyfisumsækjandi að sýna fram á fulltrúar hans hafi sótt fundi eða kynningu um dómgæslu og knattspyrnulögin á vegum KSÍ á undangengnu ári. Fyrr í þessum mánuði stóð KSÍ fyrir slíkum fundum. Sá fyrri fór fram í Reykjavík 6. maí og sá síðari á Akureyri 10. maí.
17. apríl 2009
Fyrsti fundurinn í fræðslufundaröð KSÍ 2009 var haldinn síðastliðinn þriðjudag og var hann vel sóttur. Um 50 manns sátu fundinn þar á meðal öryggisstjórar og fjölmiðlafulltrúar þeirra félaga sem undirgangast leyfiskerfið, og gilti þessi fundur því sem námskeið í viðkomandi starfi samkvæmt leyfisreglugerð KSÍ.
24. mars 2009
Að loknu leyfisferlinu á ári hverju fer fram svokallað árlegt endurmat, þar sem farið er yfir alla þætti og skoðað hvað vel hefur gengið og hvað mætti betur fara. Mikilvægur liður í þessu er ánægjukönnun á meðal leyfisumsækjenda.
17. mars 2009
Leyfisráð fundar í dag og er þetta annar fundur ráðsins í leyfisferlinu fyrir komandi keppnistímabil. Á fyrri fundi ráðsins voru þátttökuleyfi gefin út til 16 félaga en 8 félögum var gefinn vikufrestur til að klára útistandandi mál.
17. mars 2009
Á fundi leyfisráðs fyrir viku síðan var 8 félögum gefinn vikufrestur til að ganga frá útistandandi málum vegna leyfisumsóknar fyrir keppnistímabilið 2009.  Það hafa þau gert og uppfylla nú allar A-forsendur fyrir viðkomandi deild.
17. mars 2009
Leyfisstjóri gaf sérstaka skýrslu á fundi leyfisráðs í dag, þriðjudag, um það hvaða félög í 1. deild uppfylltu kröfur fyrir félög í efstu deild. HK, ÍA og Víkingur R. uppfylla allar kröfur sem gerðar eru til félaga í efstu deild.
12. mars 2009
Að fengnu samþykki formanns leyfisráðs hefur leyfisstjóri leiðrétt leyfisveitingar Fjölnis og Keflavíkur vegna þátttökuleyfis í efstu deild karla 2009.
10. mars 2009
Fyrsti fundur leyfisráðs fór fram í dag, þriðjudag, og voru teknar fyrir umsóknir 24 félaga um þátttökuleyfi fyrir keppnistímabilið 2009. Gefin voru út þátttökuleyfi til handa 16 félögum, en 8 félögum var gefinn vikufrestur til að klára sín mál.
3. mars 2009
Á mánudag var haldinn árlegur undirbúningsfundur leyfisstjórnar með leyfisráði og leyfisdómi. Þessi fundur er jafnan haldinn áður en leyfisumsóknir félaga eru teknar fyrir og er hluti af gæðastaðal UEFA fyrir leyfisveitendur.
24. febrúar 2009
Ársreikningur ÍBV hefur borist leyfisstjórn með pósti. Stimpill pósthússins á sendingunni sýnir að pakkinn var póstaður 20. febrúar, þannig að Eyjamenn teljast hafa skilað innan tímamarka.
24. febrúar 2009
Framarar hafa nú skilað sínum fjárhagslegu leyfisgögnum. Þar með eiga einungis þrjú félög eftir að skila og von er á þeim gögnum í dag eða í kvöld. Þessi félög eru KA, Grindavík og Fylkir.
24. febrúar 2009
Fjárhagsleg gögn Fylkis og Grindavíkur, fylgigögn með umsókn félaganna um þátttökuleyfi í efstu deild karla 2009, hafa borist leyfisstjórn. Þessi félög fengu frest til dagsins í dag til að skila og teljast því hafa skilað innan tímamarka.
24. febrúar 2009
KA-menn hafa nú skilað fjárhagslegum fylgigögnum með leyfisumsókn sinni, ársreikningi með viðeigandi fylgiskjölum og staðfestingum og þar með hafa öll félögin skilað.
24. febrúar 2009
Leyfisstjórn hefur nú móttekið fjárhagsgögn frá öllum félögunum 24 sem undirgangast leyfiskerfið, þ.e. öllum félögum í efstu tveimur deildum karla. Öll skiluðu gögnum innan settra tímamarka.
24. febrúar 2009
Endurskoðaður ársreikningur Þórsara á Akureyri hefur borist leyfisstjórn. Þórsurum hafði verið veittur frestur til dagsins í dag til að skila gögnum, og teljast þeir því hafa skilað innan tímamarka.
23. febrúar 2009
Pósturinn kom til KSÍ með stóran pakka til leyfisstjórnar. Í honum voru leyfisgögn þriggja félaga - ÍA, Fjarðabyggðar og Víkings Ólafsvík. Póststimpillinn á öllum umslögunum staðfesti að gögnin voru send föstudaginn 20. febrúar.
