Úrslitaleikur Mjólkurbikars kvenna 2025

FH - Breiðablik

44 ár eru síðan bikarkeppni kvenna KSÍ var haldin í fyrsta sinn en það var árið 1981 sem fyrst var keppt um bikarinn og verður spennandi að sjá hvaða lið standa uppi sem sigurvegarar í lok tímabils en leikið verður til úrslita í Mjólkurbikar kvenna á Laugardalsvelli laugardaginn 16. ágúst.

Miðasala fer fram á miðasöluvef KSÍ

Miðasöluvefur KSÍ

Miðaverð

Fullorðnir - 2500 krónur.

16 ára og yngri - 500 krónur

Sigurvegarar í bikarkeppni KSÍ

Valur (15)
Breiðablik (13)
ÍA (4)
KR (4)
Stjarnan (3)
ÍBV (2)
Selfoss (1)
Víkingur R. (1)

Leið liðanna í bikarúrslitin

FH

16 liða úrslit - Fylkir - FH 1-4

8 - liða úrslit - Þór/KA - FH 1-3

Undanúrslit - Valur - FH 2-3

Breiðablik

16 liða úrslit - FHL - Breiðablik 0-3

8 liða úrslit -Breiðablik - HK  5-1

Undanúrslit - Breiðablik - ÍBV 3-2

Upphitanir félaganna

FH

Kaplakriki kl. 12:00

Frekari upplýsingar um upphitun FH

Breiðablik

Þróttarheimilið frá kl. 13:30.

Dómarar leiksins

Aðaldómari: Gunnar Oddur Hafliðason

Aðstoðadómarar: Egill Guðvarður Guðlaugsson og Guðmundur Ingi Bjarnason

Fjórði dómari: Hreinn Magnússon

Dómaraeftirlitsmaður: Skúli Freyr Brynjólfsson

Heiðursgestir

FH

Gréta Brandsdóttir

Það er vel við hæfi að heiðursgestur FH sé engin önnur en Margrét Brandsdóttir eða eins og við köllum hana - Gréta Brands. Gréta hefur verið órjúfanlegur hluti af kvennaknattspyrnu í FH í næstum hálfa öld. Hún var einn af lykilleikmönnum í FH þegar liðið varð Íslandsmeistari árið 1972 þegar Íslandsmótið var haldið í fyrsta sinn í kvennaflokki en hún lyfti svo Grettistaki í félaginu þegar hún tók að sér að þjálfa yngstu stelpurnar í félaginu og lagði grunninn að því að FH er í fremstu röð á landinu þegar kemur að kvennaknattspyrnu á Íslandi. Gréta hefur komið að þjálfun a.m.k á annað þúsund iðkenda sem hafa farið í gegnum yngri flokka FH og hafa margir leikmenn skilað sér inn í meistaraflokk og spilað landsleiki fyrir Íslands hönd.

Breiðablik

Haukur Valdimarsson

Sjálfboðaliðar gegna lykilhlutverki í öllu starfi Breiðabliks. Einn þessara frábæru sjálfboðaliða er Haukur Valdimarsson, matreiðslumaður, sem hefur unnið óeigingjarnt starf fyrir Breiðablik í yfir 20 ár. Á þessum 20 árum hefur hann verið ,,aðalkokkurinn” og séð um að elda fyrir þátttakendur, farastjóra og þjálfara á Símamótinu, stærsta fótboltamóti landsins. Þegar þetta er gróflega tekið saman hefur hann, á þessum 23árum, eldað yfir 35.000 kvöldverði á samtals 49 dögum. Þá hefur Haukur einnig aðstoðað við Evrópuleiki kvennaliðsins og hafa lið á borð við Arsenal og Chelsea fengið að njóta meistaratakta hans. Auk þess hefur Haukur starfað í unglingaráði Breiðabliks og meistaraflokksráði kvenna og hefur hann dæmt ófáa leiki hjá yngri flokkum félagsins. Haukur á tvær dætur, þær Jónu Kristínu og Hildi Sif, sem báðar spiluðu með Breiðabliki til ársins 2016. Breiðablik er Hauki afar þakklátt fyrir hans ómetanlegu störf í þágu félagsins.