Ítalskur landsliðsþjálfari Albaníu
Næstkomandi föstudag mætast A karlalandslið Albaníu og Íslands í undankeppni HM 2014 á Qemal Stafa leikvanginum í Tirana. Þjálfari albanska liðsins er Ítalinn Gianni De Biasi, sem átti farsælan feril á Ítalíu, bæði sem leikmaður og þjálfari.
De Biasi lék með mörgum félagsliðum á ferli sínum sem leikmaður á áttunda og níunda áratugnum, þ.á.m. Internazionale í Mílanóborg. Sem þjálfari hefur hann m.a. starfað hjá Torino og Udinese, og var einnig til skamms tíma hjá Levante á Spáni.
Á blaðamannafundi í Tirana sagði De Biasi að hann byggist við erfiðum leik við Íslendinga. "Íslenska liðið náði góðum sigri gegn Norðmönnum í fyrsta leik og tapaði svo með minnsta mun gegn Kýpur. Við getum ekki farið að hugsa um leikinn við Slóveníu strax. Ísland er sterkt lið og við munum leika varlega".
.00_00_05_06.Still001.bmp?proc=760)
