Spilavandi - Það er til hjálp

KSÍ og SÁÁ leggja áherslu á að allir geti leitað sér hjálpar og ráðgjafar, hvort sem um er að ræða leikmenn, þjálfara, dómara, aðstandendur eða almennt áhugafólk um knattspyrnu.

KSÍ og SÁÁ standa saman að verkefni sem ætlað er að vekja athygli á spilavanda og hvetja einstaklinga sem þurfa á því að halda að leita sér viðeigandi aðstoðar.

Framboð veðmálasíðna og notkun veðmála hefur aukist mikið að undanförnu og hafa veðmál og spilavandi verið enn meira áberandi í opinberri umræðu. KSÍ og SÁÁ vinna saman að herferð sem miðar að því að opna umræðuna og vekja athygli á þeim neikvæðu áhrifum sem spilavandi og veðmál geta haft. Með samstarfinu vonast KSÍ og SÁÁ til að rjúfa hindranir og hvetja fleiri til að stíga fyrsta skrefið í að leita sér hjálpar.

Tilgangur SÁÁ er að vinna að því að draga úr skaðlegum áhrifum fíknisjúkdóma á einstaklinga, fjölskyldur og samfélagið í heild. Samtökin stuðla að bættu heilbrigði, lífsgæðum og félagslegum úrræðum með því að veita þjónustu, stuðning og fræðslu. Grunnur herferðarinnar verður að vekja athygli á starfsemi SÁÁ og þeirri þjónustu sem samtökin bjóða upp á fyrir einstaklinga sem glíma við spilavanda.

KSÍ og SÁÁ leggja áherslu á að allir geti leitað sér hjálpar og ráðgjafar, hvort sem um er að ræða leikmenn, þjálfara, dómara, aðstandendur eða almennt áhugafólk um knattspyrnu.  

Unnið er að smíði sérstaks fræðslumyndbands sem birt verður á miðlum KSÍ.

Bæklingar SÁÁ:  

Hefur þú áhyggjur? - Upplýsingar ætlaðar þeim sem þekkja einstakling með spilavanda

Spilar barnið þitt fjárhættuspil? - Fræðslubæklingur

Þetta verkefni er hluti af sameiginlegu átaki Knattspyrnusambands Íslands (KSÍ), Íslensks Toppfótbolta (ÍTF) og Leikmannasamtaka Íslands (LÍ).