Félög hvött til að huga að kynjaskiptingu við val á þingfulltrúum
Frá stjórn KSÍ:
Stjórn KSÍ hvetur aðildarfélög til að huga áfram vel og vandlega að kynjaskiptingu við val á þingfulltrúum fyrir 79. ársþing KSÍ, sem fram fer þann 22. febrúar næstkomandi á Hótel Hilton Nordica í Reykjavík. Þetta skiptir verulegu máli fyrir knattspyrnuhreyfinguna okkar.
Í ársskýrslu KSÍ sem gefin var út fyrir ársþing KSÍ árið 2024 var stiklað á stóru um samfélagsmál og jafnréttismál, m.a. kynjahlutfall á ársþingum KSÍ. Kynjaskipting fulltrúa félaganna á ársþingum KSÍ hefur breyst verulega frá árinu 2019, þegar aðeins 1% þingfulltrúa voru konur (9 af 147), og var hlutfallið komið í 28% á ársþinginu 2023 en féll í 17% á þinginu 2024.
| Ár | Fjöldi |
| 2019 | 1% (9 konur af 147) |
| 2020 | 13% |
| 2021 | Rafrænt þing, 16%, Aukaþing 22% |
| 2022 | 20% |
| 2023 | 28% |
| 2024 | 17% (24 konur af 145) |
.jpg?proc=760){kind=logo}
