Sterkt landslið Sviss
Eins og kunnugt er mætast karlalandslið Sviss og Íslands í undankeppni HM 2014 næstkomandi föstudag. Leikurinn fer fram á Stade de Suisse leikvanginum í þeirri fallegu borg, Bern. Svisslendingar hafa á afar öflugu liði að skipa og til marks um það er sú staðreynd að 11 af 23 leikmönnum í landsliðshópi þeirra á mála hjá félagsliðum sem leika í Meistaradeild UEFA.
Diego Benaglio hefur haldið markmannsstöðunni í nokkurn tíma, en Yann Sommer er farinn að gera tilkall til hennar. Stephan Lichtsteiner þykir einn af betri bakvörðum í Evrópu og hefur fest sig í sessi hægra megin í vörn ítalska liðsins Juventus. Nóg er af skapandi miðjumönnum og vængmönnum og nægir þar að nefna Tranquillo Barnetta, Xherdan Shaqiri og Granit Xhaka. Vörnin nýtur svo verndar frá vinnuhestum eins og Valon Behrami, sem leikur jafnan í stöðu varnartengiliðs.
.jpg?proc=760)
.jpg?proc=760)