U21 karla - Sigur gegn Sádí Arabíu
Strákarnir í U21 unnu góðan sigur á Sádí Arabíu í dag en vináttulandsleikur liðanna var leikinn í Róm. Lokatölur urðu 3 - 1 fyrir Ísland en markalaust var í leikhléi.
Fyrsta mark leiksins kom á 57. mínútu þegar Tryggvi Hrafn Haraldsson skoraði eftir fyrirgjöf frá Jóni Degi Þorsteinssyni. Tíu mínútum síðar var Jón Dagur sjálfur á ferðinni og staðan orðin 2 - 0. Sádar minnkuðu muninn á 79. mínútu en á fimmtu mínútu uppbótartíma bætti Ægir Jarl Jónasson við þriðja markinu og flautað var til leiksloka örstuttu síðar.
Góður undirbúningur liðsins að baki fyrir undankeppni EM en liðið lék þrjá leiki í ferðinni. Undankeppnin hefst með leik gegn Albaníu á heimavelli, 4. september en önnur lið í riðlinum eru Eistland, Norður Írland, Slóvakí og Spánn.
.jpg?proc=760)
.jpg?proc=760)