U21 karla - Hópurinn sem mætir Rúmenum í vináttulandsleik
Eyjólfur Sverrisson, landsliðsþjálfari U21 karla, hefur valið hópinn sem mætir Rúmenum í vináttulandsleik 26. mars næstkomandi. Leikið verður í Targu Mures en þetta er í þriðja skiptið sem þjóðirnar mætast í þessum aldursflokki.
Þessi leikur er liður í undirbúningi liðsins fyrir undankeppni EM 2017 en Ísland hefur leik þar gegn Makedóníu á heimavelli, 11. júní. Aðrar þjóðir í riðli Íslands eru: Frakkland, Norður Írland, Skotland og Úkraína.
Níu nýliðar eru í hópnum að þessu sinni en um helmingur leikmanna er á mála hjá erlendum liðum.
.00_00_05_06.Still001.bmp?proc=760)
