#Ekkitapa/#Takkdómarar
Átak vegna hegðunar í garð dómara 2023
Dómarar eru órjúfanlegur hluti af leiknum, en það er ekki sjálfsagt að fólk sé tilbúið til að gerast dómarar og mörg aðildarfélög KSÍ finna t.d. fyrir því að nýliðun dómara innan sinna raða er mikil áskorun. Ástæðurnar eru vel þekktar og meðal þess sem margir dómarar upplifa er neikvætt viðhorf og neikvæð hegðun á meðal margra þátttakenda leiksins – innan vallar sem utan.
KSÍ hefur sett í gang sérstakt verkefni með því markmiði að hvetja fólk til jákvæðrar hegðunar í garð dómara og/eða bæta hegðun sína og láta af neikvæðri hegðun í garð dómara, hvort sem um ræðir leiki í meistaraflokki eða yngri flokkum. Annað markmið með verkefninu er á fá fleira fólk á dómaranámskeið og fjölga dómurum.
Hægt er að skoða öll myndböndin á Youtube rás KSÍ, en finna má hlekk inn á hana hér að neðan.